الموضوع: كل مايخص مواتير الهوندا بمميزاتها واسعارها

المشاركة الأصلية كتبت بواسطة bedo13

الف شكر يا استاذ سامح واستاذ محمد ..
محمد نبيل باشا..
حضرتك كنت قلت قبل كده على موضوع سنة الصنع للموتور بس انا نسيت..
ممكن تفكرني بيه...

الموضوع راح في الحادثة قصدى يعنى في وقوع المنتدى :) هتلقى في ختم أو دائرة فوق ناحية الشمال( أول دائرة على الشمال) عند هيدر الشكمان لو مكتوب (2|9) يبقى موديل 92 لو (7|9) يبقى موديل 97 لو (0|0) يبقى موديل 2000 وهكذا ..

دى صور واحدة لكود الماتور والثانية لسنة صنعه سنة 1989

الله ما صلي علي النبي, ربنا يبارك لك و يجازيك خير.

الهوندا هوندا.

يا عم سمسم مش كدة انا مش ملاحق، الله ينور :b4_611:

تسلم ايديك يا ابو سامح
صاحب اقوي المواضيع علي المنتدي شرح وافي
عايزين نثبته

المشاركة الأصلية كتبت بواسطة semsem kane

طبعا احنا عارفين ان فية مواتير كثيرة جدا للهوندا وخصوصا فى الجيل الخامس والسادس (92-2000)

والسؤال اللى انا لقيت معظم الاعضاء هنا بيسألوة هو عن نوع الماتور اللى معاهم او اللى عايزين يسقطوة

وهل هو احسن ولا ماتور اخر افضل مع تساوى السعة اللترية فحاولت بقدر الامكان ان اجمع

اكتر المواتير منتشرة فى مصر , واكثر مواتير بيتم تسقيطها وان شاء الله هنستعرض كل ماتور بجميع

مشتملاتة واسعارة ومدى توافر قطع غيارة ومقارنتة ببقية المواتير من نفس السعة

ان شاء الله هنستعرض السيفيك الجيل الرابع و الخامس والسادس

اولا : D15B3

خصائص هذا المحرك :

1: عدد السلندرات : 4

2: السعة اللترية : 1493 سى سى
3: عدد الصمامات : 16 صمام
4: القوة الحصانية : 105 حصان
5 : العزم : 13.55 كجم / المتر عند 4500 لفة
6: عدد الكامات : كامة واحدة
7: نظام حقن الوقود : كربراتير
8: اقصى عدد لفات :6000 لفة
9: نسبة انضغاط الماتور : 9:9
10: اقصى سرعة : 190 كم

ثانيا : D15B

خصائص هذا المحرك :

1: عدد السلندرات : 4
2: السعة اللترية : 1493 سى سى
3: عدد الصمامات : 16 صمام
4: القوة الحصانية : 104 حصان
5 : العزم : 13.6 كجم / المتر عند 4500 لفة
6: عدد الكامات : كامة واحدة
7: نظام حقن الوقود : كربراتير مزدوج
8: اقصى عدد لفات :6400 لفة
9: نسبة انضغاط الماتور : 9:2
10: اقصى سرعة : 190 كم

ثالثا : D15B 3 STAGE VTEC

خصائص هذا المحرك :

1: عدد السلندرات : 4
2: السعة اللترية : 1493 سى سى
3: عدد الصمامات : 16 صمام
4: القوة الحصانية : 128 حصان
5 : العزم : 14.1 كجم / المتر عند 5200 لفة
6: عدد الكامات : كامة واحدة
7: نظام حقن الوقود : كربراتير
8: اقصى عدد لفات :7500 لفة
9: نسبة انضغاط الماتور : 9:3
10: اقصى سرعة : 200 كم
11: كود الكنترول : P08/P2J

ملحوظة : هذا المحرك مزود بمرحلتين للVTEC أى يوجد فتح للحساس الVTEC عن الوصول الى 2800 لفة وعند الوصول الى 4800 يتم فتح الحساس الثانى كنوع من اعطاء قدرة السحب للمحرك وتم اعتمادة من اول الجيل الرابع عام ال1991

رابعا : D15Z6

خصائص هذا المحرك :

1: عدد السلندرات : 4
2: السعة اللترية : 1493 سى سى
3: عدد الصمامات : 16 صمام
4: القوة الحصانية : 114 حصان
5 : العزم : 13.5 كجم / المتر عند 5400 لفة
6: عدد الكامات : كامة واحدة
7: نظام حقن الوقود : انجيكشن
8: اقصى عدد لفات :6800 لفة
9: نسبة انضغاط الماتور : 9:6
10: اقصى سرعة : 200 ك
11: كود الكنترول : P2Y/P2J

ملحوظة :تم تزويد المحرك بتقنيات عديدة منها :

1: قطع الوقود عن السيارة عند تخطى 7200 لفة
2: تزويد السيارة بالكنترول من الجيل الثالث وهو OBD-2
3: يتم فتح الVTEC عند 3500 لفة وبتحميل معين على المحرك يتم فتح 3 او اربع صمامات من كل سلندر يعنى لو عدد لفات العربية 3500 هيفتح الماتور 12 صمام بس ( 3 لكل سلندر ) لكن لو عدد لفات الماتور مثلا وصلت ل4800 لفة هيفتح ال16 صمام (4 لكل سلندر ) ودة طبعا بيقوم بتوفير البنزين مع وجود عزم نشط عند السرعات القليلة نسبيا

خامسا : D16A9

خصائص هذا المحرك :

1: عدد السلندرات : 4
2: السعة اللترية : 1598 سى سى
3: عدد الصمامات : 16 صمام
4: القوة الحصانية : 132 حصان
5 : العزم : 14.5كجم / المتر عند 5700لفة
6: عدد الكامات :2كامة علوية
7: نظام حقن الوقود : انجيكشن
8: اقصى عدد لفات :7800 لفة
9: نسبة انضغاط الماتور : 9:5
10: اقصى سرعة : 220 كم
11: كود الكنترول : P29

سادسا : D16Z6

خصائص هذا المحرك :

1: عدد السلندرات : 4
2: السعة اللترية : 1590 سى سى
3: عدد الصمامات : 16 صمام
4: القوة الحصانية : 125 حصان
5 : العزم : 14.7 كجم / المتر عند 5200 لفة
6: عدد الكامات : كامة واحدة
7: نظام حقن الوقود : انجيكشن
8: اقصى عدد لفات :7400 لفة
9: نسبة انضغاط الماتور : 9:2
10: اقصى سرعة : 215 كم
11: كود الكنترول : P28

ملحوظة :

يمتاز هذا المحرك بوجود VTEC ويتم فتحة عند 4800 لفة , وتم الاستعانة بوحدة الكنترول من الجيل الثانى OBD-1 , وهذا المحرك تم صنعة من سنة 1992 للموديل الاوروبى ESI ثم اشتهر بافضل المحركات ذان الكامة الواحدة التى يتم تسقيطها فى مصر

سابعا : ZC 1.6 LITRE

خصائص هذا المحرك :

1: عدد السلندرات : 4
2: السعة اللترية : 1590 سى سى
3: عدد الصمامات : 16 صمام
4: القوة الحصانية : 130 حصان
5 : العزم : 14.7 كجم / المتر عند 5700 لفة
6: عدد الكامات : 2 كامة علوية
7: نظام حقن الوقود : انجيكشن
8: اقصى عدد لفات :7800 لفة
9: نسبة انضغاط الماتور : 9:5
10: اقصى سرعة : 220 كم

ملوحظة هام جدا للى عايز يسقط الماتور دة :

1: الماتور دة اول اصدار لية كان سنة 1987 يعنى بداية الجيل الرابع وكان بينزل فى الCRX
2: الماتور دة فية منة كامة واحدة وفية منة 2 كامة بنفس الكود ZC
3: الماتور دة نزل منة 4 اجيال كتحديث والفروقات مابينهم كبيرة
4: الماتور دة اصداراتة ( 113 حصان , 118 حصان , 130 حصان )

الفرق بين اجيال الZC وكيفية معرفة الماتور دة موديل كام وهل هو فعلا ال130 حصان ولا ال118 او ال113

اولا: الجيل الاول :

يأتى الجيل الاول :

1: بوابة صغيرة

2:لون غطاء التاكيهات بنى مائل الى الاصفرار
3: مسامير قفل غطاء التاكيهات موجود اعلى الغطاء
4: موزع كهرباء ( اسبراتير ) صغير
5: بكرة الكامات صغيرة
6: قدرة المحرك 113 حصان

ثانيا الجيل الثانى :

1: بوابة كبيرة
2: لون غطاء التاكيهات اصبح اسود
3: بكرة كامات كبيرة
4: قدرة المحرك 118 حصان

ثالثا : الجيل الثالث :

1: اصبحت البوابة اكبر ,وتحمل رقم PM7
2: غطاء التاكيهات اصبح لونة اسود كامل
3: اصبحت مسامير غطاء التاكيهات على الاطراف من اسفل
4: موزع كهرباء كبير
5 : حساس ال MAP على جسم السيارة
5: قدرة المحرك 130 حصان

رابعا : الجيل الرابع :

1: تم استخدام نظام الECU من الجيل الثانى
2: الكابلات اصبحت ذات لون رمادى
3: اصبح حساس زاوية الكامات على البوابة ليس على فرن الشكمان كما كان من قبل
4: عند الوصول الى اقصى عدد لفات يتم فصل الماتور تلقائيا ويتم ارجاعة الى اللفات المسموح بها
5: لايوجد لوحة على البوابة من الاعلى بعكس الجيل السابق وتم اسبدالها بثلاث ضلوع محفورين على جسم البوابة من اعلى
6: اصبح حساس الMAP على جسم الثروتل بودى
7: قدرة المحرك 130 حصان الى 135 حصان

جميع اصدارات هذا المحرك يابانية ( JDM)

ثامنا : B16A

لقد تم تطوير محركات رياضية من قبل شركة هوندا بذات السعة نفسها ولكن بقدرات عالية جدا وذلك بفضل دخول الالمونيوم فى تصنيع المحرك + حساس الVTEC + زيادة نسبة الانضغاط الى 10:4 + تعديل فى الECU + اختلاف وقت فتح الكامات الى صورة افضل واسرع وشىء هام تصميم المحرك ليصبح محرك سيارة سباق وايضا ليناسب الطرق العادية
محرك الB16A بدأ ظهورة فى اول عام 1988 الى 1991 وسمى بذلك الوقت B16A 1 ST GENERATION وموجود فى الجيل الرابع , الCRX
ثم بدأ بنزول الجيل الثانى فى عام ال1992 الى عام 1995 ببعض التطورات الجميلة التى رفعت قدرة المحرك 10 احصنة
وفى عام 1996 الى 2000 تم نزول الجيل الثالث من محركات الB16A واصبحت اكثر قوة وانعم واهدأ ولنبدا الحديث عن المحركات بالتفصيل

اولا : B16A 1ST GENERATION

خصائص هذا المحرك :

1: عدد السلندرات : 4
2: السعة اللترية : 1595 سى سى
3: عدد الصمامات : 16 صمام
4: القوة الحصانية : 160 حصان
5 : العزم : 15.5 كجم / المتر عند 7000 لفة
6: عدد الكامات : 2 كامة علوية
7: نظام حقن الوقود : انجيكشن
8: اقصى عدد لفات :8100 لفة
9: نسبة انضغاط الماتور : 10:2
10: اقصى سرعة :230كم
11: كود الكنترول : PR3

ملحوظة لكى يتم معرفة هذا المحرك بانة الجيل الاول يجب ان تلاحظ الاتى :

1: كلمة VTEC اصغر من كلمة DOHC
2: نظام نقل الحركة يتم عن طريق كابل
3: الECU كودة PR3 من الجيل الاول OBD-0
4: الكابلات لونها اسود
5: نظام الاسبرايتر مختلف شكلا واداء

ثانيا : الجيل الثانى

بدأ الجيل الثانى فى الظهور عام 1992 الى 1995

خصائص هذا المحرك :

1: عدد السلندرات : 4
2: السعة اللترية : 1595 سى سى
3: عدد الصمامات : 16 صمام
4: القوة الحصانية : 170 حصان
5 : العزم : 16 كجم / المتر عند 7300 لفة
6: عدد الكامات : 2 كامة علوية
7: نظام حقن الوقود : انجيكشن
8: اقصى عدد لفات :8400 لفة
9: نسبة انضغاط الماتور : 10:4
10: اقصى سرعة : 240 كم

الاختلافات التى طرأت على هذا الجيل :

1: اصبحت كلمة DOHC اكبر من كلمة VTEC
2: تم استخدام نقل الحركة عن طريق ضغط الزيت بالنسبة للمانيوال
3: تم استخدام موزع كهرباءى قوى ومتطور
4: يتم فتح الVTEC عند سرعة 5800 لفة
5: الريد لاين اصبح عند 8200 لفة بدل من 8100
6: تم تطوير وحدة الECU الى الجيل الثانى OBD-1
7: زيادة عدد الاحصنة الى 170 بدل من 160 حصان
8: اصبحت الكابلات بلون رمادى
9: علبة غطاء الشكمان اصبحت باللون الفضى
10: حساس الماب يتم تركيبة على جسم السيارة

ثالثا : B16A 3RD GENERATION

خصائص هذا المحرك :

1: عدد السلندرات : 4
2: السعة اللترية : 1595 سى سى
3: عدد الصمامات : 16 صمام
4: القوة الحصانية : 170 حصان
5 : العزم : 18 كجم / المتر عند 5200 لفة
6: عدد الكامات : 2 كامة علوية
7: نظام حقن الوقود : انجيكشن
8: اقصى عدد لفات :8500 لفة
9: نسبة انضغاط الماتور : 10:4
10: اقصى سرعة : 260 كم
11: كود الكنترول : P2T

الاختلافات:
1: يتم فتح الVTEC عند 5200 لفة

2:الريد لاين اصبح عند 8500 لفة
3: تم تطوير وحدة الECU الى الجيل الثالث OBD-2
4:حساس الMAP تم تركيبة على الثروتل بودى
5: غطاء فتحة التاكيهات تم تغيرة بشكل احسن
6: الماتور اصبح اهدأ, وانعم
7: تم استخدام جوان وش سلندر المونيوم
8: ميزة فصل السيارة عند ارتفاع مؤشر الحرارة الى H وعدم امكانية تدويرها اللى عند اانخفاض
9: يمكن ان يوصل هذا المحرك الى 9500 لفة

10: بلف الايدل مختلف عن الجيل الاول بيبقى فية نصين الامامى معدنى

والثانى اسود

جميع محركات B16A ذات النسخة اليابانية لاتأتى بعديها اى ارقام

اما المحركات الB16A الاوروبية تكون متبوعة بحرف بعدها مثل

( B16A1,B16A2,B16A3,B16A4,B16A5,B16A6) وكلها قوتها لاتتعدى

ال158 حصان ماعدا B16A5 الذى تبلغ قوتة 174 حصان

الاسعار :

1: D16A9 : نادر فى مصر بالنسبة كماتور ولكن قطع غيارة موجودة بوفرة

سعرة شامل الكنترول والضفيرة والفتيس من 8500 الى 9000 الاف جنية

2: D15B : قليل فى مصر وقطع غيارة موجود لانها زى بقية المواتير

ال1500 التانية وسعرة بالفتيس 3500 جنية

3: D16Z6, ZC : قطع غيارهم زى بعض وزى ال D16A9 ومتوافرين وخصوصا

الكامة الواحدة وسعرهم 5500 بالفتيس بالعفشة الامامية بالكنترول

4: B16A : الجيل الاول نادر وقطع غيارة متشابهة جدا فى باقى الاجيال

وسعرة 5000 جنية لا انصح بية

5: B16A 2ND G : متوافر بشدة بس اتوماتيك بنسبة 90% وبينزل بعفشة

امامية + ضفيرة وكنترول ب7000 الاف جنية قطع غيار متوافرة

6: B16A 3RD : قليل وغالبيتة مانيوال وبينزل معاة عفشة امامية + كنترول

+ضفيرة وسعرة 10000 الاف جنية او اكتر ممكن يوصل ل12000

يارب يكون الموضوع عجبوا واى استفسار انا فى الخدمة لان اكيد فية حاجات وقعت

شكراً على مجهودك ، بس عندي ملحوظة صغيرة ، ماينفعش تكتب أقصى سرعة للمحرك كذا كم/س لإن السرعة مرتبطة بالعربية إلي حيركب فيها إلمحرك دة (power to weight ratio) يعني لو ركب في عربية 1000 كج حتجيب سرعة أعلى من لو نفس المحرك ركب في عربية 1500 كج ،تمام ؟ ...المحرك بيعرف بال-power & torque at RPM



م/أحمد صادق