تجربتي مع الصناعة المصرية

**MaZaGAngeE** · 13-12-2010 07:16 AM

المشاركة الأصلية كتبت بواسطة dolly13

موضوع رائع
ويكفى انك بتتكلم فيه بكل التفاؤل والحب ده
اهنيك على احساسك ومحاولتك للاصلاح

شكرا ... فعلا أنا بحب الصناعة و الانشاءات لأن ده مجال يخلي الواحد مخه يشتغل و يفكر و يدور على حلول و بدائل و سيناريوهات كتيرة للتخطيط و المتابعة و التطوير

المشاركة الأصلية كتبت بواسطة tutankhamoun

أولا الموضوع ممتاز و التحليل منطقي جدا و الكلام جميل و تسلم أيدك

---------------------------

أحب أضيف أن فيه عائق تاني بيقف أمام أي مستثمر خصوصا لو صغير

موظفين الحكومة اللي توقف المراكب السايرة و الأخوة المرتشين ... و الفساد الاداري المتفحل .

على فكرة أنا عندي ثقة عالية جدا في الصناعة المصرية (مش كل الماركات )
و أغلب ما أملك مما هو مصنوع في مصر أو متجمع في مصر تشجيعا للمصانع المصرية و توطين التكنولوجيا (انا بحاول أعمل اللي أقدر به للمساعدة كمصري )

باشا فينك من فترة مش باين ... منور الموضوع
طبعا مفيش حاجة هتتعمل الا لما تغمز يمين و شمال ما انت مستثمر بقى ... لازم تستثمر في علاقاتك مع موظفين الحكومة بس الرشوة و الاكراميات أمرها سهل و في الغالب بتكون انك تعين حسب القائمة دي :
رئيس الجهاز واحد أو اتنين حسب قوته و تخليصه
رئيس التنمية الصناعية واحد
رئيس البيئة واحد ( و ده مهم قوي عشان المحضر بتاعهم ب 150 ألف )
مدير التأمينات واحد
مدير مكتب العمل واحد
رئيس الدفاع المدني واحد
مدير المحاجر واحد أو اتنين على حسب الظروف
مدير الكهربا واحد

طبعا كل البهوات دول بعتناهم المحجر عشان يمشوا بمزاجهم يا اما يشتغلوا و احنا نستفيد و نبقى مزعلناش حد مننا .... كمان المرتبات بتاعتهم واقعة , و همه من نفسهم بيزهقوا و يمشوا

**mbx4e** · 13-12-2010 08:07 AM

برنس والله يا مزجانجي موضوع تقيل وفي الجون وملموس في ارض الواقع ودا احد اسباب تخلف الامة المصرية عموما انا بتكلم عن شعب مصر لاننا بجد البلد حالها كل مدى بيقع والتضخم بيزيد ودا ليه اسباب
1- تدهور التعليم
2-تدهور الصناعة (طبيعي مافيش علم يبقى فيه ازاي علم ولا تخطيط ولا تسويق حتى )
3-تدهور الاقتصاد (احب اسميه احتلال الاقتصاد)ودا ناتج ان مافيش لاصناعة ولا زراعة
احنا ازاي يتعدل حالنا مدام لابنزرع اللي بناكله ولا بنصنع اللي احنا عايزينه او بنستخدمه (دا الشبشب الله يعزكم جميعا بيجي من الصين )

المشاركة الأصلية كتبت بواسطة mazagangee

اسمحلي أعلق على الجملة دي :

استيراد المواد الخام وتصنيعها افضل من استيراد كامل المنتج و اقتصار دور المصنع على التعبئه

ده كلام مش صحيح في الصناعات اللي زي كده أو زي السيارات او الالكترونيات لأن التصنيع الاقتصادي مرتبط بكمية الطلب على المنتج
و لو حضرتك فاكر وادي السيليكون بتاع اسماعيلية اللي فشل تماما و مشروع ال لاب توب و الكمبيوتر المصري و السي دي

كلهم فشلوا عشان تكاليف التشغيل عالية جدا و ثمن المعدات غالي جدا و لازم يكون عند المصنع حجم طلبات يغطي التكاليف الرهيبة للصناعات دي

في رأيي المتواضع اللي عايز يدخل صناعة يدخل في صناعات نص أوتوماتيكية عشان يوفر تكاليف و كمان على قد ما يقدر يدخل في صناعات تعتمد على الخامات المتوفرة في مصر و يكون نصف تصنيع و يطور بعد كده و يصنع منتج تام الصنع و دعه أوفر كتير و هيخلي الشركات الكبيرةة تساعدك في الجودة و التطوير
لأنك في الحالة دي هتدخل كمورد مش منافس للشركة الكبيرة

انا معاك هو حضرتك درست تجارة ؟ عاجباني اللقطة بتاعت نص اتوماتيكية دي عاملة زي الشاطرة بتغزل برجل معزه ولا او زي ما المثل بيقول
ودا شي طبيعي بما ان معظم اللي بيدخلوا مجال الصناعة بيبقى عندهم قصور في نواحي التخطيط والتسويق فدا شي بيضغط المصروفات والاستخدامات في الاصول لحد مايقدر فيه يفتح سوق لنفسه وبعدين يقدر يطور نفسه بنفسه او زي مابيقولو يدور العجلة العمليه مش سهلة
بس انتم عارفين ليه بردك فيه نقص لصاحب المشروع في الحتة دي لاننا شعب مستهلك لكل حاجة حتى الافكار

**MaZaGAngeE** · 13-12-2010 08:22 AM

المشاركة الأصلية كتبت بواسطة mbx4e

برنس والله يا مزجانجي موضوع تقيل وفي الجون وملموس في ارض الواقع ودا احد اسباب تخلف الامة المصرية عموما انا بتكلم عن شعب مصر لاننا بجد البلد حالها كل مدى بيقع والتضخم بيزيد ودا ليه اسباب
1- تدهور التعليم
2-تدهور الصناعة (طبيعي مافيش علم يبقى فيه ازاي علم ولا تخطيط ولا تسويق حتى )
3-تدهور الاقتصاد (احب اسميه احتلال الاقتصاد)ودا ناتج ان مافيش لاصناعة ولا زراعة
احنا ازاي يتعدل حالنا مدام لابنزرع اللي بناكله ولا بنصنع اللي احنا عايزينه او بنستخدمه (دا الشبشب الله يعزكم جميعا بيجي من الصين )

الله يخليك
بس دي نظرة متشائمة لواقع البلد , بس عشان حالنا يتعدل لازم احنا اللي نفكر و نقرر و نتصرف بدون انتظار أي دعم أو مساعدة من الحكومة ......

لو حضرتك مسكت الخريطة الجيولوجية لمصر هتذهل لكميات الخامات الموجودة في البلد و سهلة التصنيع و البيع .
ده مثلا مجال من المجالات اللي احنا مش بنفكر فيها و بنسيبها للشركات الضخمة مع اننا ممكن نكسب منها كويس .

المشاركة الأصلية كتبت بواسطة mbx4e

انا معاك هو حضرتك درست تجارة ؟ عاجباني اللقطة بتاعت نص اتوماتيكية دي عاملة زي الشاطرة بتغزل برجل معزه ولا او زي ما المثل بيقول
ودا شي طبيعي بما ان معظم اللي بيدخلوا مجال الصناعة بيبقى عندهم قصور في نواحي التخطيط والتسويق فدا شي بيضغط المصروفات والاستخدامات في الاصول لحد مايقدر فيه يفتح سوق لنفسه وبعدين يقدر يطور نفسه بنفسه او زي مابيقولو يدور العجلة العمليه مش سهلة
بس انتم عارفين ليه بردك فيه نقص لصاحب المشروع في الحتة دي لاننا شعب مستهلك لكل حاجة حتى الافكار

لا يا باشا
أنا مهندس الكترونيات بس غاوي دراسة مشروعات و الحمدلله ربنا وفقني و فيه مشروعين تحت الانشاء من تصميمي و فكري و تركيب مجموعة العمل الخاصة بي ....
النص أوتوماتيكية دي مش اختراع و لا حاجة , المعدات كانت زمان يدوية و بعدين اتطورت شوية و بقت نص أوتوماتيكية و بعدين لما النقابات و اتحادات العمال و كميات الانتاج الضخمة ظهرت الحاجة لتدخل مكان العامل البشري في بعض مراحل التصنيع لرفع الجودة و تسريع الانتاج ... و طبعا ده بيكون باستخدام اجهزة الكترونية معقدة و غالية جدا و تحتاج مشغلين على درجة عالية من العلم و الخبرة ( في الغالب بيكونوا كيميائيين ) , و لكن عشان احنا بلد العمالة فيها رخيصة و الكهربا غالية و كمان حجم الطلب على المنتج في بداية عمر المصنع بيكون متوسط يبقى أفضل الحلول انك تشتغل نص أوتوماتيكي بس مع وجود الكيميائي اللي هيقدر يطلعلك منتج بنفس جودة المنتج الأوروبي و بربع تكاليفه .
و عشان تاخد قرار انشاء مصننع لازم تدرس كم و حجم الطلبات على المنتج و كمان دورة حياته و مراحل تطوره و مناطق التوزيع و كيفية بيع و توزيع المنتج قبل ما تدرس طريقة تصنيعه .....
سهل انك تصنع أي حاجة بس المهم انك تبيع الحاجة اللي هتصنعها .

**otefa** · 13-12-2010 08:37 AM

كلام حلو وجميل جدا ودارسين 80% منه في المدرسة
ممكن سؤال أحنا بنصنع أيه في مصر دلوقتي؟

**ehab_mansour** · 13-12-2010 08:39 AM

موضوع أكثر من رائع وعندي كلام كتييييييييييير يخص هذا المجال لأني اعمل به ولكن هجهزه وأشارك حضرتك الرأي فيه ان شاء الله

**mailo** · 13-12-2010 12:42 PM

كلام سليم 100% وأنا شايف إن الاهم في أي مصنع أو شركة هو التسويق ولازم يكون فيه ""business plan"
والكلام اللي احنا بنفضله ده وبنمشيها بـالفهلوة
ياريت الناس تهتم شوية بموضوع ال "marketing" ده عشان أنا شايف إنه أهم مايكون عندي سلعة لازم أكون عارف إزاي هبيعها