مشكلة في عربية 128 بتبطل وانا ماشي
السلام عليكم
عندي عربية 128 والنهاردا وانا ماشي بيها عملت حاجة غريبة وهي تبطل لما اهدي او ادوس فرامل بس لما ادورها سواء وقفت او لسه ماشية بتدور بسرعة وتمشي تاني وهكذا
الاعراض بالتفصيل قبل ما يحصل كدا
اولا
لقيت البوجيهات بتعرق زيت خفيف اوي فنصحوني اني اغيرها لسن قصير واشتريت بوجيهات سن قصير بس بعد ما ركبتها لقيت السلانسية بتاع العربية مش مظبوط وكمان الموتور بيرتل بس المشي بتاعها عادي جدا والسحب بتاعها مظبوط ومفيش مشاكل
ثانيا
بعد ما فولت بنزين بعد تغيير البوجيهات فضلت شامم ريحته فترة طويلة لمدة 4 او 5 ايام والريحة بتكون ظاهرة
من برة العربية وجوة وبعد كدا الريحة راحت
ثالثا ودا الجديد
المشكلة دي فضلت حاصلة وانا بوصل واحد صاحبي بس مليان شوية كان قاعد جنبي ولما نزل العربية اتظبطت ومبطلتش فهل الوزن ليه علاقة ؟
ارجو ان تكون مشكلتي واضحة للخبراء والمشكلة دي اروح لميكانيكي ولا كهربائي ولا الموضوع بسيط ؟
وشكرا
