السلام عليكم ورحمة الله وبركاته
أنا بإذن الله ناوي أركب مقاسات جنوط وكاوتش أكبر من اللي راكبين في السيارة
والعفشة كلها هتتغير من ضمن التجديد برده فإيه المطلوب أني أعمله في العفشة الجديدة علشان حكاية الجنوط والكاوتشات الجديدة دي
وجزاكم الله كل الخير
السلام عليكم ورحمة الله وبركاته
أنا بإذن الله ناوي أركب مقاسات جنوط وكاوتش أكبر من اللي راكبين في السيارة
والعفشة كلها هتتغير من ضمن التجديد برده فإيه المطلوب أني أعمله في العفشة الجديدة علشان حكاية الجنوط والكاوتشات الجديدة دي
وجزاكم الله كل الخير
متابع.......
لو هتجيب جنوط وكاوتشات اكبر:
الجنط يكون اكبر من الاصلي ب2 بوصة بالكتير...
الوزن النهائي بتاع الجنط والكاوتش مع بعض مايزيدش عن الاصليين بكتيير, اعتقد مسموح لحد 5 كجم للفردة (مش متأكد)..
الجنط التقيل هيأثر عالموتور كمان عشان بيزود الوزن اللي المفروض يحركه..
لو هتعدل الموتور كمان يبقى تجيب سوست ومساعدين رياضية.. وفرامل قطر اكبر...
تمام بس لي سؤال الله يرضى عنكم
أنا في مشكلة مواجهاني في حكاية تركيب الجنوط وهي أن عربيتي عدد المسامير اللي في الصرة بتاعة الطنابير 3 فقط مش أربعة ومفيش جنوط أقل من أربعة مسامير
ايه الحل في الموضوع ده
أنا سمعت أن الصرة بتاعة الطنابير اللي هي بيركب فيها الجنط بتتعدل عند بتاع المخرطة علشان يخليها أربعة مساميل بدل 3 بس أنا مقلق من الحكاية دي
حاسس إن الأمان فيها مش ولا بد ولا الموضوع عادي مفيهوش مشاكل
فايه رأي حضراتكم
هو العجل بيتربط ب3 مسامير بس؟؟
غريبة..
عموما موضوع التعديل ده عشان تبقى 4 مسامير انا سألت ميكانيكي امبارح قاللي تتعمل عادي امان, بس الفكرة انها لازم تتعمل مظبوطة بالمللي..
تمام
تسلم ايدك يا غالي
وبإذن الله هشوف أنا الموضوع بتاع الجنوط ده
ربنا يبارك لك
اقتباس:
المشاركة الأصلية كتبت بواسطة الصيداح
ربنا ييسرلك ان شاء الله
بس خلي بالك من موضوع التعديل ده لانه خطير شويه و عاوز دقه
بمعني ان الاماكن الجديد لازم يكون بين كل مسمار و التاني 90 درجه بالظبط و كمان يكون بعد كل مسمار عن مركز الطنبوره متساوي في كل المسامير
عاوزه خراط فرود و عاقل
ربنال يوفقك و قلي عملت ايه
أيوا لو خراط خبرة هايعرف يفصلك طنابير جدبدة مظبوطة, بس بلاش تعمل "فلانشات" لأن هى دى اللى بتبقى مش أمان
الفلانشات دى عبارة عن جزء الخراط بيعمله بين الطنابير الأصلية ال3 خرم عندك و الجنط ال4 خرم اللى هاتركبه
جميل جدا يا رجالة شكرا جزيلا
هو مفيش جنوط ثلاثية تريحنا من الموضوع ده؟
شبه مستحيل, لأن مافيش عربيات بتنزل بطنبورة 3 خرم من زمان