يا جماعه الخير عاوزين نعمل قعده عرب بينى وبين شركه فودافون وانتوا تحكموا بينا يلا احكموا......

بدايه الموضع انا معايا خط 010 من شهر مارس سنه 2000 وجبت خط تانى اتصالات من تقريبا سنتين وبدأت اشتغل بالرقمين ومؤخرا حولت خط اتصالات بالثانيه وبصراحه لقيته نظام كويس وبيجيلى رساله بعد كل مكالمه تقولى تكلفه المكلمه كام وباقى الرصيد كذا. حلو ...حلو
اما فودافون حولت بالثانيه بردوا ولكن مفيش رسلبه تقولك التكلفه والباقى وحاسس لنهم بيخموا شويه الكارت مفيهوش بركه .حلو .حلو
اتصلت بخدمه عملاء فودافون من 3 شهور قولتلهم انتوا ليه مابتبعتوش رساله التكلفه وباقلى الرصيد زى اتصالات قالى كمان شهر الخدمه دى هتشتغل وطبعا عدى ال 3 شهور من غير ماالخدمه تشتغل.


نيجى بقه للمهم ... جهز لى يابنى شويه شلت هنا وعلق على الشاى علشان حبيبنا من نايل موتورز جيين نعمل قعده العرب.......هههههههه

ذهبت اول امس الى فرع رئيسى اتصالات وقولتلوا عاوز احول خط فودافون على شبكه اتصالات بنفس الرقم 010 قالى
اتفضل . طلب البطاقه و 75 جنيه رسوم تحويل دفعت ومضيت على العقد واعطانى شريحه اتصالات وقالى بعد 4 ايام الشريحه هتشتغل معاك . قولتلوا شكرا ومشيت


انهارده من ساعه تقريبا لقيت رقم فودافون مميز بيرن عليا الو الو

مع حضرتك اشرف بررم هى بررم دى انا ماسمعتهاش بس هو فى اشرف قالى يااستاذ محمد انت عامل طلب تحويل من فودافون الى اتصالات؟ قولتلوا تمام

قالى طيب ممكن اعرف السبب؟
قولتلوا علشان اتصالات حاسس ان نظام محاسبته ادق وافضل وبعد كل مكالمه بيبعتوا رساله توضح التكلفه وباقى الرصيد. قالى استاذ محمد خدمه الرساله بعد المكالمه هتشتغل كمان شهر احنا بنجمع مليون موافقه من عملاء فودافون وبعدها هنشغل الخدمه... قولتلوا هو احنا هنرشح البرادعى مليون ايه بس هههههههه

قالى بص يااستاذ محمد انت شاحن اخر كارت يوم 4 -12 وبعدين كارت يوم 8 -12 واتصلت بنمر 010 و012و 015

قولتلوا انا مش هفتكر انا اتصلت بمين

قالى انا هديلك عرض بما انك عميل مميز معانا انا هحولك 75 اللى انت دفعتهم لتحويل الخط + 50 ج رصيد يعنى 125 ج وهنديلك 50 ج رصيد شهريا لمده 6 شهور قادمه واى خطأ تحسه فى نظام المحاسبه اتصل بيه على موبايلى الشخصى وادانى رقم موبايله.

قولتلوا الحكايه مش حكايه رصيد تبعتهولى انا بتكلم فى نظام محاسبه يكون سليم قالى كلوا هيبقى تمام.

انا قولتلوا هفكر وارد عليك.. بصراحه من كتر اهتمامه كنت عاوز اقولوا انا عاوز عربيه بى ام زى اللى كنتوا بتفرقوها السنه اللى فاتت ههههههه

المهم انتوا ايه رايكوا فى الموضوع ده ؟؟؟؟:b4_033::b4_033::b4_033::b4_033:
واسف للاطاله وللشاى اللى برد