السلام عليكم ورحمة الله وبركاته
اولا تحياتي لكم اخواني ويارب تكونوا بصحة وعافية في البرد والجو الغريب الي احنا فيه ده ..
ثانيا انا بحب اني اوفي كل ذي حق حقه اول بأول ونكون بنحافظ على الرأي المحايد دائما هنا في المنتدى وبنذكر كل محاسن السيارة ومساوئها والتوكيل كذلك وللذكر
تم بتاريخ اليوم تغيير علبة الدركسيون لعربيتي الساجا بتاريخ الأحد 12 ديسمبر 2010 ... وذلك بالضبط بعد اخذ 24 ساعة بالضبط يعني انا بصراحة كنت حاجزها من 16\11 تقريبا من بعد صيانة الألف وكنت بتابع اول بأول مع المهندس عبدالباسط حتى والحمد لله جاء دوري وقمت بتسليم السيارة يوم السبت في تمام الساعة الـ 10 صباحا وقمت بتسلمها اليوم في تمام الساعة الـ 3.40 مساءا .. وبسم الله ماشاء الله ولاحول ولا قوة الا بالله فيه فرق كبير جدا بصراحة انا حاسوا اصوت الطقطقة اختفت تماما وفوجئت بصراحة وانا بستلم العربية وباخد تقرير بالسيارة بأنه تم عمل ضبط زوايا والتشيك الكامل على السيارة مرة اخرى حتى بدون طلب مني وبالكامل بدون ان ادفع اي جنيه تمامااااااااااا الحقيقة وعشان اكون صريح تم عمل الازم بالكامل في السيارة وتم عمل تغير علبة الدركسيون وان شاء الله الجو يتحسن بكرة وانا ها اصور التعديل بالكامل اللي ركب لأني بصراحة مش فاكر شكل الحوض كان عامل ازاي قبل ما اسلم العربية ودلوقتي فأنا ها اقوم بوضع الصور عشان الناس تعرف الشكل بعد التعديل وبصراحة الدركسيون احلى واحلى كمان مع انه الأول كان تحفة بس برضوا العربية بقت والحمد لله تحفة ولكن مايزال هناك بعض النقاط التي تؤرقني قليلا
بصراحة ما تم عمله معي في التوكيل كان قمة وغاية في الأدب والإحترام وهذه خطوة واثقة من عز العرب ولكن انا بس اللي مدايقني من الموضوع ده بالذات بقى انك لازم تحجز وتكون موجودة يعني ده المفروض يا جماعة تكون قطع الغيار موجودة وبوفرة وهذ اوضح انا اقصد ايه المفروض مثلا بتكون موجودة قطع غيار بكثافة في المخزن واي عميل بيروح عشان يعمل صيانته بيتم تبديل العلبة واعلام العميل بدون داعي للإنتظار او الحجز ولكن انا عاذر التوكيل فيها الموضوع ده وللأسباب التالية بأنه لا يوجد رقم محدد للسيارات التي تحتاج للتغير لأنه حتى الآن مفيش نسبة ثابتة ولكن هية دي الملاحظة الوحيدة التي كانت لي الحقيقة ودي اللي كانت مدايقاني فيما عدا ذلك فكله تمام والحمد لله .......