أنا هاجيبلكم من الأخر العربية من ساعة ما جبتها و انا كل ما تظهر معايا حاجة بعملها و صارفة معايا لحد دلوقتي حوالي 5 ألاف جنيه علي تمنها....طبعا تعبت من كتر التصليحات....انا عاوز اعرف اعمل ايه عشان اوقف العربية وقفة صح اعمل تشيك علي ايه و كله مرة واحدة

نفسي امشي بيها شهر واحددددددد من غير ما يظهر حاجة جديدة كل اسبوع !!!....مرة فتيس و مرة عفشة و مرة كبالن و مرة حساسات...!!!

اروح اعمل كشف كامل عند مقار و خلاص ؟؟؟...و يا تري هايجيبلي كل حاجة فاضل اد ايــه لحد ما تبقي عاوزة تتغير ولا هايقوللي سليمة و خلاص ؟؟؟؟

أنا فعلا يعتبر جبت اخري و بفكر جديا في البيع !!.....و اللي صدمني امبارح احمد الكهربائي عند عبد الله أوبل... بقوله عربيتي فابركه بره و جوه و هابيعها زي ما جبتها علي الــ65 ألف مش عاوز حاجة من اللي صرفته عليها....يقولي طيب ما انا عندي اخت بتاعتك رشه نظافة بس و علي 52 ألف هل الفرق ده كله ما بينهم عشان عربيتك مرشيتش برا ؟؟؟!!!!!....طبعا انا نفضتله بس أحبطني بصراحة....