عايز معلومات مبسطة ومتعمقة عن الزيت

**Khellooo** · 14-12-2010 01:13 AM

السلام عليكم ورحمة الله وبركاته
ياريت تفيدونى فى أى معلومات عن الزيت
لأن أنا إحترت وتوهت
المفروض إن الزيت لما يسود يبقى مدته انتهت واغيره ولا لما عدد الكيلوات بتاعته تعدى أغيره
أنا فى موضوع تانى كنت ذكرت انى كان الزيت بينقص عندى وبزوده (من بتاع الزيوت )والحمد لله بقاله فترة مابينقصش ولونه كويس ( مش اسود غامق يعنى ) بس أنا حسيت انه طول قمت غيرته النهاردة وحطيت التعاون 1000 كم

فهل دلوقتى لما تعدى ال 1000 كم دى أغيره ولا استنى لما يسود؟
وبتاع الزيت قاللى إن أنضف حاجة ممكن أحطها هى موبيل بس حاجة غير موبيل وان مش فاهم ليا ؟

الملخص إنى عايز أعرف إيه لازمة الزيت دا فى الحياة بطريقة مبسطة وسهلة وايه لازمة تغييره فى ميعاده وهل لو عدى معاده وماإسودش هايفرق؟ يعنى هل السواد شرط أساسى ولا الميعاد ؟

والعربية شاهين 1400 موديل 99

وايه أفضل زيت ليها ... وشكرا

**BLOODY_STONE** · 14-12-2010 01:23 AM

في زيوت عادي و زيوت تخليقي اوك ... العادي كل 1000 او 3000 و التخليقي كل 10000 او 15000 حسب الماركة ... .
لون الزيت مش دليل على انه باظ ( ده بالنسبة للتخليقي و ممكن للعادي) يعني ممكن تحط موبيل 1 و تلاقيه بعد 3000 كم مثلا او 5000 لونه اسود .. يبقى خلاص بالسلامة ؟؟؟ لا طبعا .. بالعكس .. انت لو الزيت طول معاك و لونه متغيرش اعرف انه مش عامل وظيفته كويس و مش بينضف الموتور ..
(((((((((عموما احكم على عمر الزيت بعدد الكيلوات مش اللون خليها قاعدة في بالك عالطول ...))))))
وظيفة الزيت بأختصار : تشحيم للموتور عشان ميحكش في بعضه من جوه ( انت عندك جو الموتور انفجارات مين حيحمي من الحرارة و الاحتكاك) + تنضيف مكان رواسب الاحتراق جوه لموتور
بس

**rotanamasoud** · 14-12-2010 09:38 PM

ممكن تحكم بعدد متوسط الكيلومترات للنوع اللى حتستخدمه (كاساس)
وعن طريق درجه لزوجه الزيت يعنى تمسك الزيت بين صوبعينك وتحس بلزجته لو بقى عامل زى الميه يبقى لزوجته راحت ويتغير حتى لو مقطعش عدد الكيلومترات المتفق عليه وده لاسباب زى المشى فى الصيف يهلك زيت اكتر من الشتاء والمشى فى الاشارات يفرق عن المشى فى الطرق السريعه
مثال لو انت مشيك كله سفر وطرق سريعه ممكن الزيت ال5000 كيلو يتغير بعد 8000 كيلو(عن طريق اللزوجه مظبوطه والمكنه)
وممكن نفس الزيت مع السواقه فى الحر وداخل المدينه واشارات مرور يعمل معاك3000 كيلو(عن طريق اللزوجه مظبوطه والمكنه)
وعموما لو مبستخدمش العربيه كتير مبتمشيش كيلوات كتير يجب تغيير الزيت كل سنتين(صلاحيته)يعنى لو عملت 1000 كيلو بزيت يعد5000 فى مده سنتين لازم يتغير لان صلاحيته انتهت

**alaa99991111** · 14-12-2010 09:50 PM

المشاركة الأصلية كتبت بواسطة bloody_stone

في زيوت عادي و زيوت تخليقي اوك ... العادي كل 1000 او 3000 و التخليقي كل 10000 او 15000 حسب الماركة ... .
لون الزيت مش دليل على انه باظ ( ده بالنسبة للتخليقي و ممكن للعادي) يعني ممكن تحط موبيل 1 و تلاقيه بعد 3000 كم مثلا او 5000 لونه اسود .. يبقى خلاص بالسلامة ؟؟؟ لا طبعا .. بالعكس .. انت لو الزيت طول معاك و لونه متغيرش اعرف انه مش عامل وظيفته كويس و مش بينضف الموتور ..
(((((((((عموما احكم على عمر الزيت بعدد الكيلوات مش اللون خليها قاعدة في بالك عالطول ...))))))
وظيفة الزيت بأختصار : تشحيم للموتور عشان ميحكش في بعضه من جوه ( انت عندك جو الموتور انفجارات مين حيحمي من الحرارة و الاحتكاك) + تنضيف مكان رواسب الاحتراق جوه لموتور
بس:10d5c8w1107:

+1111111111111111111

**Khellooo** · 15-12-2010 11:36 AM

في زيوت عادي و زيوت تخليقي اوك ... العادي كل 1000 او 3000 و التخليقي كل 10000 او 15000 حسب الماركة ... .
لون الزيت مش دليل على انه باظ ( ده بالنسبة للتخليقي و ممكن للعادي) يعني ممكن تحط موبيل 1 و تلاقيه بعد 3000 كم مثلا او 5000 لونه اسود .. يبقى خلاص بالسلامة ؟؟؟ لا طبعا .. بالعكس .. انت لو الزيت طول معاك و لونه متغيرش اعرف انه مش عامل وظيفته كويس و مش بينضف الموتور ..
(((((((((عموما احكم على عمر الزيت بعدد الكيلوات مش اللون خليها قاعدة في بالك عالطول ...))))))
وظيفة الزيت بأختصار : تشحيم للموتور عشان ميحكش في بعضه من جوه ( انت عندك جو الموتور انفجارات مين حيحمي من الحرارة و الاحتكاك) + تنضيف مكان رواسب الاحتراق جوه لموتور
بس

جزاك الله خيرًا

سؤالين كمان :

هل الزيت بيفرق لما تيجى تشتريه حسب نوع العربية وموديلها ولا لأ ؟ يعنى مثلا لو عربية قديمة غير لو عربية جديدة وكذلك عدد السى سى ؟ وايه الوضع بالنسبة لعربيتى أحطلها إيه أحسن حاجة ؟

إيه أسعار الزيت ال 10000 وايه الماركات الكويسة ؟ وهل كلوا زى بعضوا ولا بتفرق ؟

**Ahmed Hassan** · 15-12-2010 01:24 PM

المشاركة الأصلية كتبت بواسطة Khellooo

جزاك الله خيرًا

سؤالين كمان :

هل الزيت بيفرق لما تيجى تشتريه حسب نوع العربية وموديلها ولا لأ ؟ يعنى مثلا لو عربية قديمة غير لو عربية جديدة وكذلك عدد السى سى ؟ وايه الوضع بالنسبة لعربيتى أحطلها إيه أحسن حاجة ؟

إيه أسعار الزيت ال 10000 وايه الماركات الكويسة ؟ وهل كلوا زى بعضوا ولا بتفرق ؟

العربيات القديمه في الغالب بيتحطلها زيوت غير تخليقيه علشان الخلوص بين اجزاء الموتور بيكون كبير و الزيت التخليقي خفيف فبينقص. بس عموما لو حطيت زيت تخليقي في موتور قديم مفيش ضرر غير على جيبك

و كمان هيحتاج متابعه مستمره علشان لو نقص تزوده.

**Khellooo** · 16-12-2010 08:49 PM

يعنى لو عربية شاهين 1400 موديل 99 أحطلها إيه ؟

**alzelafy** · 19-12-2010 04:28 AM

حطلها اسو 3000 او فيسكو او الوطنيه وزى ما قالك اهم حاجه اللزوجه شيل المقاس بتاع الزيت و شوف بايدك اللزوجه طبعا و العربيه باردة لو لزج يبقى انسى الزيت سيبو كمان 1000 لو زى المياة يبقى اول واحد بتاع زيت غير عندو مش هتصدقنى لو قلتلك انا جايب الوطنيه 3000 و الوقتى داخل على 11000 كيلو و الزيت لزج معايا و هسيبو شويه كمان