المشاركة الأصلية كتبت بواسطة gomgoma22
علي فكره يا جماعه مع اني عضو جديد و مع ذلك متابع المنتدي من فتره مش قصيره بس من غير مشاركات
لأني بصراحه كنت منتظر اجيب البايك واكون عضو فعال معاكو
وعلي فكره انا لو كنت بحب البايكس 70 % القسم هنا و اعضاءه المحترمين خلوني احب البايكس 200% و اجيب بايك بسرعه
و بجد موضوعات كتيره هنا استفدت منها و شخصيات كتيره محترمه الواحد حبها و احترمها من غير ما يقابلها
ومنهم مينا و otefa و دياب و elgaser و طبعا احمد كمال و omarken و خالد وهشام و غيرهم كتير
بس للأسف الكلام ده كان لما القسم هدفه الإفاده و تبادل الخبرات و المعارف و الموضوعات و عمل صداقات جديده كمان
و كان فعلا حاجه الواحد يفرح بيها ويتشرف انه عضو فيها
لكن للأسف دلوقتي القسم تحول لساحه من المعارك و التلاعب بالالفاظ و الضرب من تحت الحزام و تسويه الخلافات الشخصيه
و ف الاخر بتسألو هو المنتدي نام ليه ؟ و الاعضاء و المشاركات راحو فين ؟؟!!
اعتقد الاجابه واضحه
انا اسف يا جماعه علي صراحتي اللي ممكن تزعل ناس مني بس ده بجد من حبي و خوفي علي القسم واحترامي اللي مش عايزه يتغير للقسم و اعضاؤه
ارجو ان تتقبلو مروري