اخر اخبار المثلث و شنطة الاسعافات

**victornabil** · 13-12-2010 01:47 PM

انا هروح انقل ملكيه و اجدد قريب يا ريت حد يقولنا ايه اخر اخبار المثلث و الشنطه لازم اشتريها من برا و الا اشتريها من جوا المرور و الا هيدوهانى ببلاش فى المرور اصلى سمعت كدا ان وزير الداخليه اصدر قرار بصرفها مجانا يا ريت اللى عنده معلومه يقولنا

**MASERATI** · 13-12-2010 02:06 PM

السلام عليكم و رحمة الله و بركاته

آآآآآآآآآآآآآآآخر مرة كنت روحت فيها المرور بتاعنا هنا فى المنصورة , كان فى 1-2009 و كان الشنطة و المثلث مطلوبين من النقل و الأجرة بس , مش من الملاكى , الكلام ده كان من سنتين و كان عندنا فى المنصورة , مش فى القاهرة و لا المحافظات الرئيسية الكبيرة .

بس , أنا اعتقد أن المثلث و الشنطة لو كانوا مطلوبين , كانوا عملوا كماين فى كل حتة فى البلد عشان يفتشوا عليهم و يلموا مخالفات زى ماعملوا ولاد الايه فى حزام الأمان سنة 2001 .

و كله هيبان فى المرور و أنت بترخص , لو كانوا مطلوبين , هتلاقى كل بتوع الملاكى جايبينهم و هتلاقى فيه عفاريت زرقا كتير طالعالك من تحت الأرض عشان يبيعوهوملك .

السؤال مش كده , افرض أن أنا احتاجت حاجةمن اللى فى الشنطة , زى القطن و لا الشاش و خلص, أجيب شنطة جديدة و لا اكمل اللى ناقص و لو هكمل اللى ناقص, يبقى من بيتنا و لا لازم اجيب قطن و شاش من بتاع المرور !!!!!!!!!!؟؟؟؟

**mikology** · 13-12-2010 02:19 PM

انا رخصت من اسبوع و جددت و فحصت و قبل الفحص لازم يبقى معاك المثلث و الطفايه و الشنطه
الشنطه و المثلث ب 75 جنيه و الطفايه ب 121 جنيه - دول لازم يكونو موجودين قبل الفحص وورقهم معاك و الطفايه بيختمو عليها رقم الشاسيه عشان محدش يعرف يفلفص !

**victornabil** · 13-12-2010 11:21 PM

شكرا لكم على ردكم بس دى حاجة تغيظ دول بيدوروا على اى حاجه يخدو بيها فلوس مننا و طبعا دى تمنها الحقيقى مش هيعدى 30 جنيه و الباقى فى الصناديق اياها طبعا

**mikology** · 14-12-2010 03:35 PM

طبعا - ده غير التأمين الاجبارى اللى ماعرفش لازمته ايه و غير تأمين ال 161 بتوع النمر الجديده - وعن شرط لما تسلم القديمه (اللى هى نمر جديده بردو) مش هتسترد التأمين بتاعها و هى تروح لواحد تانى عشان يدفع تأمين ليها - وكفايه كده متقلبش علينا المواجع

**hossamkoshy** · 14-12-2010 04:41 PM

انا نقلت ملكية من اسبوع واشتريت المثلث والشنطة بالامر من مهندس الفحص

**heshamzaky** · 14-12-2010 05:00 PM

المشاركة الأصلية كتبت بواسطة mikology

انا رخصت من اسبوع و جددت و فحصت و قبل الفحص لازم يبقى معاك المثلث و الطفايه و الشنطه
الشنطه و المثلث ب 75 جنيه و الطفايه ب 121 جنيه - دول لازم يكونو موجودين قبل الفحص وورقهم معاك و الطفايه بيختمو عليها رقم الشاسيه عشان محدش يعرف يفلفص !

هههههههههههههههههههههههه ياعينى عليك يا ميكو هههههههههههه بص السنة الى فاتت من مرور مدينة نصر المرور أدانى شنطة أسعاف و مثلث هدية و الله بجد و هما بيسلموك الرخصة بيدولك الشنطة و المثلث الكلام دة السنة الى فاتت يا ريس و كنت بجدد الرخصة بتاعت ال 127 هههههههههه كان حلو جدا أول مرة أشوف الرور بيدى حاجة مش بياخد ههههههههههههههههه

**mikology** · 14-12-2010 07:11 PM

لا بياخد يا اتش بياخد قوى !!!
ده خرب بيتنا

**Nistelrooy** · 14-12-2010 07:16 PM

انا لما رخصت من خمس شهور ماحدش طلب ولا مثلث ولا شنطة .. بس الطفاية اكيد

**heshamzaky** · 14-12-2010 07:16 PM

المشاركة الأصلية كتبت بواسطة mikology

لا بياخد يا اتش بياخد قوى !!!
ده خرب بيتنا

هههههههههه معلش يا باشا امال عاوز تدى فلوس لمين غير المرور هههههههههههه بس بجد انا استغربت جدا اول مرة فى حياتى اشوف المرور بيوزع حاجة مش بياخد و لعلمك مهم برضو واخدين فلوسها بس بصورة غير مباشرة