اه نفس الموضوع وكبرت دماغى ... وبلاش استاذ دى احنا اخوة
عرض للطباعة
بصراحه موضوع رائع ومفيد جدااااااااااااااااا
[QUOTE=m3_dolphen;3873187977]اه نفس الموضوع وكبرت دماغى ... وبلاش استاذ دى احنا اخوة[/QUOT
الله يخليك يا محمد ده انا ليه الشرف
يعنى اكبر دماغى ولا ايه
وعندى سوال هو المكانيكى قال انا الموضوع ده دليل على كفاءه المولد يعنى كده شغال كويس و فى مشكله ؟
هو موضوع الصيانة نام ليه ممكن بعد انتصارتنا نفوق شوية لمواضعينا يلا نشارك
موضوع جميل جدا شكرا لكل من ساهم
شكرا Ducati عاى الموضوع الجميل
وشكرا ايضا لتامر وخالد على الاضافات المفيده
وان شاء الله يكون الموضوع مرجع مفيد لنا جميعا
جزاكم الله خيرا
العفو يا هيرو وان شاء الله الموضوع حيستمر والموضوع يعتبر مغطي شوية حجالت كويسه في الموتوسيكل
ولو حد عنده استفسار ان شاء الله نجاوبه جميعا
نكمل الموضوع
بالنسبة لحرارة الموتوسيكل
اتبع الاتي تخلص من اي حرار او تقطيع
اولا لو حاسس ان البايك بتاعك مخنوق
حتروح عند اي حد تخصص ريبداتير حتى لو بتاع عربيات بيعرف بردوا خليه ينضف دورة المياه كلها ؟ ازاي
حيفضي الميه كلها من الريداتير نفسه والقربة ويجيب خرطوم ميه ويحطه في الريداتير او القربة لمدة وفي طبه على فكرة في الريداتير تقريبا تتفتح عشان تنزل الميه ححوطلها فيديو وبكده ينزل اي رواسب او املاح موجوده وبعد ما يخلص حيحط الميه الخضرا بالنسبه للمروحه مهمة في ناس بتريح راسها وبتخليها شغاله على طول وعادي نادرا لما بتتحرق اصلا ولو اتحرقت عن اي كهربائي يلف الكويل وترجع تاني
حاول على قد ما تقدر تغير البوجيهات كل 2000 او 3000 كيلو خصوصا لو بتركنها كتير عشان بترطب
شيك على اسلاك لموتوسيكل والضفيرة خصوصا الي طالع من الموبينة والدينامو والفيش الموجودة وكابل البطارية وسلك البوجيهات واصل عدل ولا لا لان مع الوقت الحجات ديه بدوب مع حرارة الموتوسيكل وعمرها الافتراضي بيخلص
بين كل فترة والتانية شيك على الريكتيفير والدينامو روح لاي حد تخصص بطاريات خليه يقيس الشحن والريكتيفير سعره مش غالي
حاول على قد ما تقدر تنزل الزيت بدري حتى لو لونه اخضر بس بتكون التركيبة مع الحرارة والكثافة بتعتها مش زي ما حطيته وممكن تعمل زي اغلب الناس حط الزيت ال 4 كيلو ب 40 جنيهاو على حسب البايك بياخد قد ايه ونزل الزيت بعد 900 او 1200 كيلو بالكتير جدا يعني مش لازم تحط نفس العربية زيت 5000 و 10000 كيلو في فرق بين انجن البايك والعربية
الكربيراتير او الانجكشن لما بيتسد او الرشاشات فيها حاجه بتخلي البايك يسخن بردوا وممكن تتغلب عليها يااما تنضفه عند اي ميكانيكي او تحط السائل الي بيتحط مع البنزين وينضف نفسه ويخرج الرواسب مع العادم وطبعا الكربيراتير خصوصا بيبان انه مسدود لما تمشي على سرعه بطيئه وتحس ان البايك بيقطع او مخنوق
وممكن تحط على المور وتدوس ريس جامد وشوف بيطلع كاربون اسود من الاكسوست ولا لا