ارجوا من سيادتكم التكرم بخبراتكم فى الاصوتيات انا مدمن موسيقا ترانس ونيو ايجى واصلا شارى السيارة عشان استمتع بالموسيقا فيها فارجوا منكم افيدونى عايز طقم صوت يهز الارض ويكون صوته مجسم انا شارى فيات تمبرا وعايز اسمع فيها صوت يحكى عنه ان شاء الله ارجوا الافادة من فضلكم... ادهم
يبى عليك وعلى البازوكا 1000 jbl وجبلها جى ام كينود 720 وات تو اتشانل وهات 4 سماعات سونى 400 وات وجى ام كينوود 500 وات 4 تشانل وعيييييش الدب والرزع ولو عايز كمان ممكن صب بايونييير 1200 وات بس هتحتاج جى ام وتجيب الكينود الاولانى 4 تشانل
وعيييييييييييش وسبنى اعيييييييييييش
اقتباس:
المشاركة الأصلية كتبت بواسطة man_faraway
نصيحه واحد بيسوق بقاله كتير
بلاش كاسيت اصلا نهائي في الاول و انت سايق لأنك كاتب في عنوان الموضوع انها اول تجربه سواقه فالمفروض تكون قادر تسمع اي كلاكس و يكون انتباهك علي الطريق
لغايه ما تحس انك قادر تشغل كاسيت شغله براحتك
مش بكسر فرحتك بالعربيه بالعكس انا عايزك تفضل مستمتع بيها
و الف مبروك علي العربيه و علي عده الصوت ان شاء الله
اولا يا ماااان مبرووك عالسياااارة
وربنا يكفيك شرها ويديك خيرها
انت ممكن تجيبلك كاسيت بيونير على سماعتين بيونير 400 مع امبليفير على سب بيونير هيعملك صوت تحفة
او ممكن تستبدلهم بال سوني
وممكن تديها بازوكا جي بي ال
معاك كام ؟!
او محدد ميزانيه كام ؟
اهم شي الميزانيه قوله و بعدين نظبط عده صح الصح
انا مش محدد سعر انا لسه حنزل اتفرج وشوف بس انا مش عايز ينضحك عليه كالعادة اصل ماشاء اله المصرريين عندهم ضمير جدا فنفسى انزل اركب طقم محترم صوت ستريو محترم يظهر متعه الموسيقا الحالمة والخيالية انا عندى اضخم مكتبة موسيقا نيو ايجى وكلاسكيات وترانس فعايز استمتع حته لو كاسيت يكون محترم وصوته كويس وسماعات تستاهل تمنها وبعد كده ممكن ازود جى ام يعنى انا عايز صوت مجسم وممتع عايز عن تجربة من الاخرين مش اكتر وشكرا على الاهتمام ... ادهم
يبقى عليك و على التقليدى
الكاسيت
عندك بايونيير
5250 وده عامل 1000 او فى الحدود دى
7250 و ده عامل 1200
7150 و ده عامل 1250 لو لقيته
و التلاته كويسييين جدا و الاوبشن اللى فيهم حلو جدا جدا
السماعات هات بايونيير ال 400 وات
و دى 280 غالبا
و شوف بقى لو هاتجيب صب او بازوكا
بس بما انك بتسمع ترانس يبقى ابعد عن البازوكا
عشان مش هاتعرف تسمع حاجه و هايبقى هبد و خلاص
و هاتلك سماعتين فى الباب قدام
كمبونانت يبقى ظبط الكلام
و الجى ام كينوود 720- 4 تشانل
و شكرا
بص يا باشا أنا مليش في الصبات ولا البوازيك ولا سمعت حد مركبهم غير في ال شارع
بس بالنسبة للسمعات نصيحة نصيحة بجد دورلك على حاجة jbl صوت مش هتعرف تسمع بعده
و كمان أستاذ ahms عامل موضوع هنا عن سمعات jbl جيالو من بره بعد يومين تقريبا
لو لحقت حاجة منها مش هتندم
http://www.nilemotors.net/Nile/190138-jbl-gto938.html