سؤال لعاشقي الماتريكس.....؟

**timo_crosswind** · 25-03-2008 10:47 AM

لو الواحد حب يركب جنوط 15 بدل الجنوط اللي راكبه في العربيه هينفع ولا لا ؟ولو نفع ايه مدي تاثيره علي السياره سواء المكنه او العفشه؟ وهل ده هيساعد اكتر في الثبات ؟ وشكل العربيه هيكون افضل ولا لا؟وخصوصا اني حاسس ان جنوط العربيه الاصلي صغير اوي عليها ويمكن من اكتر الاسباب اللي مخلي العربيه مش ركبه علي بعضها وشكرا للجميع

**liquidator** · 25-03-2008 02:34 PM

هاي تيمو ... أخبارك ايه ...
بص يا عم ... مسموح انك تركب للماتريكس جنوط 15 و يكون مقاس الكاوتش 195 علي 55 ..... لازم يكون كده بالضبط عشان عداد السرعه عندك يبقي قايل السرعه صح ... جنط أكبر و كاوتش أعرض هايديك تحكم في العربيه أكتر و خصوصا في الملفات أو لما يكون الأرض فيها حاجه بتزحلق ... بس علي الجانب الأخر الجنط الكبير يمثل وزن تقيل علي التعليق الأمامي و خصوصا المقصات و الميزان و تلاقي نفسك محتاج تغير جلود مقصات بسرعه أو في بعض الأحيان محتاج تغير المقص نفسه , و الكاوتش العريض يمثل جهد علي المحرك و يمكن تحس شويه بسحب قليل أو استهلاك أعلي للبنزين انطلاقا من القاعده الهندسيه : القوه تساوي الضغط مضروب في المساحه ... عند ازدياد عرض الكاوتش يصبح سطح الكاوتش الملامس للأرض مساحته أكبر و البتالي احتجنا لقوه أكبر سينتجها المحرك علي حساب استهلاك البنزين أو علي حساب سحب السياره ... اسمع نصيحتي ... جنط 14 و كاوتش 185 علي 65 اللي راكب في العربيه أصلا هو أحسن حاجه للماتريكس .. و بعدين 14 مش صغير بس باين انه صغير عشان جسم العربيه كبير ... ماتشتري الماتريكس و تخلص يا راجل خلينا نقابلك في غبور !!!!
تحياتي لك ..

**Hesham A.Megid** · 25-03-2008 07:02 PM

مفيش اي مشكله خالص انك تركب جنط 15 لأن العربيه بتنزل بره بجنط 15 و كاوتش 55/195 او
55/205 في ال 1800 سي سي.

**bassam nagy** · 25-03-2008 07:57 PM

مكتوب ورقة تحت قفل الباب الية وراء شمال ومكتوب فيها انك ممكن تركب جنط 15 55/205

**fahd_628** · 25-03-2008 08:11 PM

مادام مكتوب انك ممكن تركب جنط 15 يبقى ركب و انت مطمن و حيفرق جامد فى شكل العربية انا مرة شفت ماتريكس مركبة جنوط و كانت حاجة تانية بصراحة

**momomania22** · 26-03-2008 01:57 AM

هحكيلك حكايتي مع الجنوط
انا لما حبيت اركب جنوط قعدت ادور عاللزقة اللي عليها المقاسات وفرحت لما لقيت يركبلها 15
لكن لما رحت اشرفكو قاللي 14 احسنلك
ولما رحت التوكيل في مهندس محترم قوي قعد يشرحلي ان 15 ده عايز بلاد الطرق فيها حلوة وناعمة مش زي عندنا
وقاللي ان 15 هيزود استهلاك البنزين ويتقل العربية اكتر وقاللي على تغييير المقصات وان المطبات هتبقى اتقل وتحس بيها اكتر
فقالي ممكن تعرض الكاوتش على نفس مقاس الجنط
وعملت بنصيحته وجبت 14 وكاوتشات 60/195 مارشال كوري الفردة ب 300
والجنوط Ssw الطقم ب 1450
وعشان كمان ماتغيرش الاستبن
والله فرقت موووت في شكل العربية وكمان هتديك احساس ان الجنط كبيييير مش زي الطاسات وكله زي الفل
هات 14 واشتري دماغك

**timo_crosswind** · 27-03-2008 01:16 AM

احمد باشا اخبارك ايه واحشني والله ايه ياقائد المعلومات الحلوه دي وإن شاء الله هقبلك في غبور قريب ....وشكرا لجميع الاخوه اللي شاركو بالرد

**timo_crosswind** · 27-03-2008 01:18 AM

انا اسمعت ان الشكل الجديد للماتريكس هينزل في 2009 وبصراحه شكلها حلو تعرف حاجه عن الموضوع ده ياحمد يعني بجد ولا مجرد اشاعه

**liquidator** · 27-03-2008 02:55 PM

هو في ناس في غبور أكدولي انه هاينزل ده كلام أكيد بس امتي مفيش معلومات جتلهم بخصوص الموضوع ده ... انت كمان واحشني والله

**wildeagle** · 29-03-2008 02:24 PM

السلام عليكم يا شباب ، الشكل الجديد نزل بره و اسمه facelift

[IMG]file:///C:/DOCUME%7E1/WILDEA%7E1/LOCALS%7E1/Temp/moz-screenshot-2.jpg[/IMG][IMG]file:///C:/DOCUME%7E1/WILDEA%7E1/LOCALS%7E1/Temp/moz-screenshot.jpg[/IMG][IMG]file:///C:/DOCUME%7E1/WILDEA%7E1/LOCALS%7E1/Temp/moz-screenshot-1.jpg[/IMG]