العربية بتترج جامد جدا وهى باردة

**Khellooo** · 13-12-2010 07:15 AM

السلام عليكم ورحمة الله وبركاته

العربية بقالها كام يوم كل لما آجى أدورها وهى باردة سواء كان الصبح أو أى وقت ألاقيها ترج جامد جدا وبتبطل وواحدة واحدة أفضل متابعها لحد لما أقرص عليها وتتعدل ولمبة الزيت ساعات بتنور 5 ثوانى وتطفى وهى دايرة أو بتبقى مطفية لما بدورها وتبطل

أنا العربية كان فيها جوانات بتسرب زيت وكنت طبعا بزود زيت وبالتالى مابحسبش ودلوقتى الحمد لله مشكلة التسريب اتحلت بس لسه ماغيرتش زيت لأنى شايف إن لونه كويس وغيرت الفلتر قريب

فهل المشكلة دلوقتى تغيير زيت ولا حاجة تانية

**mbx4e** · 13-12-2010 07:54 AM

لمبة الزيت لما تنور يبقى فيه حاجه غلط
حاجه بايظه او لا تعمل بكفائة (طرمبة الزيت او حساس بيدي قراية غلط ممكن يكون عطلان او الزيت مش مزبوط او عليه اضافات دا لو كان حساس ) او حاجه غير مناسبه (نوع الزيت غير مناسب كلزوجه او مستواه ناقص ) خل بالك في لمض زيت بتبقى للضغط بتاع الزيت ودا ليه علاقة بلزوجة الزيت او يوجد نقص في التوزيعه بتاعته داخل الموتور ناتج عن ضعف الطرمبة او تقل الزيت وفي نوع تاني للمستوى بتاع الزيت بسبب النقص ودا على حسب نوع العربية (اوبشن يعني )
بس الغالبة العظمى بيبقى فيها ظغط الزيت زي اللي عندك وعندي
انت بتحط زيت ايه ؟ مغيره اخر مره من امتى ؟ ومغير فلتر زيت كل كام غيار زيت ؟

**Khellooo** · 13-12-2010 08:21 AM

جزاك الله خيرًا

العربية شاهين 1400 موديل 99

أنا كنت زودت زيت آخر مرة لأنى لقيته ناقص ( تقريبا زودت نص كيلو ) والفلتر كان متغير قبل التزويد بفترة لأن اللمبة كانت بتعمل نفس الموضوع دا وهى انها لما أدورها ( كانت بتدور عادى من غير مشاكل ) تنور 5 ثوانى وتفصل فالميكانيكى قاللى غير الفلتر والحمد لله بطلت

كل اللى فات دا كان بيبقى تزويد زيت وساعات كان بيتغير لأن العربية كان بيتغير فيها الجوانات ومن ضمنهم جوان الكارتيرة

فتقريبا هو أقل نوع فى الزيت بس لونه دلوقتى أفتح من العسل الأسود وكمان مستواه كويس بس لاحظت إن بلاقى المقياس كله زيت لحد الكاوتشة مع العلم ان الاول كان بيبقى الزيت فى الحتة اللى بتوضح مستواه فقط

**mbx4e** · 13-12-2010 01:29 PM

انت بتزود الزيت لانه بينقص من غير ماتغيره فترة طويله ؟ لان دا اللي فهمته من كلامك
انت عندك مشكله عويصة سنه بس مش مستحيله ؟
دلوقت طريقتك لقياس الزيت ازاي ( المفروض بتبقى الصبح قبل الدوارة على اساس العربية بتبقى خدت فتره كافيه بردت والزيت كله اتجمع تحت في الكرتيره حوالي 6 ساعات على الاقل عشان تاخد القراية الصح ؟
لو المقياس الزيت مطرطش عليه من كل حته دا يبقى حاجه من اما انت بتقيس الزيت بعد مابتدور مباشرة ودا غلط ( بتاخد قراية فيها نسبة خطا كبيرة) ياما في تسريب للجوان بتاع انبو المقياس ياما شغل الصنايعي مش تمام
لو هاتعمل شغل قريب في الموتور شيك على طرمبة الزيت لو مش هاتعمل يبقى عايزك تراقب شويه كدا وفي نفس الوقت تستخد عربيتك بحذر وحرص وفي الضرورة لغاية ماتحدد العيب فين لاني مش ( بصراحة غلب حماري :b4_611::b4_611:) لو مغير زيت قريب وفلتر قريب خلاص ماتغيروش بس اتاكد من الطبة والجوانات هل فيه تسريب ولا لا ؟
هاتغسل الماكنة بالجاز هاتركنها لفترة كبيره يوم مثلا وتحط كرتونه تحت الطبه وتحت الموتور عشان تعرف لو في تسريب مع مراعاة الاتي
تقيس الزيت صح كل يوم الصبح قبل اول دوارة وترقب مقاس الزيت وياريت تعمل لنسك جدول في ورقة وتقيسه بجد بمسطره(ماحدش يتريق بجد الحوار دا هوا الحكم مش مجرد النظر خصوصا لما يبقى فيه مشكله ) وتحدد مثلا علامة الصفر بتاعك المنيمم وتشوف ثابت ولا بينقص ولا فيه تسريب او دخنة بيضا او سودا او مزرقة من الشكمان او شياط طالع من الكبوت وانت ماشي
وماتحرقش على الغيارت وانت ماشي وحاول بقدر الامكان العربيه عندك ماتسخنش لاني اعتقد انك كنت بتعاني من حوار السخونه وهو اللي اثر على المكنه واكيد انت اخرت في صيانة الزيت والفلتر بتاعه في الفترة اللي فاتت صح ؟

**rotanamasoud** · 13-12-2010 08:35 PM

ممكن بسبب بروده الجو الشديده اليومين دول انت بدور وعندك سخان بتشده يعلى المكنه لحد لما تسخن

**Khellooo** · 14-12-2010 01:22 AM

جزاكم الله خيرًا على الردود الجميلة دى

أنا رحت للميكانيكى النهاردة وغير البوجيهات والمفروض على كلامه انها السبب بس لسه هاجرب بكرة الصبح

مشكلتى بقى مع الزيت لأن لونه كويس بس أنا مش عارف مدته وحسيت انه طول

أنا فتحت موضوع تانى يوضح قصة الزيت دى ياريت تشاركونى فيه

http://www.nilemotors.net/Nile/19015...post3873142362