رجة جامدة والعربية واقفة

**M.Nasr** · 14-12-2010 12:14 AM

لما العربية تكون واقفة لسه ماتحركتش واديها غيار d او r وانا لسه دايس فرامل بتحصل رجة فى العربية الاول كانت حاجة بسيطة بس النهارده كانت رجرجة جامدة جدا لدرجة ان كل حاجة فى العربية بتتهز والدركسيون بيترعش فى ايدى واول مابتدى اتحرك الرجة دى تروح . وطول مانا ماشى مافيش رجة بس مع النقر والمطبات فى صوت رزع ولما اقف فى اشارة وجايب d بردو بترجع الرجة .مع العلم ان على الوضع n مش بتكون جامدة كده بس فيها رجة بسيطة بردو ولما ازود بنزين بتروح .
انا شاكك فى قواعد الموتور وبالذات قاعدة الفتيس ايه رأيكم ؟
وفى سؤال بالنسبة للفتيس له قاعدة تحت علبة فلتر الهواء على طول وقعدة تانية تحت الفتيس نفسه مش كده ؟ ولا هى قاعدة واحد بس اللى تحت الفلتر؟

**M.Nasr** · 14-12-2010 12:23 AM

دى صورة قاعدة الفتيس اللى غيرتها قبل كده من حوالى 8 شهور

**eng.m7md.ali** · 14-12-2010 01:14 AM

تقريبا كدة ياباشا قنطرة طولية
لان عندي نفس المشكلة بس بردو استنة اراء الخبراء

**أبو إياد** · 14-12-2010 07:43 AM

هو بالفعل عيب قواعد والعربيه ليها اربع قواعد القاعده اللى تحت الفلتر والقنطره ودول اللى انت مصورهم وفى واحده حديد فى الكارتيره اليمين ودى بتشوفها واضحه ومش بتحتاج تتغير وفى قاعده الجمل فى صدر العربيه الخلفى ودى انت مش مصورها وعلشان تشتغل صح لازم تغيير التلاته دول ولازم يكونوا اصلى

**أبو إياد** · 14-12-2010 09:28 AM

المشاركة الأصلية كتبت بواسطة m.nasr

بو اياد منور والله
طيب التلاتة دول اللى هما الاتنين الل فى الصورة وقاعدة الجمل؟ طيب دول اجيبهم اصلى منين وتقريبا بيعملو كام ؟ وعلى فكرة انا مغير اللى فى الصورة دول بنوع تايوانى تقريبا شكله كده طلع اى كلام

الله يخليك ده انت اللى منور الدنيا
مفيش غير المصريه او البلطى فى التوفيقيه والسعر تقريبا فى حدود 800ج مش متاكد
انما التايوانى ده بيزود الرجه فى العربيه لانه خامات سيئه جدا وعلى فكره الاصلى بيكون محقون بمواد علشان الجلد يكون طرى ومايعملش اى هزه فى الموتور

**M.Nasr** · 14-12-2010 05:23 PM

المشاركة الأصلية كتبت بواسطة ralliart

انا عندي نفس الرجه وكانت باينه جداً من يومين
ورحت التوكيل 3 مرات وقالولي ان القواعد سليمه والعربيه زي الفل وان انا عندي تهيئات

طيب هى موجودة عندك على طول ولا فى اوقات معينة ؟ يعنى عندى مثلا بتظهر اوى ساعة الصبح والعربية لسه باردة

**Ralliart** · 14-12-2010 07:41 PM

اوقات معينه
الصبح بدري لما بجيب الفتيس على d او r واسيب الفرامل العربيه بتستنى كام ثانيه وترج على خفيف وبعد كده بتتحرك
واوقات كتير ببقى ماشي وحاسس الرجه في الدركسيون والدواسة
وساعات مبحسش بحاجه خالص خصوصاً لما اروح التوكيل العربيه بتسخن في الطريق وكل الاعراض بتروح وبيبقى شكلي وحش