السلام عليكم ورحمه الله و بركاته
هل من المستحسن تليين العربية الجديدة و هية واقفة ولا وهية ماشية؟
علما بان و هية واقفة الماتور شبة دائر على عدد لفات ثابت طول الوقت اما و هية ماشية فعدد لفات الماتور متغير
السلام عليكم ورحمه الله و بركاته
هل من المستحسن تليين العربية الجديدة و هية واقفة ولا وهية ماشية؟
علما بان و هية واقفة الماتور شبة دائر على عدد لفات ثابت طول الوقت اما و هية ماشية فعدد لفات الماتور متغير
هو اصلا ياباشا..السلانسيه على الواقف الكتير غلط
عشان الزيت مابيوصلش للاجزاء كلها
عشان كده بنقول التسخين لفتره كبيره الصبح غلط
.......
التليين على الواقف دا لما تكون بتعمل عمره فقط....
والله اعلم
الموتور بيبقى نازل متليين اصلاً على الواقف
يعني انت المفروض انك تلتزم بس باول الف
كيلو متر في التليين وبعد كدة تقدر تزود تدريجياً
في السرعة وعدد لفات الموتور
لا يا باشا لازم تلينها و انت ماشى اول 1000 كم او حسب ما مكتوب فى الكتالوج بتاع العربية
"الموتور بيبقى نازل متليين اصلاً على الواقف
يعني انت المفروض انك تلتزم بس باول الف
كيلو متر في التليين وبعد كدة تقدر تزود تدريجياً
في السرعة وعدد لفات الموتور"
معلش يا باشا هعلق على النقطة دى بس.
الناس بتعتقد انو محركات العربيات الحديثة بتتلين فى المصنع و بعدين تنزل تتباع و ده غلط.
الفكرة فى التليين هو ان المحرك لما بيكون جديد, بيبقى لسه فيه بروزات فى أجزاؤه المتحركة نتيجة عدم دقة عملية التصنيع, و عشان كده بنحاول منحركش المحرك بسرعة كبيرة حتى يتم تسوية تلك الأجزاء مع باقى المحرك, و الا يحصل (تنقير) فى هذه الأجزاء, مما يقلل من عمر المحرك.
فى العربيات الحديثة دقة التصنيع بقت أعلى لذا قلت تلك البروزات, و مبقتش محتاج التليين زى الأول, لكن برضه من الأفضل تليين المحرك لفترة 1000 كيلو على الأقل ثم تغيير الزيت ثم القيادة بحرص ل2000 كيلو (لكن بدون تشدد) ثم القيادة بطريقة عادية بعد ذلك.