هل أنت راضى عن اضاءة الصنى .....

بسم الله الرحمن الرحيم
اللهم صل على محمد وعلى آله وصحبه أجمعين

ارجو دخول أعضاء الصنى للمشاركة فى الرأى

حاسس ان اضاءة فوانيس ا لصنى مش قويه للدرجة يعنى بحس انى مش شايف اللى قدامى
الفوانيس ظبطهم و كانت النتيجة الواطى كويس بس لمسافة قريبه علشان العالى ميبقاش لفوق خالص )


و لو ضبط الواطى لمسافة بعيدة النور بيضعف و العالى بيبقى فى السما
فهل الموضوع دا معايا بس و محتاج ضبط كويس و لا المشكلة مع حد تانى


و طبعا تركيب لمض قوية محتاج كتاوت و خروج من الضمان ...ولا التوكيل ممكن يكون عنده بديل للمض بنوع تانى مثلا !!!

انا معايا سوبر صالون2008 وبصراحه إضاءة الكشاف الأمامى + كشافات الضباب قوية جداً

و انا معايا ex 2009 و برده الاضاءة بتاعة الواطي قوية لدرجة انها ساعات تضايق اللي جاي من الناحية التانية و طبعا العالي رائع جدا
حضرتك لما تعمل الصيانة اللي جاية خلي التوكيل هو اللي يظبطلك الاضاءة و كله هيبقي تمام

على فكرة انا بتكلم عن الفانوس الشكل الجديد اللى العالى و الواطى فيه لمبه واحدة!!
انما الفانوس الشكل القديم محتروم وشيك و اضاءته غالبا افضل لان الواطى لمبه و العالى لمبه تانيه

الاضاءة بتعتها بتعمى العين

انا عربيتى 2010 وعندى نفس المشكله

فعلا يا دكتور أحمد أنا عندي نفس المشكلة وقلتلهم عليها في صيانة الالف وصيانة الخمسة الاف وكل مرة يقولولي ضبطناهم وللأسف اتفاجأ بعدها انهم زي ما هما المشكلة عندي ان النور ضارب لفوق يمين لدرجة اني في السفر ما بستخدمش العالي خالص مع اني بكون محتاج ليه وان شاء الله انا رايح صيانة العشرة الاف يوم الاربعاء (لو الجو اتحسن) وهقلهم عليها تالت
الحاجة اللي فعلا مضايقاني اني حاولت اضبط الاضاءة بنفسي من خلال الرجلاش اللي في الفوانيس وللأسف ما كنش في استجابة

انا كمان حاسيت المشكله دى بس فى العالى وهى ان العالى بتاعها ضعيف مش بحس انه مفيد ولا حاجه .... لكن الواطى ممتاز

الاضاءة كويسة يا جماعة مفيش مشكلة و لما بتضيء كشافات الضباب بتبقي الروئية جامدة جدا كمان

the same problem in EX 2010
what is the splution ?
i dont use the high lighting

المشكلة لو ظبط الواطى هيبقى تمام و جيت تستخدم العالى هتلاقيه فى السماء لان العاكس اللى بيبعد الواطى لقدام بيطير العالى لفوق!!!

المشكلة للى بيستخدم العالى علشان يكشف المطبات على الطريق السريع و بالذات فى السفر بالليل

بص يا دكتور روح الفرع الجديد فى المنصورة جنبك واحكلهم على الموضوع ده وهما حيقوموا بالازم ووقت ما تنوى تروح قولى
وانا اكلم لك مدير الفرع هناك فى المنصورة يظبطلك الدنيا

وباذن الله خير

شكرا أحمد بيه على ذوقك
بس هل المشكلة بتتحل بظبط النور و لا تغيير اللمض.............
نفسى حد يقوللى النور عنده واطى وعالى تمام فى الفانوس الشكل الجديد

اقتباس:

---

المشاركة الأصلية كتبت بواسطة aiman0173

المشكلة عندي ان النور ضارب لفوق يمين لدرجة اني في السفر ما بستخدمش العالي خالص مع اني بكون محتاج ليه

---

لو المشكلة انه من الناحية اليمين ضارب لفوق انما فى النص قدام العربية وباقى الطريق النور بيبقى كويس فده الطبيعى على فكرة لأن العربيات اللى بتنزل فى الدول اللى القيادة فيها على الناحية اليمين تصميم النور بيبقى كدا علشان يكشف اليفط بتاعت الطريق انما لو النور عموما ضارب لفوق من كل الاتجاهات يبقى اه كدا فيه حاجة غلط والله اعلم

بالعكس ده الاضاءة قويه جدا

هى ممكن العيب ان ااتجاه لانوار ما بتعلاش او توطا من جوا

النهاردة كنت في السبع بعمل صيانة ال10000 كم وطلبت يشوفولي حل لأني من صيانة الالف وانا بشتكي من ان النور عالي وناحية اليمين فبصراحة وقفوا ثلاثة يضبطه فيه من الرجلاش اللي في الفانوس فربنا يسهل ويكون اتعدل المرة دي وان شاء الله أول ما أمشي بيها بالليل هقول على النتيجة

اقتباس:

---

المشاركة الأصلية كتبت بواسطة د.أحمد السعيد

شكرا أحمد بيه على ذوقك
بس هل المشكلة بتتحل بظبط النور و لا تغيير اللمض.............
نفسى حد يقوللى النور عنده واطى وعالى تمام فى الفانوس الشكل الجديد

---

اللى اعرفه يا دكتور انهم مش بيغيروا اللمض ولكن بيظبطوا مكانها وبيعدلوا اتجاهاتها