أولا : الف مبروك علي العربية ، ربنا يبارك فيها ويدي لحضرتك خيرها ويكفيك شرها
ثانيا : بالنسبة للترخيص ، حضرتك هتحتاج ورق الافراج الجمركي وتروح بيه علي مرور بين السرايات ( بيدولك مستند ملكية )
ثم تقوم بالذهاب إلي المرور التابع لبطاقة حضرتك لتبدأ خطوات الترخيص ( ونصيحة روح بدري جدا جدا لأن الموضوع بيأخذ وقت كبير )
هاتروح علي شباكك ترخيص الملاكي الجديد وتبدأ خطوات الترخيص (انا مش فاكرة بالترتيب ) بس هما
أخذ بصمة الموتور
فحص بيئة
شراء طفاية حريق من أمام المرور ودق رقم الشاسية عليها ( 125 جنيه )
شراء مثلث وشنطة اسعافات ( حوالي 75 جنيه )
طلب استخراج لوحات
اعتماد كافة الاوراق
دفع الرسوم ( اتكلفت حوالي 1200 لمدة ثلاث سنوات متضمنة كافة المصروفات والاكراميات ووثيقة التأمين والطفاية والمثلث والشنطة )
استلام الرخصة وتعليق النمر ، والف مبروك ...
ملحوظة : الموضوع ممكن ياخد يومين من حضرتك ، وممكن يوم واحد حسب النصيب ومدي زحمة المرور
المفضلات