الموت اهون من الغرابة

**roaahim** · 12-12-2010 11:55 PM

السلام عليكم اخوكم تايه ومش عارف يعمل ايه ومحتاج المشوارة بحلول عملية ممكن تتنفذ دلوقتى ياشباب انا شغال فالكويت محدش يقول يا بخته لانهادلوقتى معدتش بتجيب همها عالاقل مع الناس الغلابة او اللى تعلمهم عالى بس مالهوش لازمة زى اغلبية الشباب المصرى المهم اخوكم مهندس زراعى وفقسم مالهوش اى لازمة ارشاد زراعى المهم الحمد لله بعد 14 سنة غرابة كانت المحصلة كالاتى اتجوزت الحمد لله وعندى بنت فكجى تو وعندى محمد 3ونص سنين ربنا كرمنى واشترت محل فشارع جانبى مش رئيسى مساحتة حوالى 15 متر حتقولى اللى تعبك ايه اقولكم خلال سنين الغرابة دى اصابت بامراض مزمنة نتجية للضغط النفسى والعصبى وعدد ساعات الشغل اللى بتفوق احتمال البشر تصل ل13 ساعة يومية بدون اجازات والله العظيم ومنها كالاتى الضغط والسكر وخشونة فالركبة والتهاب مزمن فالعمود الفقرى غير كذا عملية مابين بواسير وزايدة وفتاق وطبعا نفسى افرح بعيالى وافتح بيتى واحس انى بنى ادم ليا كيان طبيعى المهم انا دلوقتى معنديش فلوس افتح بيها المحل محدش يستغرب لان ال7 سنين الاولينى للشقة واللى بعدهم للجواز ومصاريف الولادة الخ المهم انا قدامى حل انى اجر المحل ويبقى داخل ثبات واشتغل برة بس صعبان عليا انى بعد سنين الغربة دى ارجع اشتغل وابتدى من اول وجديد او افتح المحل بس مش عارف اوصل لمصدر تمويل ازى اوارجع اسافر تانى بس انا حاسس ان الموت اهون عليا م الغرابة بعيد عن عيالى وبيتى او افتح المحل وهى نفس المشلكة مفيش مصدر للتمويل واشتغل فنفس الوقت على فكرة انا كنت جبي عربية جولف موديل قديم79 على اساس انى استقر فمصر وممكن ابيعها بس انا بودى بيها البنت المدرسة بيها ورحمانى من قرف المواصلات حد من الاخوة او الاخوات عنده حل ربنا يكرمك اخوكم ابراهيم

**ahmed_su** · 13-12-2010 12:01 AM

اجر المحل قانون جديد لفترة بسيطة

منها تقدر تستعين بأيجاره وبدخلك من عملك فى الكويت الفترة القادمة

ولتكن سنة مثلا انك تقدر تبتدى مشروع ما فى محلك

ربنا يوفقك للى فيه الخير

**FunnyMickey** · 13-12-2010 12:08 AM

1- حضرتك رجعت ولا لسه هناك
2- ايه فرص العمل اللي تخليك ترجع هناك
3- سنين الغربه اللي فاتت دي حضرتك كنت لوحدك ولا اولادك معاك

انا لو مكان حضرتك وتعبان من الغربه ودايق مرها وحلاوتها
حسأل نفسي سؤال

لو قعدت في مصر
امراضي حتزيد ولا حتخف
لان مصر مبقتش حلوه بردو زي الاول

حضرتك دلوقتي ممكن تعمل حل ظريف اوي
حتأجر المحل ويجيلك منه قرش لانك اصلا ممعاكش فلوس تفتحه
وتشوف شغل في مصر
مناسب لمؤهلاتك وخبرتك
ييجي منه قرش بردو

علي القرش اللي ييجي من ايجار المحل
تحاول تشيل منه جزء من غير ما تبيع العربيه ولا اي حاجه
بحيث انك تقدر بعد فتره
تجيب بضاعه للمحل وتشتغل فيه لنفسك

الحل التاني انك تستغل المحل ده في شغلك
يعني حضرتك بتقولك مجالك زراعي
ممكن حضرتك تشوف شريك ولو اني محبش موضوع الشراكه ده لانه بيجيب مشاكل
وتعمل مشتل مثلا
او اي افكار تدر عليك ارباح بجوار شغلك

يااما لو تقدر تسافر تاني
يبقي المحل يتأجر
وحضرتك تسافر لمده معينه
سنه
سنتين
المده اللي تتيح ليك انك تفتح المحل برأس مال كويس ومحترم

في كلا الحالات اسعي لتاجير المحل كخطوه اولي وبعدين فكر علي مهلك

وربنا ييسرلك اللي فيه الخير يارب

**zakiali** · 13-12-2010 01:45 AM

ابدأ مشروعك في مصر ولو مش جايب همه سافر تاني ده الحل الوحيد ولو اني بفضل انك تسافر وتأجر المحل ومفيش حد بيقدر ياخد كل حاجه والأرزاق علي الله

**mahamedaraby** · 13-12-2010 03:02 AM

يافندم حضرتك تقدر تجيب تمويل للمحل ده وتفتحه اى نشاط انت عايزه

وبالنسبه لمصادر التمويل كتير ودى بتبفى مشروعات صغيره يعنى الفايده عليها قليله وهتبقى بضمان المحل وعندك مثلا بنوك او الصندوق الاجتماعى للتنميه وده هيساعدك ويوفرلك دراسه جدوى للمشروع والعوائد الاقتصاديه بتاعته خلال فتره القرض وربنا يوفقك

**roaahim** · 14-12-2010 11:06 PM

شكرا للجميع جزاكم الله خير

**الريس** · 14-12-2010 11:47 PM

جرب تحاول تنزل القاهرة الجديدة بمطبوعات رخيصة تعلن عن تنسيق الحدائق و الاهتمام بيها
اقل جنينة بتدفع 150 جنيه في الشهر على 8 مرات
مهندسين زراعيين كتير عاملين كده و بيتابع 4 او 5 جناين يوميا يعني دخل يوصل 3000 جنيه بعد مصاريفك + الاستفادة من بيع اشجار و خلافه بالاتفاق مع احد المشاتل