تجربة زيادة عزل الصوت فى تويوتا ياريس
بمنتهى البساطه بحب اجرب وكانت تجربتى المرادى هيا زياده عزل الصوت من بره لجوا
النتيجه افضل من الاول بكتير بالنسبه لعزل الصوت لكن المحرك زى ماهوا نفس الصوت
الادوات
1 - 4 علب فوم حرارى اسبراى ب 35 جنيه
2- 2 متر فوم زجاجى او اسفنجى ب 20 جنيه
الخطوات
1- افتح اى علب موجوده على العتب واى اغطيه داخل العربيه
2- شيل الكنبه الى ورا
3- شيل اى اغطيه بلاستيكيه على العتب ومقدمه العتب تحت الطابلوه كدا شمال ويمين رجلك
التنفيذ
1- رج الاسبراى كويس وبعدين رشه داخل الاخرام بتاعت العتب كتييييييير وبسرعه ( خلى بالك العلبه بتستخدم مره واحده ) فرشها كلها بسرعه
2- سيبها شويه هتلاقى العتب اتملى فووووووووووووم وبدا يطلع من الاخرام فوم كتير ولمده ساعه هتلاقى الفوم حجر وبقى جامد
3 - كسر الفوم الزياده الى طالع من الاخرام ويبقى كدا انتا خلصت العتب
4 هات بقى عازل حرارى زجاجى او الفوم الزجاجى وقطعه ( البس جوانتى علشان ماتحسش بانك عليك ازاز كتير )
5- ارمى كميات كبيره من العازل الزجاجى تحت كرسى الكنبه الى ورا ( عايزك تملاها على الاخر ولو ماكفتش روح هات كمان دا رخييييييص )
6- ركب الكنبه ويبقى كدا انتا خلصت الكنبه
7- اى اخرام تلاقيها تحت الحزام الامان او فى مقدمه العتب الى تحت الطابلوه املاها على الاخر فوم زجاجى واحشرها جيدا
8- ركب العتب والجوانب ويبقى كدا انتا خلصت 80% من العمليه
9 - والاهم بقى هوا انك بتتضايق من الحراره الى بتيجى من الماتور تحت رجلك وانتا مشغل التكيف او سايق لمسافات طويله ونيجى لعلاجها بقى
10- هات اى دواسه نظيفه وحطها على دواسه البنزين ورجع الكورسى لورا ونام تحت الدريكسيون راسك لفوق
11- هات الفوم الزجاجى واقعد احشره على ماسورتين بتوع التاكيف السخن عايزك تملى الفراغات كويس اوى هيا مكانها صعب بس هتحس بالحراره عايزك تملاها على الاخر هتلاقى الحراره كلها راحت وبالمره وانتا تحت احشر فوم فى الكنسوله الى فى النص من ادام لان الشكمان بيعدى من هنا مش هتحسسك بالحراره خالص نهائى
12- فك الكاسيت واحشر وراه فوم زجاجى بردو بس خلى بالك من فتحه التاكيف هتلاقى فلتر التكيف باين ماتجيبش عليه حاجه علشان ماتسدهوش
.
.
.
.
تعبتكم معايا شويه رست وكمل الخطوه الاخيره لزياده كفائه التكيف
روح لنفس الراجل بتاع التبريد والتكيف وقوله عايز عازل حراراى مواسير الى بيتلزق ب 15 جنيه
وبعدين روح لبتاع الحدايد والبهيات وهات كيس افزان زى بتاع الطاسات بس المقاس الصغير ب 10 جنيه
روح البيت كدا وخدلك رست وخلى العربيه تبرد
.
.
.
خلاص اخدت رست والعربيه بردت والجو هدى تماااااام انزل بقى افتح الكبوت
شغل التكيف حبه صغننين واطفى هتلاقى فى خط تكيف بتاع الساقع الى طالع من الكمبروسور رايح للكابينه حسس عليه بايدك هتلاقيه ساقع وعليه شويه ندى دا بيبقى ادام السيور كدا على ايدك الشمال زى الى موجود فى الصوره
http://www12.0zz0.com/2010/08/26/10/130923736.jpg
http://www12.0zz0.com/2010/08/26/10/753625770.jpg
بعد ما توصلها هات بقى مقص واقعد قص فى الشريط بتاع العازل الى انتا جايبه 10 سم حتت يعنى
تعالى بقى هات حته من الى انتا قصيتها ولفها حوالين الانبوبه لو جابتها كلها يبقى تمام بالنسبه للقطر يعنى لو اصغر حبه قص حته اكبر منها لحد ما تظبط منك
لو لقيتها اكبر مش مشكله عادى جدا
قطع بقى الشريط كله حتت على اد الطول الى انتا عايزه وقعد لفها حاولين الانبوبه كلها من الاول للاخر
هتلاقى اللزق بتاع الشريط مش حلو اوى ساعتها ييجى بقى دور الافزان اعمل افزان على الانبوبه كلها من الاول للاخر مابينهم مسافه 3 سم بالكتير ( عايزك تكتفها خالص علشان مافيش واحده تقع او تفك )
بعد ما تخلص استريح شويه
النتيجه بقى
المحسوسه 1- زياده الهدوء بنسبه 30 % فى الارض المكسره و 40 % فى الطرق السالكه يعنى ماتحسش بالطريق زى الاول
2 هتحس ان الحاجه الوحيده الى مضايقاك صوت الماتور لانه بان اوى بسبب عزل الكابينه وزياده هدوء الطريق
3- هتحس ان العربيه مسكت نفسها والخبط والرزع بتاع الطابلوه والفبرات راح
4- انسى الحراره الى كانت بتيجى على رجلك والصهد
5- التاكيف مهما وقفت العربيه تحت الشمس دقيقه وتلاقيه سقع تلج وهتضطر تجيبه على سرعه 1 كتير لانك هتتعب منه
النيجه الغير محسوسه
1- اوفرلك انك تشغل التكيف عمال على بطال لانه خلاص معدش هياكل بنزين ودا بسبب ان الكمبروسور بتاع التكيف بيفصل كتير وبيقعد فترات طويله مش شغال وتلاقيه بيطلعلك هوا ساقع على طول وصدقنى عمرك ما هتزود عن سرعه 1 فى التاكيف
الموضوع مش منقول دا انا الى عامله ومجربه فى عربيتى ياريس 2009 ودى مش صورها انا يوميها كنت تعبت من الشغل وعايز اخلص قبل الفطار ومش عرفت اصور حاجه
اى استفسارات انا موجود
