الموضوع: فقت امتى

كنت وحيد امي وابويا ولا فيه بنات ولا صبيان اتجوزت في 2007/2/6 واتعينت يوم 2007/4/30 وقلت خلاص انا هريح امي اللي تعبت سلف من هنا و من هنا عشان اتعلم وقلت خلاص ولسه مكملتش 3 شهور في عقد التدريب لقيت بيقولولي الحق امك في مستشفي الدعاء
تعبانة شوية
ولان امي اسال الله العظيم لها الرحمة و المغفرة كانت تعبانة بقالها سنين كتير تعب التهاب في الاعصاب علي حاجات في الهرمونات علي ضغط و انزلاق غضروفي بس كانت عايشة الحمد لله عادي بينا مكناش بنحس قوي بتعب جامد
ولا رحت المستشفي عرفت فجؤني و من نظارتهم ليا فهمت انها في ساعاتها الاخيرة ساعتها مملكتش غير اني غرقان في دموعي اللي نازلة مني دلوقتي وكان الموقف بيحصل دلوقتي
ولما التربي نزل امي قال كنت انا تحت بستنا اللحظة اللي مكنتش عايزها تيجي ابدا قالي ياريت تدخل ايدك في الكفن وطلع ايديا من جنبها تحطها علي صدرها مقدرتش اعمل كده خالص
وفضلت يا تري يا حمدي انت هتتباع البيعة دي الكل هيرميك هنا ويسيبك ولا تقولي عربية ولا شغل ولا وزجة ولا اي حجاة
عارفين يا جماعة فيه عزاب متهيالي نوع محدش حاسس بيه قوي الا اللي هيكونو مرفهين في الدنيا -طبعا انا مش منهم قوي - في اية في القران الكريم تقول((و حيل بينهم و بين ما يشتهون))(سبأ:54).
يعني خلاص كل اللي نفسك فيه انقطع من ملزات و متع
اسالكم الدعاء لامي
اللهم ارحم موتانا و موتا المسلمين

انا بدأت أتغير لما لقيت أغلى ناس في حياتي هيضيعوا منى ,
يمكن بسبب سلوك مبالغ فيه معاهم أو بسبب جهلي بغلاوتهم ,
و بعد فترة بدأت أحس إن المشكلة مش في علاقتي بيهم و لكن في علاقتي بربي ,
لأني لو علاقتي بربي كويسة مكنش هيحصل ده أساساً ,
المهم اني بجاهد نفسي و بحاول أقرب من ربنا علشان ربنا يهديني و يفرج همي ,
اسألكم الدعاء

حادثة صديق لية

كانت حادثة جامدة بجد و الى راكب جمبة توفى و دية صورة الحادثة ساعتها قعدت افكر فى حاجات كتيير



و هوة دلوقتى ادعولة ربنا يشفية

المشاركة الأصلية كتبت بواسطة sab3aawy

اعتقد انى فقت تماما على قصة الرسومات المسيئة للرسول يوم نشرت اول مرة من سنتين

كانت بالنسبة لى سببا فى التعمق فى دراسة امور كثيرة جدا فى شتى شئون الحياه، وادت الى تغير رؤيتى لأشياء كثيرة جدا كنت آخدها على انها مسلمات(بفتح السين وتشديد وفتح اللام) غير قابلة للنقاش

يا ترى ممكن توضح اكتر ؟؟ وللا دي اسرار شخصية يا سبعاوي؟

فى اااقل من اااااى وحده ممكن نقيس بيها الزمن كنت هموت وكان فاضل ليا فى الحياه تقريبا ااقل من نفس واحد
مسكت سلك كهرباء عبيط جدا يمكن ميكهربش عيل قوته لا تذكر خالص وتقريبا سلكه منه شكتنى فى صباعى فرحت رميت السلك المكشوف ده على الارض وكان الرخام شبهه مبلول عينكم ما تشوف الا النور
السلك العبيط ده لمس من كهرباء الارضى والارضيه مبلوله خفيفه وانا وااقفه حافيه

مسكتنى الكهرباء وكهربت الارض كلها واهلى كلهم شايفينى وانا بموت خلاص ومحدش قادر يعمل اى شى العقل والتفكير من الصدمه توقف عندهم

الشى الوحيد اللى حسيت بيه جامد جدا هو اخر نفس ليا كنت واثقه انى مش هلحق اطلع النفس ده وكل حيااااااتى مرت قدام عينى كانها شريط سينما وكنت متاكده ان كلمه اشهد ان لا اله الا الله محتاج وقت طويل ومش هلحق اقولها مفيش وقت باقى

مخى بيفكر فى مليون شى فى اقل من لحظه التشهد وانى هموت وانى مش متوقع وانى بودع اللى قدامى وان عمرى انتهى والقبر والجنه والنار كله فى ثانيه لف براسى
سبحان الله والحمد لله فى وقت مانا كنت بسقط خلاص على الارض استسلام للموت سلك الكهرباء اتحرق وانفصل من بعضه نصين لقيت نفسى اتخبطت فى الحيطه بعيد ووقعت مغمى عليا

لما فقت وواتاكدت انى على قيد الحياه عرفت قد ايه ان الموت بيجى فجاءه متلحقش حتى تحرك شفايفك بكلمه سرعه محدش من البشر يعرفها الا اللى مات يعرف سرعه الموت
ثانى شى ان محدش يملك لك اى نفع او ضرر بعد اراده ربنا ولا حتى انت تملك تنقذ نفسك من قدر الله وده يبين قد ايه الانسان اضعف مخلوق
ثالث شى انه لازم فى كل وقت نكون مستعدين للموت وياريت نستعد بالخير وتكون خاتمه حسنه يارب

المشاركة الأصلية كتبت بواسطة Goodle

يا ترى ممكن توضح اكتر ؟؟ وللا دي اسرار شخصية يا سبعاوي؟

ليست اسرارا ولا يحزنون لكن ربما كانت مواضيعا يطول فيها الكلام، لكنها عموما مواضيع تتعلق بنظرة الأنسان للصحو الخطاء، وحقيقة موضع الإنسان فى مجتمعه وحقيقة موضع هذا المجتمع ككل على خريطة العالم والفرق بين اسلوب الإختلاف المتحضر واسلوب الشتمية من طرف تحت مسمى حرية التعبير والتدمير من ظرف آخر تحت مسمى الغيرة، وفكرة تقمص فكر الآخر المخالف فى الرأى ومحاولة النظر للأمور بمنظاره حتى اتفهم المنطق الذى يفكر به واشياء كثيرة اخرى قد لا يتسع لها المقام هنا، لكن اكاد اجزم ان نضوج الحقيقى بدأ فى تلك الفترة

:(:(كفاية كدا حرام عليكم