يا جماعة حد عنده معلومات كافية عن حي الواحة بمدينة نصر وايه اخبار الاسعار هنا وكمان المساحات؟ وهل في سقق اخرى في الحي ده غير التابعة لشركة مدينة نصر للاسكان والتعمير؟ انا سامع ان المتر معدي الـ 2000 جنية هل الاسعار في الحي العاشر زادت بالشكل ده؟
عرض للطباعة
يا جماعة حد عنده معلومات كافية عن حي الواحة بمدينة نصر وايه اخبار الاسعار هنا وكمان المساحات؟ وهل في سقق اخرى في الحي ده غير التابعة لشركة مدينة نصر للاسكان والتعمير؟ انا سامع ان المتر معدي الـ 2000 جنية هل الاسعار في الحي العاشر زادت بالشكل ده؟
والله انا والدى لسة حاجز شقة هناك ودفع تقريبا نص التمن لشقة 150 متر والباقى على اقساط على سنتين من غير فوايد.الشقة بتستلمها متشطبة والمنطقة حاليا بيركبلها الغاز الطبيعى والشوارع بتتسفلت والعمارات حلوة بصراحة(3 اسانسير-2مدخل-شوارع واسعة) وبيبنوا مدرسة ومجمع طبى.
انا نازل كمان ساعة رايح هناك.اشوف بتوع الغاز وصلوا لفين واشوف التشطيب وصل لحد فين وهسالك والدى على كل التفاصيل وارجعلك.
بس اللى انا فاكره انك لو قسطت على سنتين بتبقى من غير فوايد والمقدم كان حوالى 15000 ولما اتعاقد دفع حوالى 130000 والباقى على سنتين.هتاكد واقولك.
وانا شفت شقتين تقريبا ساكنين للبيع بس معرفش بكام والمتر وصل لحوالى 2900 فى منطقة الواحة.
الف شكر على ردك بس في عندي استفسار
مساحات الشقق قد ايه وتفاوت الاسعار بناء على ايه واجمالي الشقة اللي والدك اشتراها كام عشان بس اعرف 130 ألف + 15 ألف دول يمثلوا كام من الاجمالي والاقساط هتبقى كام وهل في امكانية دفعة اخيرة
للاسف انا برة مصر عشان كده مش قادر اتكلم على الشركة واستفسر بنفسي
لا شكر على واجب.
هتاكدلك برده من كل التفاصيل وارجعلك تانى.ولو عاوزنى اسالك الشركة عن اى حاجة قوللى بالضبط لان ساعات بتوع الSales بيبقوا قاعدين هناك.
وتقصد ايه بدفعة اخيرة؟
دا رقم أخويا هو شغال فى الشركه هناك كلمه واسأله
0100013739 أحمد مصطفى
الف شكر ليك وانا اقصد دفعة مع نهاية الاقساط او على الاستلام لو الاستلام بيكون مع نهاية الاقساط!!
انا في صديق ليا عندو شقة هناك و عارضها للبيع على 230000 لو حابب كلمني و اظبطلك ميعاد علشان تشوفها
هو بيبيعها علشان مزنوق في فلوسها بمعنى الكلمة و السعر ده اققل من سعرها هناك جامد
0108462290
محمود جبريل
استاذ محمد جبريل الف شكر لردك اولا
ثانيا للاسف انا مش موجود في مصر حاليا زي ما قلت فوق ممكن معلومات اكتر عن الشقة يعني كام متر ايه ظروف التشطيب فتحاتها ايه ظروفها تبع مشروع مدينة نصر للاسكان والتعمير ولا لا وهل هي جاهزة للاستلام
اسف طولت عليك في الاسئلة
يا باشا مفيش اي تعب خالص
شقة في حي الواحة مدينة نصر 110 متر نصف تشطيب
وصف الشقة:
2 غرفة نوم
ريسيبشن قطعتين
حمام
مطبخ
حلقان التكييف متركبة
باب و الالوميتال متركبين
الدور الرابع
الغاز و الكهرباء واصلين لحد باب الشقة و التوزيع بالداخل لصاحب الشقة
العمارة 10 ادوار و يوجد 2 اسانسير زوجي و فردي
على فكرة السعر المعروض ده ممتاز بالنسبة للاسعار هناك.
لما سالت النهاردة واحد من ال Sales قاللى ان اللى موجود مساحتين حاليا وتسليم شهر 4 - 2012
مساحة 135 م نص تشطيب السعر من 351000-407000 للكاش.لو هتقسط يبقى اختيارين:
تقسيط على 15 سنة والقسط بيبداء من 2700-3140.هتدفع 40% والباقى تقسيط وتبداء دفع الاقساط بعد التسليم.
تقسيط على سنتين والقسط بيتحسب على اساس انك بتزود 5% على سعر الشقة اللى فوق وبتدفع 40% برده وتقسط الباقى على سنتين والاقساط تتدفع بعد الاستلام.
مساحة 175م ومحدش نصحنى بيها لانها كبيرة اوى وفى الادوار الاخيرة.
اتمنى اكون افدتك وارجع اقولك السعر بتاع الشقة المعروضة حلو بالنسبة للاسعار هناك.
ربنا يوفقك بمشيئته