رجاء اي حد عارض البايك بتاعته علي النت يخلي بايه؟
ياجماعه اي حد عارض موتوسيكل علي النت او اي جريده وسيط يخلي باله من حاجه مهمه اوي
في ناس عرضوا موتوسيكلات ووقعوا ضحايا لحراميه
اول واقعه حصلت كانت مع واحد صاحب عمر كان عارض 929 واتصلوا بيه ناس وجم لحد عنده واتفرجوا علي البايك وادولوا عربون 1000 جنيه وطلبوا منه انه تاني يوم يجيب الموتوسيكل بعد كمين الطريق الزراعي بتاع المنوفيه عشان العيال معهومش رخصه وهيدولوا المبلغ هناك
وفعلا الواد بحسن نيه راح واتعمل عليه كماشه واتاخد منه الموتوسيكل والعيال اتصلوا بيه وقالولوا تدفع 15 الف جنيه تاخد الموتوسيكل وطبعا المعلم راح واتخيط
الواقعه التانيه
ناس زمايلي اترفع منهم مكنه بي كينج بطريقه مماثله
الناس جت واتفرجوا علي البايك وهما معاهم موتوسيكل افراج معليهوش نمر طبعا واخدوا زميلي بتاع البي كينج وقالولوا هتشد معانا بس كده نشوفها عامله ايه علي الطريق وركبوا واحد منهم ورا زميلي وجم عند الدائري وعملوا الصح مع المعلم
خلي بالكم
الناس اللي فاهمه عارفه هي بتبيع ازاي وان العريس هو اللي بيجي للعروسه والمعاينه بتم عند بيت البايع او عند معرض او في مكان امين ومحدش يجرب البايك ولازم يكون معاك حد متبقاش لوحدك والمفتاح في ايدك متخليش حد يركب البايك علي سبيل التجربه
حراميه الموتوسيكلات كتروا اليومين دول سيتي ستارز اتسرق من عندها كتر من 5 بايكات لحد النهارده
