فين السجل ده ؟؟؟
عرض للطباعة
C:\Users\Yoko\AppData\Roaming\com.fiat.convergence .385E4263E7379A5D22A7076E99B02868EFF10711.1\Local Store
بس بدل yoko الuser بتاعك وعشان تفتحة لازم يكون عندك sqlite
النهاردة كان معايا واحد صحبى وبيفكر يجيب عربية فوريته الكورسا الجديدة وعجبته وبعد كده طلعته على اوماترا وشاف الايفو قال هى دى والظريف انى قبل ما اروح اوماترا كان بيقول فيات ايه، ازاى اركب فيات وفيات دى كذا وكذا وكذا.
طبعا بعد ما راح واتفرج النظرية اتغيرت تماما عنده.
لو بتستخدم فيرفوكس إعمل زي ونزل الADD-ON ده sqlite-manager - Project Hosting on Google Code
ههههههههههههههه ده العادي:10D5C8w1107:
اتعرضت لمواقف كتير من دي...يعني مثلا في الشغل لما اقول لواحد انا اشتريت فيات اسمع كلام زي ده
" ايه؟؟!! فيات؟؟!! يعني يا وائل بعد الاسبيرانزا تنزل للفيات؟؟!!...و كمان هاتشباك!!!"
و واحد تاني
" يا خبر؟؟ فيات!!...يعني بقي معاك فيات زي بتاعتي...ده انت كانت معاك سبيرانزا كبيرة " اللي بيتكلم معاه ريتمو و المفروض اني لما جبت البونتو ايفو بقيت راكب عربية زي بتاعته
وواحد تاني كل مايشوفني يقولي ايه اخبار الاونو...اقوله دي بونتو...يقولي ماكلهم شبهه بعض
علي العموم انا اتعودت.... و زهقت اصلا اني احاول اغير فكرتهم...واحد مش عارف الفرق بين بونتو ايفو 2011 و ريتمو...اضيع وقتي معاه ليه...هو انا شغال في محو الاميه
بس سيبك بقي....احلي حاجة لما استدرج واحد منهم و اركبه العربية و ابتدي افرجه علي امكانياتها و الاوبشنز اللي فيها...و اتفرج بقي علي علامات الذهول علي وشه :8954[1]:..كأني بافرجه علي فيلم خيال علمي...و اتفرج بقي علي التسييح تاني يوم في الشغل و ازاي بيحكي للناس عليها و الكل مش مصدق...ده انا لسه ماقلتش لحد علي حكاية eco عشان كنت فاكره مش عندي
واحد صاحبي معاه يارس اللي وصلت 120 الف جنيه ...اول ماسمع اني جبت فيات...قالي ليه كده ماجبتش يارس ليه...قلتله معلش بقي اصلي مابافهمش في العربيات...وتاني يوم ركب معايا العربية و هي نص ساعة بس وريته كل امكانياتها...لقيته بيقولي..."دي احسن من اليارس بكتير"..قلتله بس برده اليارس كويسة و من احسن العربيات اللي تويوتا عملتها...قالي" بس التكنولوجيا الي في عربيتك مش موجودة في اليارس ولا حتي الكورولا"...قلتله ممكن تكون موجوده في الكامري الي في امريكا"...و كنت عايز اقفل معاه و انزله عشان حسيت ان العربية هاتولع بيا :funny34d:
ههههههههههههههههههههه و الله احنا كلنا زي بعض انا واحد قولتله هقابلك قالي راكب ايه قولتله فيات ايفو
المهم قالي مش تقولي انها بونتو قولتلوا لو قولتلك بونتو مش حتعرفها
و احنا راكبين ليه و مش عارف ايه اللي يخليك تجيب فيات دي فيات بس للاسف النوعيه دي انا قابلتها قبل كده لما كنت ناوي اشتري السيات ليون دي سيات انت بتتكلم في ايه فالناس دي منتشره بس اول لما شاف العربيه بطلت مني في الزحمه لقيته اتخض اول ما دوست على الدبرياج العربيه دورت :b4_592: خلي اللي يتكلم يتكلم انا بركب حاجه لنفسي اومال لو شغلتلوا الاوامر الصوتيه حيعمل ايه
صحيح انا لغايه دلوقتي شفت في القاهره 4 ايفو بيونتو 1احمر في الزمالك و ا اسود في مدينه نصر و 2 ازرق واحده في الزمالك و التانيه عند عباس العقاد كده الايفو بتنتشر الحمد لله
السؤال الاخر متى يتم عمل رود تست للعربيات تبع نايل موتورز الموضوع ده هيفرق جامد مع المنتدى
على فكره ما شاء الله الايفو منتشره جدا انا بشوف في اليوم على الاقل 3 .. و كمان انا بتنطط كتيرر مش في م نصر و مصر الجديده بس !
انا نزلت ADD ON و حاولت الاقي ملف يتفتح في الفولدر اللي انت قلت عليه مفيش
بس انا شغلت الeco مرة واحدة مشوار صغير و الفلاشة سايبها في العربية من ساعتها...ممكن يكون السجل لسه ماتعملش؟
و بعدين انت بتقول لقيتسمك التيل ومستوى الزيوت والميه الردرياتير ومعامل التسارع الg وكميه البنزين الموجوده ولما فولت فولت لحد كام وحاجات تانيه كتير
هي الحاجات دي كلها بتتسجل و المفروض نشوفها؟؟؟ قصدي له مش بتظهر في البرنامج نفسه اللي بيقييم اسلوب القيادة