عرض للطباعة
السلام عليكم
انا ملاحظ من فتره بسيطه رعشه خفيفه فى اصابع الايد على فترات متقطعه
فياريت اللى عنده حل يقوله خصوصا اذا كان اكلات معينه مثلا او تمارين معينه
بس ياريت تكون حلول متجربه . مع العلم انى مواعيد نومى متأخره يعنى تقريبا بعد الفجر فهل ممكن يكون ده السبب
انا عندي الرعشه دي بس بسبب الغده الدرقيه
واما باخد الدوا ببقي كويس
انما معرفش ايه موضوع الفترات المتقطعه دي
ان شاء الله دكاتره المنتدي يفيدوك
شفاك الله وعافاكاقتباس:
المشاركة الأصلية كتبت بواسطة funnymickey
متهيألى الغده الدرقيه ممكن يتدخل فيها جراحه ولا على حسب الحاله
لازم تروح لدكتور لأن لحاكية دية ليها أسباب كتير جدا ممكن يكون مشكلة فى الأعصاب
و حاول تقلل شرب الشاى و القهوة و البيبسى و الحاجات دى و ربنا يشفيك
موضوع رعشة الأيد دي ليها أكتر من سبب .. ومن ضمنها عدم الكفاية في النوم أو النوم في أوقات متأخرة زي ما حضرتك بتعمل .. أو ضعف في الأعصاب ودي بالفيتامينات والمقويات بتروح .
أو زي ما قال الأستاذ "فني ميكي" ممكن تكون الغدة الدرقية .. وأنصحك تعمل تحاليل t3 , t4, tsh للاطمئنان على مستوى هرمون الغدة الدرقية والغدة النخامية ... ويا ريت تعمل التحاليل دي في أقرب وقت .
ملحوظة : أنا مش دكتور .. بس أول أسباب الرعشة هي الغدة الدرقية .. وإن شاء الله متكونش هي بس أعمل التحاليل لمجرد الاطمئنان .
بصراحه دكاتره الاعصاب دول بالذات مابحبش اروحلهم الا اذا كان الامر مهماقتباس:
المشاركة الأصلية كتبت بواسطة smartchoice
ساعات بحس انهم بيدخلوا المريض فى كذا موال . خصوصا ان الرعشه بسيطه انما لو زادت اكيد هروح لدكتور
وشكرا لحضرتك
هو انا متهيألى انها مش غده لان الحمد لله مافيش اى ارهاق او نهجان عند المشى او عند بذل مجهود.اقتباس:
المشاركة الأصلية كتبت بواسطة ziabassem
ياجماعه الله يبارك فيكم
على حسب الحالة طبعاً .. يعني أنا على سبيل المثال كانت هرمونات الغدة الدرقية وصلت لدرجة كبيرة وكانت تسممية (بمعنى أخر أي سعر حراري يدخل الجسم بيتحرق على طول من غير أي استفادة للجسم) وكنت ساعتها خاسس جداً جداً ..اقتباس:
المشاركة الأصلية كتبت بواسطة salmay
واللي وصلني للحالة دي بسبب خطأ في نتيجة تحاليل معمل لأني كنت بعاني من الرعشة دي حتى في رجلي وأنا واقف بصلي مش في أيدي بس .. والنتيجة طلعهالي سليمة ومفيش حاجة .. وفضلت الحالة تتطور من غير علاج طبعاً .. لحد ما وصلت الحالة عندي لغدة درقية تسممية وكان يستلزم معاها الجراحة لاستئصالها بالكامل .
أنا مش بخوف حضرتك ولا بعملك رعب .. بس الأحسن تطمن .. وتكون التحاليل في معمل موثوق فيه
أحتمال كبير برضه .. الشاي والقهوة والبيبسي .. بالإضافة للنوم في أوقات متأخرة .اقتباس:
المشاركة الأصلية كتبت بواسطة smartchoice
أعتقد أي طبيب هيكتبلك فيتامين b12 حقن في العضل
و غالبا دي هتودي الرعشه
و مستنيين رد باقي الدكاتره
و بالمناسبه الرعشه دي عرض و ليس مرض
و بالتالي ليها عشرات الأسباب مثل زياده افرازات الدرقيه او البول السكري ..
أنا مش عارف الجرعه بتاع ب 12 اد ايه
و لكنها مختلفه من حاله لأخري
ف يا ريت حد يفيدنا .. و لو الرعشه ما رحتش مع ب 12
ساعتها ممكن تستقصي السبب بقي الي أخره
بدل ما تتكلف كتير علي الفاضي
أنا لا كان فيه تعب ولا نهجان ولا أي حاجة من دي خالص وكمان كانت الغدة الدرقية في حجمها الطبيعي من غير أي تضخمات، كل اللي كنت بعاني منه نزول الوزن بشكل مش طبيعي وحرقان في المعدة .. وكل الدكاترة كانوا بيبصوا على التحليل اللي مش مظبوط ده ويستبعدوا الغدة ويتعملوا على أساس أنه في حاجة في المعدة مش مظبوطة .. لحد مارحت عن دكتور كبير بتاع جراحة جهاز هضمي وأنا في دماغي حعمل منظار على المعدة .. ولما كشف عليا قالي أنها غدة درقية .. فوريته التحليل ، قالي ماليش دعوة بالتحليل ده الأعراض كلها أعراض غدة تسممية وأعمل تحليل غدة في معمل الفا أو البرج ، وبالفعل طلع كلامه صح .اقتباس:
المشاركة الأصلية كتبت بواسطة salmay
لو سمحت أسمع كلامي وأعمل التحاليل مش حتخسر حاجة خالص .. بالعكس حتطمن على نفسك .. أيه المانع يعني !!! وإن شاء الله يكون خير
اقتباس:
المشاركة الأصلية كتبت بواسطة ziabassem
حاضر انا هروح ان شاء الله اعمل التحاليل وشكرا لحضرتك ولجميع الاخوه
انت سنك كام سنه
وايه هي الاكلات والمشروبات
وبتشتغل ايه
متابع لأنها بتجيلي انا كمان
هى فعلا عرض و ليس مرض فى حد ذاته و فى اسباب كتير و مختلفة ممكن تعملها
اولا ايه نوع الرعشة .. على مستوى مفصل الرسغ و لا مفاصل الاصابع نفسها (بين عقل الاصابع)
ثانيا ياريت حضرتك تذكر اى اعراض اخرى لاحظتها
انا سنى 35 سنهاقتباس:
المشاركة الأصلية كتبت بواسطة dr.amr
والاكلات اكلات البيت وانا مش من محبى التيك اواى وقليل الاكل خارج المنزل
المشروبات بشرب حوالى 5 شاى و 2 قهوه يوميا وفى الصيف بشرب بيريل
العمل صاحب مصنع احذيه
متابع وشكرا لحضرتك يادكتور والرعشه بين الاصابع وليس فى المفصل
هو بالنسبه للشاي والقهوه كده كتيراقتباس:
المشاركة الأصلية كتبت بواسطة salmay
مع الارهاق والسهر ده ارهاق جامد للاعصاب
ممكن تعمل يعض التحاليل للاطمئنان بس مش اكتر
ان شاء الله هتكون سليمه وهيكون فقط نقص فيتامينات وارهاق
ALT AST
blood urea
creatinine
T3
T4
TSH
وياريت لو تعمل واحد سكر عشوائي في السريع
بس قولي انت معندكش اي اعراض تانيه بتشتكي منها ؟؟
هل بتستمر فترة و لا بتروح على طولاقتباس:
المشاركة الأصلية كتبت بواسطة salmay
و جرب تمسك حاجة بايدك بتروح الرعشة ولا بتستمر
و هل هى شديدة او خفيفة
لا يادكتور لايوجد اى شكوى ولا اى اعراض اخرىاقتباس:
المشاركة الأصلية كتبت بواسطة dr.amr
بص التحاليل ده علشان نبص علي الكلي والكبد والغده الدرقيه بسرعهاقتباس:
المشاركة الأصلية كتبت بواسطة salmay
وان شاء الله مفيش حاجه
يعنى لمده 15 الى 20 ثانيهاقتباس:
المشاركة الأصلية كتبت بواسطة aymanay32
وجربت وانا ماسك حاجه مفيش رعشه ولكن بتكون واصابعى مفروده وهى خفيفه
شكرا لاهتمام حضرتك
انا مش دكتور ولا بحب الإفتاء فى الطب
بس انا رأيي لها اكتر من سبب
الكافيين الكتير
قلة النوم
و العلاج الأبتعاد عن الكافيين بأنواعة
و النوم براحتك
ثم فيتامين ب12
و كمان يا سلام لو تقدر تجيب عسل نحل و تخلط علية غذاء ملكات بلدى دى بقا مش حقولك عليها
بس خلى بالك لازم تجيبها من مكان موثوق فية و كمان لازم تشوف غذاء الملكات و هو خارج من الفريزر عندة ( يعنى لازم يكون حد ثقة جدا )