المشاركة الأصلية كتبت بواسطة ghazy12
يبقى رأي الشخصي المتواضع, تويوتا كورولا هي الانسب لاسباب كتييير...
- عربيه عمليه جداا
- قليلة الاعطال و اعتماديه
- مريحه جداا في السفر و غيره
- استهلاك البنزين معقول
- توكيل تويوتا من التوكيلات اللي بتحافظ على اسمها في مصر
- قطع غيار منتشره و متوفره
- سعر اعادة البيع عالي
الفلوينس عربيه ممتازه, و هي افضل من الكورولا كبريستيج و شكل و امان و توكيل,
بس قطع غيار غاليه, و سعر اعادة البيع اقل من الكورولا, و في رأي ان الكورولا عمليه اكتر...
اللانسر بردو عربيه ممتازه, بس انا مش عارف انت تقصد الشارك ولا البومه..؟؟
و عموما و في الحالتين, مشكلة ميتسوبيشي في الوقت الحالي عدم استقرار اوضاعها في مصر
مع وكيلها الجديد (دايموند موتورز), و بالتابعيه الافضل تنتظر لحد ما الاوضاع تستقر لو عايز لانسر
التيريوس عربيه كويسه بردو, بس مش واسعه, و سعر اعادة البيع قليل, و في رأي مش بتاعة سفر
و طرق سريعه كتيير, هي مناسبه اكتر جوه المدينه (في رأي)...
دي وجهة نظري يا باشا, و ربنا يوفقك للخير ان شاء الله...
تقبل تحياتي...