عايز عفشجى كويس يجيب من الاخر

العفشة عندى حالتها كل يوم بتسوء ومش عارف مالها والعيب منين ارجو مساعدتكم عايز واحد بتاع عفشة أمين وبيفهم كويس انا ساكن فى مدينة نصر ياريت لو يكون قريب

المشاكل اللى عندى :

- صوت تزييق من الناحية اليمين قدام تقريبا جاى من المساعدين
- طقطقة مع لفة الدريكسيون
- طقة مع الفرامل اول ماتحرك الصبح يعنى مع اول دوسة فرامل والعربية باردة
- حدفة شمال جامدة مع دوسة البنزين
- عامة العربية مش ثابتة على الارض وبترقص على النقر والمطبات مع انى مربط عفشة قريب

واسف على الاطالة

اضم صوتى لصوتك

اقتباس:

---

المشاركة الأصلية كتبت بواسطة doc_semsem

اضم صوتى لصوتك

---

يا باشا اهلا بيك :10D5C8w1107:
ادعى بقا ان نلاقى حد يسمعنا احنا الاتنين :B4_592:

بناءا على موضوع القواعد والموضوع ده يبقا كل اللى العربيه محتاجه هى
قاعده القنطره الاماميه (توكيل)
قاعده الجمل الخلفيه
قاعده الفتيس
دراعات اسكترا بالبارات ودى فى منها ب 130ج و فى نوع ب 200ج بس مش فى التوكيل

وباذن الله اول لما تخلص الحاجات دى بمجرد انك تظبط زوايا هتلاقى العربيه رجعت زيرو تانى

معلش بقا يا ابو اياد هتعبك معايا بس عايزك تقولى الحاجات دى اجيبها منين والانواع دى اسمها ايه عشان الحاجات دى كلها مغيرها فى شهر 4 اللى فات ومغير معاهم جلب المقصات فدلوقتى هل ده طبيعى ان الحاجات دى تقعد 8 شهور بس؟ ولا كان المفروض بتقعد اكتر؟

مفيش تعب ولا حاجه
بالنسبه للمقص ماينفعش يتركبله جلب المفترض انه يتغير كله حتى لو مش اصلى انما الكبس ده مش مضمون

بالنسبه للمكان انا ارشحلك المصريه او البلطى للقواعد
اما لو هاتجيب مقصات او البارات عندك المنير ارخص واحد فى قطع الغيار الغير اصليه المقص عنده = 110ج ودراعات الاسكترا بالبارات =130ج نوع اسمه 555 بس لازم تشتريهم بالبارت هما سعرهم 90 والبارات 40 يبقا 130 زى ماقولتلك

واى قطعه فى العفشه مالهاش عمر محدد انما بتكون حسب طبيعه الظروف اللى بيستخدم فيها السياره

وماتسمعش كلام اى حد يقولك ان العربيه محتاجه علبه دريكسيون او مساعدين لانهم فعلا عمرهم طويل

نسيت اقولك بالنسبه للطقه اللى فى لفه الدريكسيون عاوزك تخلى الميكانيكى يشوف كاوتش المزيكا عندك لو متقفل بحزام (كوليه)خليه يشيله

اقتباس:

---

المشاركة الأصلية كتبت بواسطة أبو إياد

نسيت اقولك بالنسبه للطقه اللى فى لفه الدريكسيون عاوزك تخلى الميكانيكى يشوف كاوتش المزيكا عندك لو متقفل بحزام (كوليه)خليه يشيله

---

ايه ده هو الصح ان الكوليه ده يتشال؟؟ انا ركبت الكوليه ده وقرط عليه جامد لما لاقيتو مفكوك

اقتباس:

---

المشاركة الأصلية كتبت بواسطة أبو إياد

مفيش تعب ولا حاجه
بالنسبه للمقص ماينفعش يتركبله جلب المفترض انه يتغير كله حتى لو مش اصلى انما الكبس ده مش مضمون

بالنسبه للمكان انا ارشحلك المصريه او البلطى للقواعد
اما لو هاتجيب مقصات او البارات عندك المنير ارخص واحد فى قطع الغيار الغير اصليه المقص عنده = 110ج ودراعات الاسكترا بالبارات =130ج نوع اسمه 555 بس لازم تشتريهم بالبارت هما سعرهم 90 والبارات 40 يبقا 130 زى ماقولتلك

واى قطعه فى العفشه مالهاش عمر محدد انما بتكون حسب طبيعه الظروف اللى بيستخدم فيها السياره

وماتسمعش كلام اى حد يقولك ان العربيه محتاجه علبه دريكسيون او مساعدين لانهم فعلا عمرهم طويل

---

المقص كامل ب 110؟؟؟؟؟ عارف انا اتنصب عليا فى اد ايه؟ جلب المقصات لوحدها ب220 الاتنين + 40 كبس يعنى الجلب لوحدها ب260 !!!! انا مصدوم :khd::khd:

ودراعات الاسكترا والبارات جبتهم فعلا بالسعر ده نوعها 555 بيقول انها يابانى

بالنسبة للتزييق اللى جاى من العجلة اليمين ده صوته عالى ممكن يكون سببه ايه؟

اقتباس:

---

المشاركة الأصلية كتبت بواسطة m.nasr

المقص كامل ب 110؟؟؟؟؟ عارف انا اتنصب عليا فى اد ايه؟ جلب المقصات لوحدها ب220 الاتنين + 40 كبس يعنى الجلب لوحدها ب260 !!!! انا مصدوم :khd::khd:

ودراعات الاسكترا والبارات جبتهم فعلا بالسعر ده نوعها 555 بيقول انها يابانى

بالنسبة للتزييق اللى جاى من العجلة اليمين ده صوته عالى ممكن يكون سببه ايه؟

---

طالما فى مشاكل معروف حلها يبقا نحلها الاول علشان نقدر نوصل للعيب اللى مش ظاهر زى التزييق ده

طيب انا لسه بردو ماعرفتش عفشجى كويس اعمل العربية عنده.

الميكانيكى اللى انت بتتعامل معاه يقدر يعملك كل الشغل ده

مانا بسأل عشان مش عايز اتعامل مع الميكانيكى ده لأنه طلع اى كلام .

شوف بقى
أنا روحت عند عفشجى كويس ظبطلى حاجات فى العفشة (كان فيها دبة)
اسمه حمادة إمام فى شارع البحر الأعظم فى الجيزة لو أنت جاى من الجيزة تمشى لحد ماتلاقى بنزينة مصر على ناصية تدخل فى الشارع اللى جنبها فى أول شمال هتلاقيه و بيظبط زوايا كمان

اقتباس:

---

المشاركة الأصلية كتبت بواسطة tamersab

شوف بقى
أنا روحت عند عفشجى كويس ظبطلى حاجات فى العفشة (كان فيها دبة)
اسمه حمادة إمام فى شارع البحر الأعظم فى الجيزة لو أنت جاى من الجيزة تمشى لحد ماتلاقى بنزينة مصر على ناصية تدخل فى الشارع اللى جنبها فى أول شمال هتلاقيه و بيظبط زوايا كمان

---

اشكرك على الرد بس ياريت لو سمحت تفصيل فى العنوان انا هاكون جاى من مدينة نصر وواخد الدائرى مثلا اعمل ايه بقا؟

يا باشا في عفشجي ممتاز في الحرفين جنب العقيد خالد بالظبط امين وكويس جدا
انا كان عندي صوت دبة جامدة روحت لواحد قالي لازم افك العفشة كلها علي الرغم اني انا كنت لسة عاملها روحت للراجل ده غير حتة حديدة ماسكة في المقص وشكرا وما خدتش اكتر من نص ساعة

انا كان عندي مشاكل في العفشة ورحت عملت الشغل بتاعها في الحرفيين
عند واحد اسمه محمد عبد الغني
و مكانه في الحرفيين تحت نقطة الشرطة

اقتباس:

---

المشاركة الأصلية كتبت بواسطة أبو إياد

مفيش تعب ولا حاجه
بالنسبه للمقص ماينفعش يتركبله جلب المفترض انه يتغير كله حتى لو مش اصلى انما الكبس ده مش مضمون

بالنسبه للمكان انا ارشحلك المصريه او البلطى للقواعد
اما لو هاتجيب مقصات او البارات عندك المنير ارخص واحد فى قطع الغيار الغير اصليه المقص عنده = 110ج ودراعات الاسكترا بالبارات =130ج نوع اسمه 555 بس لازم تشتريهم بالبارت هما سعرهم 90 والبارات 40 يبقا 130 زى ماقولتلك

واى قطعه فى العفشه مالهاش عمر محدد انما بتكون حسب طبيعه الظروف اللى بيستخدم فيها السياره

وماتسمعش كلام اى حد يقولك ان العربيه محتاجه علبه دريكسيون او مساعدين لانهم فعلا عمرهم طويل

---

انا لسه جايب جوز مقصات وجلب و كبستهم
ممكن تقولي ايه العيب اني اكبس جلب تانية بدال القديمة

و ايه عيب المقص الكوري اللي ب120 جنيه