المشاركة الأصلية كتبت بواسطة ghazy12
البلونه يا دينا حاجه زي (نتوء) او (فقاعة هواء) بتظهر على جانب الكاوتش نتيجة تلف او انقطاع
الانسجه الداخليه للكاوتش بسبب صدمه قويه مثلا, و المشكله دي بتظهر بصوره كبيره جداا في
الجنوط اللوبروفايل, و هي اللي بيكون الجزء الرأسي من الكوتش فيها قليل او بالمعنى الصحيح
( نسبة ارتفاع الكاوتش من عرضه قليل ) يعني و على سبيل المثال...
جنط السيراتو الشكل القديم مقاسه 16 (50/205)
جنط النيوسيراتو الهاي لاين الـ17 (45/215)
هتلاحظي ان الرقم التاني بين القوسين (نسبة ارتفاع الكاوتش من عرضه) قليل عن الجنوط العاديه,
زي مثلا مقاس 15 بيكون (65/195)... نسبة ارتفاع الكاوتش من عرضه اكبر,
و بالتالي امتصاص للصدمات اكبر, و لكن العرض اقل, و بالتالي ثبات اقل...
يا رب اكون قدرت اشرحلك الموضوع بشكل سهل و بسيط, و انا موجود لاي استفسار...
تحيــاتي...