انا دورت كتير ولاقيت كليو - اكسيل - اكسنت - ابيزا - اوبل كورسا
بس اهم حاجه عندى باور - تكيف - قطع الغيار - والشكل العام
ياريت تجاوبنى
مين فيهم الافضل اخوكم محتار كتيررررررررررررررررررررر
عرض للطباعة
انا دورت كتير ولاقيت كليو - اكسيل - اكسنت - ابيزا - اوبل كورسا
بس اهم حاجه عندى باور - تكيف - قطع الغيار - والشكل العام
ياريت تجاوبنى
مين فيهم الافضل اخوكم محتار كتيررررررررررررررررررررر
هى الاوبل حلوة
بس المشكلة قطع غيارها غالية
و على فكرة ممتعة جدا فى السواقة و جراية و بتشد كويس
و الباور بتاعها حلو و التكييف جيد جدا
و الكليو برده كويسة بس مركبتهاش كتير بلاش افتى
اكسنت 1500 انجكشن حلوة جدا تكييف كويس باور قطع الغيار متوفرة
بس المهم الحاله
اكسنت ممتازه بس لو حاله كويسه ممكن تعمل اكتر من 35
كل اللي بتطلبه ياباشا فعلا ف الاكسنت
1. باور جميل جدااا ومريح
2. تكيف حلو
3. قطع غيار رخصيه جدا ومتوفره ف كل حته
4. الشكل حلو ومقبول وبتنفع تتروش كمان :d
شكررا على الاهتمام
انا استبعد الكليو مع انها افضل واحده فيهم بس قطع الغيار نار نار نار ولازم دكتور يشتغل فيها مش اى حد
بس الوسوسه اشتغلت فى دماغى
طيب كورسا ولا اكسنت
مع ان الكورسا عجبانى عن الاكسنت
ياريت حد يقولى الفرق
وشكرا اااااااااااااااا على الردود
السلام عليكم
مين قال قطع غيار الكليو غالية
دى موفرة جدا فى استهلاكها بنزين
افضل تنزل تسأل بنفسك الاول عن قطع الغيار
والقرار لك
اكسنت افضل الخيارات
و ممكن تحط في الاختيارات بردو فيات تمبرا
و لكن انا افضل الاكسنت عشان قطع الغيار ارخص و متوفرة في كل حتة و الصنايعية بيحبوا يشتغلوا فيها
اما التمبرا بيكرهوها و الكورسا قطع غيار اغلي من الاكسنت و مش كل الصنايعية بيشتغلوا فيها
بالتوفيق
لو عاوز كورسا هتستمتع جدا بركوبتها وقطع غيارها مش غاليه ومتوفره جديد واستيراد ولكن هاتها 1200سي سي بلاش ال1000سي سي ..
عاوز عربيه تقضي الغرض وعمليه يبقي الاكسنت ال1500 سي سي قطع غيار متوفره ورخيصه وسعر اعاده البيع حلو .
بجد شكراا على الاهتمام
اكسيل و اكسنت قطع غيارهم متوافره باسعار معقوله
الباقي جوده اعلي بس قطع غيارهم غاليه بس معمره
و العربيات نفسها تقال في البيع شويه
طيب في عربيتين تانين جنب الاكسنت ........ متجرب كده السيفيا او اللانوس جوليت
التلاثة انا كنت بدور عليهم قبل ما اشتري ...... وكنصح ميكانيكية ليا ....... الترتيب كالاتي وممكن الاعضاء المحترمين يصححولي
1-السيفيا ...... عربية تحفة وواسعه اوي وقطع غيارها كوري طبعا ويارب تلاقيها وسعرها ممكن يبدا من 38000 لغاية 45000
2-اللنوس جوليت .... عربية جميلة ورياضية وثابته بشكل تحفة وكماليتها جمييلة اوي ...بس هاتشباك .. وقطع غيارها كوري برده (سعرها لو مو 99 مايزيدش باي حال من الاحوال عن 40000 لو حالتها تحفة .... لو مزديلات اعلي هتلاقيها من41000 الي 45000) واتاكد من سعرها تاني
3- الاكسنت ........ عربية جميله وناس بتشكر فيها اوي وبتاعه جري وشقي وبتتحمل وتكيفها جميل ... بس حاول توقع حاجة حالتها حلوة .. بس اللي ساقوا السيفيا والجوليت بيقولوا مفيش مقارنه بينها وبينهم اصلا ...... وسعرها ممكن يبدا من 35000 وانت طالع لغاية مثلا43000) لو 2006 مثلا (بس خليك في 1500 سي سي ) بلاش ال1300 سي سي ......... !!!
وربنا ييسرلك الحال ويرزقك الخير يارب