عملت حادثه وعاوز نصيحه فى التعامل مع شركه التامين

**tag_sss** · 13-12-2010 02:57 PM

انا عملت حادثه بالنيسان صنى وكانت النتيجه ان الكبوت اتطبق والاكصدام كمان بس المكنه سليمه
انا مأمن على العربيه فى شركه مصر للتامين والمشكله ان العربيه اتخبطت وهى واقفه يعنى ادام المصنع الى انا شغال فيه من عربيه تحميل يعنى مش عارف اعمل محضر فى حدز
عاوز النصيحه من الى فاهمين فى الكلام ده و اعمل ايه علشان شركه النامين تصلحهالى وياريت لو حد عنده خبره يقولى التفاصيل بالظبط لانى مش عارف اعمل ايه بالمره (الاجراءات التى اتبعها مع شركه التامين).

ارجو النصيحه

**Sh_sunsea** · 13-12-2010 04:23 PM

بخبرة عدد واحد حادثة مع شركة التأمين فنصيحتي المتواضعة كالتالي

محضر بأقصى سرعة بتفاصيل الحادثة ومكانها والأضرار الناتجة عنها بالتفصيل الممل
إبلاغ شركة التأمين بالحادث ورقم المحضر وتاريخه
عمل مقايسة خارج التوكيل في أي مركز معتمد أو ورشة تقبل التعامل مع شركات التأمين (أنا صلحت في التوكيل واتبهدلت من التوكيل ومن شركة التأمين علشان صلحت في التوكيل)
الحضور مع مندوب التأمين عند المعاينة في الورشة - بما أنها خارج التوكيل فالمفترض انه هيفاصل كتير وهايرفض حاجات كتير وجودك هايقلل من دوره - فحاول تعرف معاد ذهابه للمعاينة للتواجد - وممكن تاخده بنفسك وده يبقى أفضل
بعد استلام العربية واصدار صورة من المحضر ارجع لشركة التأمين للمطالبة بشيك التعويض
واستعد للانتظااااااااااااااااار

**A.Saad** · 13-12-2010 07:24 PM

ممكن تعمل المحضر ضد مجهول وا تقول ان عربية شكلها كذا ومن غير نمر او ملحقتش تاخد نمره
الابلاغ بعد كدة فى خلال وقت معين 48 او 72 ساعة من الحادث

**tag_sss** · 15-12-2010 03:04 PM

شكرا على الردود يا جماعه وعسى ان تنفعنى نصائحكم بإذن الله

**Ahmed.TV** · 15-12-2010 04:38 PM

انا اسف معنديش خبرة فى الموضوع ده لانى مش مامن

حضرتك فى موضوع شبه موضوعك اقرائه وحتلاقى فيه تفاصيل قوية وخصوصا فى اخر صفحاته

http://www.nilemotors.net/Nile/189752-a.html

ويمكن ده اللى خالا الاعضاء مش تفاعلوا هنا