عرض للطباعة
محتاج شويه قطع غيار لمازدا فاميلي 97- 98
قلت محدش حيدلني عليها غير حبايبنا هنا في المنتدي
1- طقم دبرياش كامل ديسك واسطوانه وبليه
2- جوز كبالن kne
3- مساعدين امامي
4- سلك بنزين
5-فانوس اشاره يمين
الحاجات دي انا محتاجها جديده ومش عارف الاقيها فين
ياريت اللي يعرف يدلني عليها
العربيه اهي
http://i55.tinypic.com/mvgnds.jpg
http://i56.tinypic.com/30m0oio.jpg
وشكرا لسعه صدركم
يارجاله المازدا
حد يعرف ماركه مساعد المازدا الاصلي اللي فيها ايه
عشان الشافعي بتاع قطع الغيار اداني مساعدين kyb
وطلع اازور بتاع المساعد واسع علي بليه البطاحه
والعفشجي قاللي ده مش مساعد العربيه
التاني اروحله يقولي شيل بليه البطاحه دي ملهاش لازمه
مع العلم ان لانسر الكريستاله البليه دي مهمه اوي
اعمل ايه يارجاله
الاخ الفاضل صاحب الاستشارة بخصوص قطع الغيار
بالنسبة للمساعدين : الاصلى اللى بينزل فابريقة ماركة توكيكو tokiko و دى ممكن تلاقيها عند سمير عبد الرحيم فى شارع دمشق فى مصر الجديدة
و لو انى ليا تحفظ على المساعدين الجديدة فى الفترة الحالية لان 90% من الموجود فى السوق مضروب و دون المستوى و مش حايعيش معاك زى ما انت فاكر و لذلك انصحك بشراء الاستيراد على الاقل حايجى كامل بالسوستة و البطاحة و على التجربة و انشاء اللة بيعيشوا على الاقل سنه او سنة و نص على بال ما تشتكى منهم
بالنسبة لسلك البنزين لازم تفك القديم و تجيب واحد زىة نفس المقاس
بالنسبة للكبالن فاحسن نوع و هو الاصلى اللى بينزل من المصنع ال nkn اليابانى و دة حتلاقية الاتنين فى حدود 520 جنية و بييجى معاة كاوتشة التراب و الشحم الاصلى و الكوليهات الحديد اللى بتتركب على كاوتشة التراب
و بالنسبة لفانوس الاشارة حتلاقى التايوانى فى حدود 60 جنية اما الاىصلى ب 90 او 100 جنية
ارجو لك التوفيق انشاء اللة و انا باحب العربية دى و ما باركبش غيرها و لو محتاج اى مساعدة او مشورة لا مانع من الاتصال بى ( خالد 0106980105 )
مش حضرتك الاستاذ خالد اللي اخدت منه خرطوم الموتور :)
انا الحمد لله اشتريت كل حاجه
ووقفت عالمساعدين
قررت اجيبها kyb
زي اللي عندي في اللانسر
المهم والدي نزل معايا توكيل kyb في شارع الصحافه وسط البلد
للاسف ملقيناش عندهم
طلع والدي علي شارع دمشق عند واحد اسمه الشافعي
اخد منه مساعدين
وراح للميكانيكي
المساعد
الماسوره الفضي بتاعته تخينه
غير الاصلي
اما بييجي يسقط بليه البطاحه
مبتدخلش طبعا
خدت المساعدين ورحتله قلتله دول مش بتوع العربيه
انا عاوز زي دول
ووريتله المساعدين ووريته ان بليه البطاحه مبتدخلش
قاللي دي ملهاش لازمه خالص
خد الكاوتشتين دول ركبهم مكانها حتشتغل
علي كاوتش التراب
المهم قلت ياواد بطل فتي عشان متعكش دي مش عربيتك
وخدت المساعدين وريتها للميكانيكي
قاللي يابيه ماهيا هيا
عملنا ايه
البليه دي مهمه جدا ازاي اشيلها
هيا الللي بتبيت المساعد في البطاحه ومتخليهوش يلقلق
قلتله قفل العربيه وانا حروحله اما اشوف اخرتها ايه
ووالدي يكلمه
يقوله والله احنا مبنرجعش حاجه
كل اللي اقدر اعملهولك اني حركبهملك واديك ضمان 6 شهور
لو جرالهم حاجه
طبعا انا لو رحت حتبقي اخر قله ادب
وحجيبله البوليس
فنصيحه منك كده
من الاخر
اروح للراجل ده اخليه يشتغل في العربيه
وفعلا كلامه صح
ولا اتخانق واقل ادبي
:)
:)
لو الكلام على اشتغالات كلم حماية المستهلك وهما يخلوه يرجعهم عافية وللتاكيد اسال ميكانيكى تانى هما بتوع عربيتك ولا لا
اخى الفاضل
انا خالد اللى اخدت منة خرطوم الهوا و ارجو انة يكون شغال تمام و مشكلة البرجلة دى اتحلت
بالنسبة الى موضوع المساعدين اللى اشتريتهم من عند الشافعى فاحب اقولك ان الكلام اللى هو بيقوله ده مش مضبوط و انصحك بانك لازم ترجعهم لة سواء بالذوق او بالعافية لان الواضح من كلامك ان فية اختلاف فى الابعاد او المقاسات عن اللى كان موجود فى العربية
الا اذا كنت عملت شغل فى العفشة القديمة و حد غيرلك الكاوتشة او الطبق اللى عاملك المشكلة دى
اما اذا كنت متاكد ان العفشة القديمة هى كلها بتاعة بلدها فانت دلوقتى تكون متاكد ان المساعدين الجديدة مش هى المقاس المضبوط
اتمنى لك التوفيق انشاء اللة
مانا حعمل كده ان شاء الله لو مرضيش يرجعهم او يجيبلي بتوع العربيهاقتباس:
المشاركة الأصلية كتبت بواسطة keko
والمساعدين نفس المقاس ونفسالطول وكل حاجه
كل الحكايه ان العمود الفضي اتخن ب3 مللي
وده مخلي كاوتشه البطاحه اللي فيها رمان بلي دي
مبتدخلش في المساعد عشان البطاحه بعد كده تركب عادي
اي حاجه من ايدك ياباشا لازم تبقي حلوهاقتباس:
المشاركة الأصلية كتبت بواسطة mazdaprotege
بس المشكله كانت في الديسك والاسطوانه والحمد لله اتغيروا وكله تمام
بالنسبه للعفشه فصاحب العربيه القديم يبقي خالي
يعني مش غريب
والعربيه كانت ببتتعمل علي طول في التوكيل
والعفشه متعملش فيها اي حاجه خالص من ساعه العربيه ما جت
فالمساعدين اللي فيها الاصلي بتاعت العربيه
هوا مش عارف بيعمل كده ليه
متقول معنديش وخلاص
ويعني ايه مبترجعش
حمايه المستهلك ان شاء الله حتظبطه
بس ربنا يكرم وييجي يوم الاتنين واروحله
ساعتها اعرف حيعمل ايه
الحمد لله رجعت المساعدين
والمشكله مش فيهم
المشكله ان البياع مش عارف يقنعني
نقول الموضوع ببساطه عشان اللي يقع في نفس المشكله يعرف يحلها
اما حنييجي نغير المساعدين الاصلي بتاعت العربيه
مش حتلاقي التاكيكو
ودي ماركه المساعد الاصلي
البديل ماركه kyb
طيب ايه المشكله
المشكله في الجزء الموضح امامنا في الصوره دي
والمحاط بمربع اصفر
http://i56.tinypic.com/a0vvas.jpg
عمود المساعد اللي بيركب في البطاحه فوق اتخن 4 مللي عن الاصلي
العمود ده بيركب فيه فبره مدوره فيها رولمان بلي
مهمه جدا
بتركب تحت البطاحه وفوقها
ودي كانت سبب االخلاف بيني وبين الشافعي
لانه كان مصمم ان دي لازم تتشال
وانا اقوله لا
ورجعت الحاجه ولفيت علي 4 بتوع قطع غيار عندهم نفس المساعد ويقولوا نفس الكلام
الي ان رحت للعفشجي انهارده الصبح
وفك المساعد ورحت جبت الكي واي بي
قاللي المساعد بتاع العربيه فعلا
بس حنعمل حل ظريف خالص
حنروح للخراط
ناكل الفبره دي سنه صغيره بحيث تبات في المساعد
امين؟
قلت امين
وفعلا
ركبت الفبره والبطاحه عالمساعد الجديد
بدون اي فتي ولا كلام كتير
فعلا
اللي يلف ياما يشوف
واللي يمشي ورا صنايعي مبيفهمش
يكسب
اخيرا
شكر خاص غالي جدا جدا لاستاذ خالد
اللي بصراحه من غيره مكنتش عارف حعمل ايه والله
لولا حبك للعربيه دي
كان ابويا باعها لانه اتخنق فعلا
ربنا يجازيك كل خير ويكرمك يارب
واخيرا شكر خاص لكل من ساعدني في حل هذه المشكله
ولقسم مازدا كله
بص يا اخى اقولك تجربتى
انا عندى نفس العربيه موديل 97 وبغير المساعدين ب kyb بدون اى مشاكل ...وانا غيرت المساعدين اكتر من مره...وعلى فكره المساعدين الاصلى بتوع العربيه kyb ...عارف انا بقول كدا ليه لانى اشتريت العربيه دى من صديق ليا جابها زيرو على ايدى ومحطش فيها مسمار من يوم ما اشتراها وبعدين انا اخدتها منه ولما حبيت اغير المساعدين فكيتها وكانت kyb
ودورت فى السوق على نفس النوع وجبته...هو صحيح مش بنفس كفاءة الاصلى اللى بيجى مع العربيه بس بيقعد معاك سنتين معقولين...طبعا يمكن عشانا انا بركب العربيه لوحدى فى اغلب الاوقات...المهم هتلاقيهم عند واحد صديق ليا اتعرفت عليه لما كنت بدور على قطع الغيار للعربيه هو فى شارع دمشق...لو تعرف ترى بون اللى فى دمشق هو تانى محل على الناصيه وانت رايح لترى بون من دمشق...محله بعد محل الكاوتشات...بص عنده اغلب الحاجات بتاعة العربيه...طبعا الحاجات الخفيفه...مساعدين كشافات تيل فرامل بطاحات طرمبة ميه...ولو عاوز فى الحرفيين فيه واحد اسمه العالميه عنده قطع استيراد وكمان جديده خصوصا خرطوم الهوا اياه اللى لسه انا شاريه ب 450 جنيه وكمان عنده حساس الايديل دا طبعا بخلاف كل حاجه ليها تانيه بس استيراد...الصراحه العربيه دى زى الفل ومفيش زيها واحسن من العربيات الجديده اللى نازله اليومين دول كفايه انى اقولك انى كنت بشد قصاد كيا سيراتو جديده من كام يوم والعربيه ماشاء الله بتسحب احسن من السراتو كمان...بس انت اهتم بيها ومتخليهاش محتاجه اى حاجه ومتخليش اى حد يفتى ليك ويقولك شيل دا او استغنى عن دا عشان احنا هنا فى مصر مفيش اكتر من الفتايين
الف شكر ليك ياباشا
بس ممكن تكون عربيتي الخليجي عشان كده مش نازله بkyb
لان لو اللي عندي kyb
كانوا ركبوا علي طول
انا مشتغلوش عندي غير لما رحت للخراط شال شويه من البليه عشان تشتغل وتركب
أخيرا لقيتكوا
محدش يعرف ميكانيكى كويس بيفهم فى الفاميلى ؟
من قراءتي السابقه
افضل واحد بيفهم في المازدا واحد اسمه بلبل مازدا في القلعه
وابن اخته مش عارف اسمه قشطه ولا حاجه كده
ممكن تستني الاخوه يفيدوك بردو
بس انتا عندك ايه
يعني محتاج ايه في الميكانيكا
ممكن اعرف سعر المساعدين واسم وعنوان العفشجى ولك جزيل الشكراقتباس:
المشاركة الأصلية كتبت بواسطة funnymickey
علي ما اتذكر كانوا الخلفي ب700 تقريبا
او 670 حاجه كده
والعفشجي ده كان في السيده زينب
قدام محلات قطع غيار الياباني عند بحه الجديد اللي في الناصريه
اشكرك على اهتمامكاقتباس:
المشاركة الأصلية كتبت بواسطة funnymickey
الف شكر لاهتماماكاقتباس:
المشاركة الأصلية كتبت بواسطة funnymickey
انا عندى العربيه لما بتسخن الار بى ام بيفضل يطلع و ينزل يعنى بيترعش كدة و الموتور بيترعش
يا شباب محدش يعرف اجيب حساسات البوابة منين ؟
ماهو ده اللي كان بيحصل عندي في عربيه والدياقتباس:
المشاركة الأصلية كتبت بواسطة japaroky
وطلع الخرطوم مقطوع
ده اللي بيخلي العربيه الار بي ام يطلع وينزل
وبعدها غيرنا دسك واسطوانه
بس مش فاكر بقي العيب كان من ايه
لان الاتنين اتعملوا مع بعض
مش انت قصدك على الخرطوم بتاع عمة الهوا ؟اقتباس:
المشاركة الأصلية كتبت بواسطة funnymickey
الخرطوم ده عندى سليم و لسه مغير الديسك و الاسطوانة
انت عندك ميكانيكى كويس بيفهم فى العربية دى ؟
اقتباس:
المشاركة الأصلية كتبت بواسطة mazdaprotege
والله انا من ساعه ما عرفت الاستاذ خالد وانا مش محتاج ميكانيكي اصلااقتباس:
المشاركة الأصلية كتبت بواسطة japaroky
:)
بكلمه الاقيه يقولي العيب من غير ما اكشف
ويطلع هوا فعلا العيب
بس الحمد لله عشان العربيه واخدينها من الزيرو
فمش فاتحه بقها اوي يعني
هيا المشكله الوحيده اللي قابلتني كانت في الخرطوم بتاع العمه ده
والعربيه مش عربيتي اصلا
عشان كده ايدي مش فيها
وابويا جابلي عربيه مخصوص عشان ابعد عن دي
:)
ممكن تكلم الاستاذ خالد بس يارب ميكونش مسافر
وتقوله ايه اللي بيحصل بالظبط وحيقولك ان شاء الله ايه الي فيها
وبعد كده تروح للميكانيكي اي ميكانيكي
وهوا يشتغل فيها عادي
العربيه مفيهاش اي ابداع
والميكانيكي اللي ابويا بيتعامل معاه منصحكش تروحله خالص
والمكيانيكي اللي كان شغال فيها قبل ما نشتريها في المهندسين
اسمه محسن
هوا كهربائي وميكانيكي
ولو تحب اجبلك نمرته تحت امرك
خالي اللي واخد منه العربيه بيشكرلي فيه اوي
بس ابويا مبيروحلوش:)
وزي ما قلتلك لما شفت السايت هنا كله بيقول علي بلبل مازدا ده
بس مجربتوش قبل كده
الف شكر يا بوباقتباس:
المشاركة الأصلية كتبت بواسطة funnymickey
انا هحاول اكلم استاذ خالد اتمنى يكون موجود ويسمحلى
محتاج حد محترم يدلني أشتري من أين دينامو مازدا فاميلي 97 ،، لأني ركبت إتنين إستيراد طلع شحنهم ضعيف ،، عاوز أشتري جديد
بس غير السرساوي وزيدان والشرقاوي لأن ما فيش عندهم
أرجو الرد للأهمية
وشكراً لكم