كيفية تصعيد شكوى رسمية ضد بنك كريدى اجريكول

**dr_asaos** · 13-12-2010 01:23 AM

السلام عليكم يا شباب الخير...
انا احد عملاء الفيزا كارد الخاصة ببنك كريدى اجريكول...ملخص الموضوع هو انى قمت بايداع مبلغ 500 جنيه فى احد ماكينات هذا البنك فاعتبر بعض الاوراق مرفوضة وارجع لى مبلغ200 جنبه و استفسر منى على الموافقة على ايداع المبلغ المتبقى وهو 300 جنيه فقمت بالرفض حتى استرجع جميع الاوراق المالية واضعها من جديد مع استبدال الاوراق المرفوضة لانى احب الايداع من مرة واحدة فقط ولكن هذه هى غلطة عمرى حيث ارجعت لى الالة 50 ج فقط واحتفظت بالباقى!!!!"250 ج" وتعطلت الالة من بعدها تماما..حتى عندما وددت ان اقوم بايداع باقى المبلغ- على ان اقوم بنموذج الاعتراض المخصص لهذا الغرض فيما بعد ليتم احتساب المبلغ الموجود فى الالة وقد قمت بالفعل بعمل نموذج الاعتراض فى نفس وقت المشكلة- رفضت الالة اى عملية ايداع...او بمعنى اخر توقفت فقلت لنفسى ان الاوراق المالية قد حشرت فى فتحة الايداع وان الالة مصممة للتوقف عن المعاملات فى مثل هذه الحالة وقمت بنموذج الاعتراض ومضت الايام حوالىاسبوع او اكثر دون حتى ان يكترث البنك بالاتصال فحسبت ان المبلغ تم حسابه فالبنك ليس فى حاجة لهذا المبلغ!! وعندما استفسرت على مركز الخدمة اخبرونى بمنتهى البساطة ان لا توحد اى اوراق مالية زائدة..بمعنى انى احاول ان اسرق البنك او غير صادق وعندما استفسرت عن الخطوة التى تليها قال لى مقدم الخدمة "خلاص كدة"...والله يا اخوانى احاول ان اكتم غيظى ولا اتلفظ بأى لفظ سوء احتراما لاى شخص يعمل بمثل هذا البنك الذى لم يحترمنى ولم يكلف نفسه حتى ابلاغى بهذا القرار الجليل...والان سؤالى ما هى الخطوة التالية لتصعيد الامور مع متل هذا البنك؟ هل هناك جهات اخرى متخصصة غير قسم الشرطة؟ وهل ابدأ بايقاف البطاقة حيث انى املك ثلاث بطاقات انا وعائلتى مع هذا البنك ولا انوى التعامل مع هذا الكيان الذى لا يستحق اى ثقة من ناحيتى؟ وشكرا مقدما...ولدرجة بعيدة انا اعلم انى لن احصل على حقى ولكن كفى تهاون او التعامل معى على انى سكير او فاقد الاهليلة لا اجيد التعامل مع التكنولوجيا!!لو سميناها هكذا تكنولوجيا!!!

**zakiali** · 13-12-2010 01:27 AM

بنك رديء جدا .. افضل بنك في مصر والعالم هو hsbc خدمة متميزه وموظفين فاهمين

**heshamzaky** · 13-12-2010 01:44 AM

بص حضرتك أنا معايا فيزا بنك كريدى و المكن بتاع كريدى لما بتعمل أيداع فعلا انت بتحط الفلوس مباشرة فى الماكينة يعنى مش فى ظرف و كان لازم تاخد بالك أن المكن بتاع كريدى مش بيقبل الورق فئة ال 200 جنية بس معلش أنت كدة عرفت المعلومة و كان الافضل انك تتم عملية الايداع ب ال 300 جنية و بعد كدة تعمل عملية ايداع جديدة و الافضل لما تكتب نموذج الاعتراض انك تصور صورة من الايداع و تذكر التوقيت و تذكر الفئات النقدية التى أودعتها بس معلش ليا سؤال دلوقتى حضرتك كنت بتعمل أيداع بمبلغ 500 جنية منهم ورقة مالية من فئة 200 جنية تم رفضها من الماكينة تمام تبقى 300 جنية ممكن تكون فئاتهم ورقتين ب 100 و ورقتين ب 50 مثلا أو ورقة ب 100 و 4 ورقات ب 50 أو 6 ورقات ب 50 جنية طيب انت مش ظهر أمامك على الشاشة المبلغ الذى قام الاسكانر الخاص بالماكينة احتسابة و عدة لماذا لم تكمل عملية الايداع لان الاوراق المالية المرفوضة الماكينة بتخرجها عموما حاول تقديم نموذج أعتراض و أذكر الفئات الورقية التى قمت بأيداعها و بأذن الله البنك بيردها يعنى بيدخلها فى حسابك الموضوع دة حدث معى قبل كدة عدة مرات و خلى بالك الايداع لو اخر يوم فى ميعاد السداد لازم يبقى قبل الساعة 2 ظهرا مش 12 باليل زى باقى البنوك و ان شاء الله تتحل مشكلتك

**zakiali** · 13-12-2010 01:57 AM

كان عندي زمان فيزا ربوية والحمد لله لغيتها لأنها حرام باجماع العلماء الا لو سددت قبل 55 يوم فتره عدم احتساب الفايدة

**heshamzaky** · 13-12-2010 01:58 AM

معلش عاوز اقولك حاجة حتى لو اوقفت البطاقات برضو سيطالبك البنك ب الفلوس و انت كدة حا تخسر لانك لو اوقفت البطاقات ستكن مضطرا الى تسديد كل المديونية على الكارت و للأسف الشديد لو أمتنعت عن السداد لمدة 3 أشهر متتالية سيقومو بحساب فوائد و غرامات تأخير عليك و أبلاغ البنك المركزى و دى مشكلة لانه سيوقف كافة المعاملات معك فى أى بنوك حاول تعمل نموذج اعتراض فى البنك و اذكر لة الفئات المالية التى أودعتها لان المكن لما بيتعمل لة جرد بيبقى فية زى محضر جرد بكافة الاوراق المالية كرقم أجمالى بفئات كل ورقة مالية

**samcar** · 13-12-2010 02:18 AM

كان فى موضوع عن البنك المقرف ده - ما عرفش ضاع من المنتدى ولا ايه - بس بصراحه بنك عايز الحرق شوية عيال نظام دلع وتعينات واضح انها كلها محسوبيه - غباء وجهل- مره لما لقيتهم بيتمنظروا على خلق الله كان فى كام عميل اجنبى واقف شتمنهم بالانجليزى - العملا الاجانب فهموا وضحكوا والبهوات اللى مفروض انهم متنقين على الفرازه للعمل ببنك اجنبى - اخدوا بتاع 5 دقايق على ما فهموا انا قلت ايه - علشان اقفل حسابى عندهم اخدت بتاع اسبوع وهم شويه اصنام كل شويه يجروا يكلموا الفرع الرئيسى زى التلميذ الخايب

فعلا بنك hsbc - بنك محترم جدا والاولاد اللى فيه واضح انهم طبعا بالواسطه بس واسطه نضيفه - واى واحد فيهم تحس انه عنده حرية اتخاذ الفرار وحتى لما بيروح يسال بيعملها بشياكه ما تحسش انه مش فاهم - بس المشكله ان فروعهم خارج القاهره قليله والمكن بتاعهم كمان قليل

انما ادرة الفول ده بنك الفريه احرف منهم

**dr_asaos** · 13-12-2010 03:46 AM

حضرتك انا الموضوع حصلى قبل كدة....وعارف موضوع نموذج الاعتراض...وعملته وبلغت بكل حاجة..المشكلة مش فى هيئة الاوراق المالية المفروض انهم بيلاقوا المبلغ الزيادة اللى انا قلت عليه عندهم سواء لو كان المبلغ بالجنيهات او بالعشرات او بالميات..وعلى فكرة الالة تقبل فئة ال 200 جنيه ولكن الكبيرة الحجم او القديمة اما الاصدار الجديد فهى ترفضه وهذا عيب خطير فى ماكينة بنك محترم وللعلم الورق المرفوض لم يكن من فئة ال200 جنيه ولكن اعتقد انها كانت من فئة ال 100 جنيه ولكنها كانت مطوية اكثر من اللازم على ما اتذكر... وهنا الرد على نموذج الاعتراض انه لا توجد اموال زائدة بمعنى اخر تظل مديونيتى قائمة بالمبلغ...فالبنك هو هنا الحكم!!وسؤالى ما هى الخطوة التالية ضد تعنت هذا البنك؟ وللعلم كما قلت سيادتك لا يهمنى سداد هذا المبلغ ولن اسمح باتخاذ اى اجراء ضدى من بنك مثل هذا ولكن كما سببوا لى ضررا ساكبدهم اكثر من هذا المبلغ الذى كبدونى اياه اضغافا مضاعفة على الاقل بالدعاية ضده حتى يعرف اى متعاقد معهم بما قد يحدث له..ولن اسكت...او اقف مكتوف الايدى ضد مثل هذا البنك...واريد ان اثبت موقفى القانونى قبل الدفع..وسؤالى ماهى الاجراءات القانونية التالية لنموذج الاعتراض المشبوه خاصتهم؟ وللعلم فقد سألت مندوب خدمة العملاء وقلت له ما الخطوة التالية؟ قال لى لاشئ البنك ليس بيده شئ..ورديت عليه"خلاص انا استنفذت كل الطرق من ناحية البنك عشان لما اتخذ اجراء خارجى ابقى عملت اللى عليا وهذه مكالمة مسجلة زى ما بتقولوا..سلامو عليكم" وللعلم انا مستعد حتى لرفع دعوى قضائية ومعاهم للاخر...وعلى فكرة انا ماخدتش اى ايصال باى معاملة عشان اثبت اى حاجة المفروض انه واضح عندهم فى تاريخ المعاملات المالية فى هذه الماكينة فى هذا اليوم ماذا تم بالظبط...

**A.Saad** · 13-12-2010 05:55 AM

قدم شكوى فى مكتب المدير العام
ش اليمن قرب مكتبة مبارك
من ش الجيزة

**som3aa** · 13-12-2010 08:57 AM

الموضوع دا لسه متكرر مع واحد صاحبى من يومين , عمل ايداع ل 1000 جنيه الماكينة رفضتهم قام سحبهم و قال يحط ورقة ب200 علشان يشوف ايه المشكلة , المكنة سحبتهم و كتبت Error : Please contact 19191 و قالولوه هنعد الفلوس و نرد عليك بعد اسبوع .

بنك ضايع الصراحة و انا قابلت ناس كتير شاغلين فيه علشان مشكلة صغيرة محدش فاهم اى حاجة خالص

قالولوه متقلقش الماكينة فيها كاميرا بتصور كل حاجة (=