عرض للطباعة
بسم الله الرحمن الرحيم
السلام عليكم ورحمة الله وبركاته
انا نفسى فى مقارنه كامله وشامله فى كل حاجه وايهما افضل بين
1- الفيرنا 2008 1600CC
2- لانوس 2008 مش عارف هى 1500 ولا 1600
انهى احسن فيهم طيب ايه العيوب وانهى اللى تريحنى
وكمان المشكله اللى فى الفيرنا بتاعت الحدف اللى بعد ال 100 كم تتحل ازاى
ارجو الرد سريعا لانى هشترى العربيه كمان اسبوع ان شاء الله
اكيد العربيتين مانيوال
ايه يا شباب مفيش حد رد عليا ليه
انا مش عارف اعمل ايه ممكن تساعدونى
فيه موضوع مثبت فيه طلبك يا ريس
http://www.nilemotors.net/Nile/showthread.php?t=670
عن تجربة شخصية في فيرنا 1600
الفيرنا موتورها أقوى وعزمها شديد بعكس اللانوس إللي موتورها 8 صمام فقط ( الفيرنا 16 صمام)
الفيرنا الفرامل قوية خصوصا على السرعات العالية بعكس اللانوس فراملها ضعيفة جدا
لكن يعيب القيرنا إن صوت موتورها عالي شوية ومزعج في بعض الأحيان بعكس اللانوس صوت الموتور ناعم جدا
حكاية الحدف بعد ال100 دي الحمد لله محصلتش معايا خالص مع العلم إن عربيتي موديل 2004
الأتنين من حيث قطع الغيار متقاربين وأسعارهم معقولة
يعني من الآخر من حيث السرعة والفرامل مفيش مقارنة ..... الفيرنا تكسب
شكرا جدا للرد عليا
الله يكرمك
نسيت أقولك على 3 نقاط
- الباور في اللانوس أخف من الباور في الفيرنا
- أبعاد الفيرنا في الركن أسهل من الانوس
- صالون اللانوس أوسع من الفيرنا
وكل ما أفتكر حاجة هكتبهالك