سوق مرسيدس فين ؟

**MaZaGAngeE** · 13-12-2010 07:25 AM

هل يوجد سوق أو مكان تجمع لبيع سيارات مرسيدس المستعملة ؟
نفسي في العربية دي :
300SEL

أو
260

ياريت لو حد عنده فكرة عن الأسعار أو أماكن بيع العربيتين دول

**Medo.Malek** · 13-12-2010 11:08 AM

سلام عليكم
بص يا سيدى الفاضل ... عندك سوق الجمعة اللى فى مدينة نصر اكيد هاتلاقى فيه مرسيدس كتيير و لكن .. الموديل الابيض اللى هو 260 ده نادر جدا (او على الاقل انا ما شوفتوش قبل كده) انما الاولانى اللى هوة 300 sel ده شفته كتير بس معتقدش هاتلاقيه فى سوق الجمعة لكن ممكن تلاقيها عند تجار مرسيدس متخصصين و فى واحدة هنا على الموقع ده الموقع الاشهر والاكثر انتشارا للسيارات فى مصر - The most famous site for cars in Egypt
و اعتقد لو دورت على الموقع هاتلاقى اكتر

**MaZaGAngeE** · 13-12-2010 12:38 PM

المشاركة الأصلية كتبت بواسطة medo.malek

سلام عليكم
بص يا سيدى الفاضل ... عندك سوق الجمعة اللى فى مدينة نصر اكيد هاتلاقى فيه مرسيدس كتيير و لكن .. الموديل الابيض اللى هو 260 ده نادر جدا (او على الاقل انا ما شوفتوش قبل كده) انما الاولانى اللى هوة 300 sel ده شفته كتير بس معتقدش هاتلاقيه فى سوق الجمعة لكن ممكن تلاقيها عند تجار مرسيدس متخصصين و فى واحدة هنا على الموقع ده الموقع الاشهر والاكثر انتشارا للسيارات فى مصر - the most famous site for cars in egypt
و اعتقد لو دورت على الموقع هاتلاقى اكتر

انا شفت الاعلانات الموجودة فيه و في كونتاكت بس شايف ان الأسعار عالية عن المعقول ( رأي شخصي مش عن خبرة بأسعار السيارة ) بس كنت عايز أعرف تجار مرسيدس دول فين

**MBhead** · 13-12-2010 01:54 PM

اولا اهنيك علي زوقك العالي
ثانيا ال300SEl موجودة في كل حتة و بلاش قصة الاسواق دي خالص اما الSEC الكوبيه مفيش منها 260 اقل حاجة380 ال8 سلندر و دي نادرة شويه و خصوصا لو 560 و مرغوبه جدا جدا جدا لهواة المرسيدس لانها تحفة و الكلام دي عن تجربة
لو حضرتك كنت قلت من شهر كانت لسه في واحده 380SEC علي 47 و خلصت علي 40 بس كانت متهانة شويه
حضرتك شوف اي حد تعرفة راكب مرسيدس يشوفلك واحدة او حد تعرفه معاه 300sel عشان تكون متصانه اما تجار المرسيدس مش حتلاقي عند 300sel لانها خلاص رخصت و لو لقت تبقي 500 و غاليه كمان بس حالة نضيفة و ممكن تلاقي في الاهرام بتاع يوم الجمعة اعلانات العربيات النادرة دي و الحالات النضيفة اووووووووي