العصابــة المفتــرية ..... العصابــة الهونداويــة
السلام عليكم ورحمة الله وبركاته ،،،
بما أنكم مكسلين وكمشانين ومشتيين ومأنتخين ومش عاوزين تقوموا من البيات الشتوى اللى انتم بداتوه ده بدرى ، مع حبة الجو الساقع فى اليومين اللى فاتوا .
واللى لو استمر الحال كدة مش هنتقابل تانى انشاء الله الا لما الشتاء يخلص .
قولت على رأى الأخ معتوق لازم الواحد يفوقكم كدة وينعنشكم بحبة برد من اللى هما .
طيب الواحد هياخد البرد ده فين انشاء الله ...؟
أأكيد هياخده لما هنتقابل تانى انشاء الله بردوا زى المرة اللى فاتت .
طب أمتى وفين ... انا معرفشى ... انا سايبلكم بقى الموضوع ده مفتوح للمشاركة من دلوقتى ولحد مترسوا على مكان وميعاد .
أأأأهــــو ببلغ علنى علشان محدش يقول كلام عينة ... احنا منعرفشى ... محدش قلنا ... طب مش كونتوا تقولوا الاول .
ادينى بلغت اهوت ... اللهم بلغت ... اللهم فأشهد .
عاوز كدة مع لما اصحى من النوم الاقى ... الاقى ايه يا ولاد ... أأأيه ... أأأيه ...؟
الاقى الدنيا هنـــا بقت زحمة كدة زى ساعة خروج الموظفين مع المدارس اللى كل يوم موترينا فى السواقة .
بس عاوز الزحمة دى تكون من ... ( العصابة المفترية ... العصابة الهونداوية )
وتفضلوا بقبول فائق الأحترام ،،،