لمبة الدينامو

**ElKattan** · 25-03-2008 09:45 AM

لمبة الدينامو عندي مسرية (إضاءة خافتة لدرجة انك ماتقدرش تشوفها بالنهار) فى حالة العربية لما تكون دايرة وواقفة فى مكانها بس مجرد المس البنزين او اطلع سالنسيه او حتى افتح النور تطفى على طول.
روحت للكهربائي قاس لى الشحن وقال لى كله تمام وكبر دماغك العربية كويسة بس لو عايزنا نحل الدينامو ونصلحه مافيش مشاكل.
صراحة انا خايف على البطارية لأن اسعارهم ولعت اليومين دول

ملحوظة: العربية لانوس 99 ومن سنة تقريبا غيرت كتاوت وقاعدة سيليكونات وملف للدينامو.
بقالى فترة بسيطة بشغل التكييف وغسلت الموتور من اسبوعين فهل ده ممكن يكون ليه علاقة بالموضوع؟
فايه رأيكم أكبر الدماغ ولا نحل الدينامو ونعيش؟؟

**amrokhafagy** · 25-03-2008 10:52 AM

اكشف على شحن الدينامو عند كهربائى او مركز بيع بطاريات

**noni67** · 26-03-2008 08:13 AM

العيب ده معناه ان قاعدة السيلكونات تالفة ولازم تغيرها او تروح عند كهربائى محترم يغير لك السيلكونات الثلاثة اللى فيها وغالبا التلف ده جه من غسيلك المحرك
يا جماعه المحركات دى فى غسيلاها لها اسلوب خاص جدا علشان ما فيش اى حاجه الكترونية تبوظ زى قاعدة السيلكون فى الحالة دى او اى حساس
قول لى انت ساكن فين وانا اشوف كهربائى بيفهم اوصفه لك تروح له
وان شاء الله خير