سؤال للعباقرة - a113 والعفشة

**Atrees** · 14-12-2010 05:53 PM

صباحكم فل يا رجالة

انا بشارك معاكم هنا من قسم كيا :) فا مش عايزين ضرب - ههههه

انا جبت A113 لاختي الصغيرة عشان تتعلم عليها السواقة لان كل معرفتها بالسواقة هي Need for speed - ههههه ومتخيلة ان السواقة كدة فعلا - يعني لو شالت رجلها من علي البنزين العربية تفرمل - تخيلو - ههههه

المهم بقي - انا العربية شايفها جميلة فعلا وحجمها تحفة لشوارع مصر بالاضافة للكماليت الظريفة والمحرك ال 1300 ممتاز عليها

انا حاليا اللي بسوق العربية لانها لسة متعلمتش ولاحظت حاجة واحدة معكننة عليا بس

صوت العفشة مرعببببببببببببببببب - حاسس ان العربية مفككة من بعضها في العفشة - وصوت الدبدبة بشع وتحس العربية متماسكة كبودي ومفككة كعفشة

سالت في التوكيل قالي هية كدة :(

طيب السؤال بقي ؟؟؟

ينفع اغير المساعدين واليايات بمساعدين اخري او كوني مثلا ؟؟؟؟

يعني اكيد الصوت حيفرق ومش مهم الضمان المهم ان الاقي عفشة تانية للعربية دي - كوني او اي نوع اخر - حد يعرف يساعدني في الموضوع دة
؟؟؟؟؟؟؟؟؟؟؟؟؟؟

ولكم جزيل الشكر

**hzmmmk** · 14-12-2010 09:36 PM

حرام عليك يا راجل دى عربية جديدة و مافيش حاجة اسمها هى كده
لازم العربيه تكون تمام انت و احنا فى مصر مش بنلائى الفلوس على الارض لازم يظبطو العربيه و الا تشتكيهم فى جهاز حماية المستهلك هما مش بيجو الا بالعين الحمرا
اما بخصوص المساعدين الناس بتقول بيركبلها مساعدين ميتسوبيشى كولت ده لمعلوماتك فقط و روح خليهم يظبطو العربيه

**Atrees** · 15-12-2010 12:39 AM

يا باشا التوكيل مقصرش صدقني - غيرلي المساعدين الامامي وهي لسة 2000 كم قدام عيني وبرضو الصوت موجود - ووقفت واحد في مارينا معاه العربية وركبت معاه نفس الاصوات برضوا - هيه العفشة بتاعتها صوتها عالي - ودة اللس خلاني افكر اغير العفشة :))))

**hzmmmk** · 15-12-2010 06:04 AM

الحل عند أحمد مهران و ده مهندس متخصص فى اسبيرانزا ورشته فى الملك الصالح خلف توكيل مرسيدس
و تليفونه كنت جايبه من المنتدى تحسبا لو اشتريت اسبيرانزا
ت: 0101562774

**max_ziro** · 16-12-2010 05:53 PM

ملهاش حل للاسف مع انها عربية جميلة بمقاييس كتير ..
كانت معايا و كانت كدة بنفس الصوات ب الاضافة للعيب القديم صوت الاسكاطرة و الف مبروك ل اختك
و بردو انا كنت جايبها لوالدتى و اختى الى كانت بتركبها