-
تركيب ريموت؟؟؟؟
انا عاوز اركب ياجماعة فى عربيتى الأفيو(هى اصلا فيها سنتر و مفتاح عادى)
1-ريموت(افتح واقفل من بعيد بريموت)
2-لما اجى انزل وافتح اى باب الwaitingيشتغل
3-لما امشى بالعربية السنتر يقفل لوحده
4-مش عاوز خاااالص الصوت اللى بيطلع والعربية تصوت لو حد لمسها
ياترى ده موجود فى جهاز ولا ايه اصل فى واحد قالى انت محتاج بس ريموت طالما السنتر موجود
مش عارف صح ولا غلط؟؟؟
بس عاوز مكان محترم ويراعى ربنا و ياترى فى حدود كام
وياريت ما يكونش السجان......
شكرا
-
اي جهاز إنذار بيعمل كل إللي حضرتك قلت عليه دا..لو مش عايز العربية تصوت قدامك حل من اتنين. اما إنك تخفض حساس الصدمة sensor chock لأقل درجة..أو ماتركبش سرينة من الأصل..وطبعا الحل الأول افضل..
ام افضل مكان تشتري منه إنذار فيعتمد حضرتك ساكن فين في الأساس علشان ماتضربش مشوار..
-
شكرا لردك يا باشا
انا فى شبرا
التوفيقية قريبة ليا
بس كده انا هاركب جهاز انذار كامل ولا ريموت بس
-
لا جهاز انذار كامل و لو هتركبه ف التوكيل ناس نضيفه و فاهمه هيكون ب 200 جنيه بره و ف التوفقيه هتلاقيه ارخص
التوكيل موجود ف اخر جسر السويس ورا سوق القنال الدل باسم شركه عبر البلاد للصناعه و التجاره و الانزار نوعه وولف
-
جهاز انذار كامل وعندك ليهة و سيد رجب فى التوفيقة وكمان فى واحد جنب ليهطة على يمينة الميزة عندهم انهم هما الى هيركبوا ليك الحاجة لكن لو عايز تجيب الجهاز نفسة بسعر ارخص روح المول الى فية السجان شوف الدنيا عاملة ايه هناك بس دول مش هيركبوا فشوف ليهطة والمحلات الى حولية الاول سعرهم كام بالتركيب
-
طيب لهيطه ده فين فى التوفيقية؟؟
وهو احسن ولا توكيل وووولف؟؟
من حيث التركيب والتقفيل
-
هشام لهيطة 10 ش زكي التوفيقية 25748688 25755359..وممكن كمان بالمرة تركب مكنة رفع لو زجاج السيارة عندك زجاج كهربا..مكنة الرفع تنفع لاتنين زجاج فقط وتمنها من 50 إل 75 جنيه..اصلنا لسه مركبين جهاز لواحد صاحبنا بس هو (صاحبنا) كان عايز المفتاح المطوي مش عارف ليه :-))))
نسيت اقول لك على حاجة..كل إللي بيركبو الإنذار مابيركبوش ريلاي قطع الكهربا عن البوبينة بحجة إنه بيبوظ..
هاتحتاج : جهاز إنذار - قربة سنتر لوك (25 جنيه) - ولو عايز تفتح الشنطة من الريموت هاتحتاج قربة تانية تركب على كالون الشنطة من الداخل - ولو عايز توضل الإنذار على الكبود هاتحتاج مفتاح switch وطبعا هايحسبوك على سعر سلك لو عملت الشنطة والكبود..وخللي بالك الصانيعية هناك ممتازين بس حافظين مش فاهمين..يعني لو طلبت منهم حاجة مايعرفوهاش هايفهوك إنها مستحيل تتعمل..بس هي بتتعمل
-
طيب يا باشا ايه رايك فى توكيل ووولف اللى فى جسر السويس؟
-
لو حضرتك تقصدني انا بالسؤال دا..أنا للأسف مجربتش التركيب هناك فامش هاقدر افيدك
-
مش عارف اروح التوكيل ولا لهيطه؟
Content Relevant URLs by
vBSEO 3.6.0 PL2