حاجه غريبه عند دخول بركه مياه .... محتاج ارائكم بشده

**waleedrahmy** · 13-12-2010 08:45 PM

ده ممكن بركة المية ديه يكون فيها حفرة ولا نقرة ولا بلاعة.............وحضرتك تخش علي 80كم؟؟؟؟؟؟؟؟؟؟؟؟ المفروض ما تخشش عليها اصلا ولو مضطر يبقي علي مهلك وببطء شديد

**ahmad alshaaer** · 13-12-2010 10:17 PM

وكمان دخول المياه وبالسرغه دي بيخلي المياه تدخل على الطنابير وهي سخنه جدا وبيحصلها تبريد مفاجيء والله يرحم الطنابير

المفروض ماتخليش المياه تدخل فجاه كده على الطنابير

تحياتي

**RedBull_30** · 14-12-2010 01:09 AM

انا بقى حصل معايا موقف تاني وهو انه كان لازم اخرج وبيتي كان محاط ببركة مياه عميقة وعديت منها باعجوبة وكنت محافظ على سرعة تكاد لا تزكر وفي نفس الوقت ضاغط بنزين بسبب ان مش عاوز ميا تدخل في فتحت الشكمان لاني بسمع انه لو حصل انها دخلت العربية هتبطل .. المهم خرجت بسلام منها وبعد ما خرجت بجيب الغيار الثاني ولقيت العربية بتترج وكاني بتعلم السواقة .. ركنتها شوية وهي لسة شغالة طبيعي والموتور مفهوش اي صوت غير طبيعي .. اللي كان مش طبيعي هو ان بعد اي غيار بلاقي رعشة او رجرجة جامدة كاني سايق عربية قديمة وجايب غيار عالي وبدوس بنزين جامد .. تقريبا بعد 2 او 3 كيلو كل حاجة رجعت طبيعي .. يا ريت حد يكون عنده خلفية عن اللي حصل معايا . شكرا

**densfog** · 14-12-2010 01:26 PM

الف شكر لكل اراء الساده الأعضاء الأفاضل ... فعلا استفدت من اراء حضراتكم جدا .. وربنا يبعد عنا وعنكم كل شر
انا ساعتها كنت ماشى عل الصحراوى وكنت بجرى فى الأماكن الفاضيه بس بعد نصائحكم وبعد اللى حسيته بيتهيألى السلامه اولا ...

**alarabiya11** · 14-12-2010 01:35 PM

الغريب ان الجو فى ماليزيا استوائى يعنى مطره غزيره طوال السنه ازاى موضوع الكاوتش الغير مناسب للمطر ده يحصل او ازى تكون السيارة غير مناسبه لجو به امطار غزيره

سؤال محتاج اجابه من الماليزيين

**sam_pon** · 14-12-2010 03:19 PM

المشاركة الأصلية كتبت بواسطة alarabiya11

الغريب ان الجو فى ماليزيا استوائى يعنى مطره غزيره طوال السنه ازاى موضوع الكاوتش الغير مناسب للمطر ده يحصل او ازى تكون السيارة غير مناسبه لجو به امطار غزيره

سؤال محتاج اجابه من الماليزيين

الأجابة بكل بساطة :

هي العربية سيتم تصديرها لفين ؟ لمصر ؟

والمستورد بيطلب مواصفات شكلها أيه ؟ عشان يكسب كام ؟

هي دي مصر يا رجاله .

للأسف الشديد كله عاوز يكسب كتير أوي وبسرعه أوي

والله يعينا احنا الغلابه اللي فاتنا قطار المكسب السريع والكبير

لأن كل التجار الحاليين بقوا في العشرين وكمان تحت العشرين

آآآآآآه لنا الله

**spiderloking** · 14-12-2010 03:48 PM

ربنا يحفظنا جميعا و يكفينا شر الطريق يا رب

يا جماعه خلوا بالكوا اليومين بتوع المطر دول لأن فعلا احنا مش راكبين بي ام ولا ميرسيدس ولا سوبارو ولا اودي مش معني كلامي ان بروتون وحشه لأ بروتون احسن عربيه في مصر في فئتها السعريه و اللي يقول غير كدا يبقي غلطان و فعلا امكانيتها كتير و عربيات جميله جدا بس مش معني كدا اننا ناخد الثقه الزائده فيها اوي لأن الثقه الزائده في اي حاجه بتوقع الناس في اخطاء كبيره و ربنا يحفظنا مره تانيه