النجدة

**abcdefghij** · 13-12-2010 02:43 AM

انا والحمد لله رخصت أمس 12-12-2010 فول أوبشن وحدث الآتى؛؛؛ =توقف مؤشر عداد السرعة =لا يتم تسجيل عدد الكيلومترات المقطوعة -العداد مسجل 11 كم فقط =لمبة الأعطال الموجودة بالتابلوة والتى تنطفىء بعد ثلاث دقائق من تشغيل أو ايقاف السيارة مضاءة ولا تنطفىء ---هذة الأعطال لم تكن موجودة عند الاستلام-- فما العمل

**sead** · 13-12-2010 03:46 AM

اطلع على التوكيل على طول بدون حجز

**factorialx** · 13-12-2010 05:36 AM

ممكن يكون المعرض لعب في عداد السرعه عشان العربية ما تسجلش هي مشية قد إيه قبل التسليم

**ahmedbakr50** · 13-12-2010 09:00 AM

على التوكيل على طول وبدون إنتظار

**karimnet** · 13-12-2010 09:54 AM

و لو طلع العداد ملعوب فيه تقوم مكلم المعرض مطلع عينه و قوله انا عايز عربية تانة و العب عليه شوية

هى مفيهاش مشكلة قول تفرق 80 كيلو يعنى بس خد حقك

**Egyzizo** · 13-12-2010 03:21 PM

بالنسبة لعداد السرعة والكيلومتر ، فأنت فى الغالب اشتريت من معرض غير أمين قام بفصل العدادات علشان ما يظهرش الكيلومتر الحقيقي للعربية (مشيوا بيها كتير) ونسيوا يوصلوه تانى قبل ما تستلم ، ودى بسيطة ، لأنك هترجعلهم ، هيفتحوا الكبوت ويوصلوا العداد ببساطة فى ثانية واحدة.

وبالنسبة للنقطة التانية بتاعة لمبة الأعطال ، فأنا مش عارف قصدك ايه بلمبة الأعطال اللى بتفصل بعد 3 دقائق دى؟؟!! ، وإن كان قصدك على اللمبة الحمراء اللى بتنور وتطفى فى نص التابلوه ، فدى الطبيعى بتاعها انها تخليها كده طول ما العربية مبطلة ، لأن دى لمبة الإموبيليزر أو مانع السرقة ، ومش هتفصل غير بمفتاح العربية الأصلى.

**abcdefghij** · 13-12-2010 09:27 PM

أنا متشكر جدا جدا جدا على اهتمامكم واتضح ان المشكلة حلها كما قال الأخ الكريمEgyzizoحيث قام الكهربائى بتوصيل كلبس موجود يمين الموتور=أما بالنسبة للمبة فكلام الأخ الفاضل صحيح--- وجزاكم الله كل خير