هل مستقبل السيارات فى مصر أسود أم زاهر؟

**engMuhamed2010** · 12-12-2010 07:46 PM

أنا أتسائل بالنسبه لمستقبل صناعة السيارات فى مصر, فالتخفيضات الجمركية أجبرت مرسيدس و بى إم على الخروج من السوق المصرى.

ممكن أعرف سبب الخروج؟؟ و ليه تكلفة الإنتاج فى مصر بتخسرهم؟ إذا كان أصلا سبب لجوئهم لمصر هو رخص العمالة و الموارد؟ انا بجد مش فاهم النقطه دى ياريت الى فاهم يشرح النقطه دى يا شباب

و بالنسبه للكيا و البروتون هل سيحدث المثل؟؟ خصوصا بعد أن توقع مصر على إتفاقية تجمع تحالف الدول النامية 14 دولة من كبري الدول المصدرة مثل مصر وباكستان وكوريا الجنوبية، ماليزيا وأندونيسيا والبرازيل، كوبا والهند والأرجنتين وأوروجواي وباراجواي والمغرب، وإيران والجزائر.

هل عنى ذلك أن بروتون هى الأخرى ستتراجع عن رغبتها فى إنشاء خط تجميع لها بمصر؟
هل مستقبل صناعة السيارات فى مصر فى خطر؟

بصراحه أنا متلخبط خصوصا و إن تويوتا مازالت على قرارها فتح خط تجميعى لها فى بنى سويف, فهل هذا لأن اليابانيين سيشرفون على خط التجميع بأنفسهم أم ماذا؟؟؟

أرجو أن يوضح أحد هذا, خصوصا و إنى اصبحت متشكك من العمل مهندس فى مجال السيارات.

**MaZaGAngeE** · 13-12-2010 07:01 AM

ممكن تقولنا مصادر معلوماتك دي ايه ؟

**ramy01011** · 13-12-2010 08:39 AM

احنا شعب مستهلك
احنا شعب عدده كبيييييييييير
احنا شعب بنحب الفشخرة
السوق بقي مفتوج لكل الماركات دلوقت
اعتقد كل ده دليل ان المستقبل للعربيات مزدهر موش اسود خالص هو هيبقي اسود علينا احنا بس هههههههه

**asd7778** · 13-12-2010 07:44 PM

على العكس فى توقعى بل الموضوع الجمارك سوف يطور سوق السيارت فى مصر تماما
الحكومة رأت ان تصنيع بى ام ومرسيدس لا يفيد الا طبقه بسيطه جدا وهى الطبقة الغنيه لذا فأن اتفاقية الشراكه مع الاتحاد الاوربى التى سوف يتم تخفيض الجمارك على السيارت ذات المنشأ الاوربى فقط فقط ليس الاسيوى ولا الامريكى لذا بى ام ومرسيدس سوف يغلقان مصنعهما لان الاستراد من المانيا سوف يكون ارخص فى 2015
اما الاسيوى واليابانى ليس له مجال الا التصنيع والتجميع المحلى لذا تويوتا قامت بعمل مصنع واكيد هيونداى حطور مصنعها مع غبور ومصنع شيفورليهوهى الفئة من السيارات التى تخدم شريحة كبيره من المجتمع

**Ralliart** · 13-12-2010 08:33 PM

كل الاتفاقيات دي بتخدم فئة 1600 سي سي فأقل
فبلاش نحلم كتير ..........

**asd7778** · 14-12-2010 09:20 AM

المشاركة الأصلية كتبت بواسطة ralliart

كل الاتفاقيات دي بتخدم فئة 1600 سي سي فأقل
فبلاش نحلم كتير ..........

عفوا اتفاقية الشراكة الاوربيه تطبق على كافة السيارت فى كل السعات اللترية عشان كدا التخفيض ممكن يبان جدااااااااااا فى الفئات الى اكبر من 1600 سى سى وعشان كدا مرسيدس وبى ام حيقفلوا المصنع فى مصر ويتجهوا للاستراد