يا جماعة عاوز رأيكم فى اللى انا عملته و لو كنت مكانى كنت ها تعمل ايه؟

السلام عليكم
ياجماعة النهاردة حصل معايا موقف حبيت احكيه لكم عشان اعرف رأيكم ايه و لو كنتم مكانى كان ده اللى هايحصل والا لا؟

انا كنت راجع من بنها رايح بورسعيد و كنت يادوب نازل من الطريق الدائرى على اول طريق القاهرة اسماعيلية ودخلت البنزينة اللى على اليمين اعتقد انها موبيل علشان امون بنزين 95 كالعادة و نزلت وقفت جنب باب العربية و لكن وجهى للجهة المقابلة للعداد بتاع البنزينة و انا كنت عارف ان العربية ناقصة 20 -25 لتر علشان تبقى فول تانك المهم العامل خلص تموين و جاى ياخد منى الفلوس بصيت على الحساب لقيت 120 جنيه تقريبا يعن حوالى 45 لتر فطبعا قولتله ازاى يابنى دا انا لسة مفول النهاردة الصبح و مش ممكن اخد الكمية دى كلها ؟؟؟؟؟؟؟؟؟؟؟؟ فلقيته ضغط على زر فى المكينة و ظهر العدد الحقيقى و هو كذا و عشرين ليتر و الحساب 69 جنيها سألته امال ايه الارقام اللى فاتت دى قالى دى بتاعة الزبون اللى قبلك؟؟؟؟؟؟؟ قلت له و ايه اللى اظهرها فى حسابى انا؟ قالى اصل ايدى ضغطت بالخطاء على الزرار ده فظهر الحساب اللى قبلك؟؟؟ طبعا الكلام مدخلش دماغى و دفعت 69 بس مش مستريح للموقف اللى عمله
سؤالى لو كنت مكانى كنت خلاص هاتمشى و الا ممكن تعمل حاجة عاوز اعرف الاراء و هاقولكم بعد كدة انا عملت ايه لانى مش اقادر اكتب اكتر من كدة النهاردة لانى بطىئ فى الكتابة

بعد ما حضرتك تستريح لازم حضرتك تكتب التفاصيل المملة عن الحيلة القذرة دى علشان ننتبه لها ويبقى لك ثواب كبير فينا
وكمان لو تقدر تبلغ عنهم
هى تقريباً ماكينة ديجيتال صح ؟

بافتراض حسن النية موش هعمل حاجة الا لو اتكرر الموضوع دا

سوري في اللفظ بس هسحل الي جبوه لإن لو كان داس من غير ما يقصد أكيد مكنش قول ما قولتله قام لامم الدور

انا حصل معايا موقف شبيه بس سرقه عينى عينك كنت بديله 100 جنيه وهو جابلى باقى 50 قولتله ايه ده قالى الباقى قولتله انا مديلك 100 جنيه قالى لا 50 قولتله انا مش شارب حاجه وعارف انا بدفع ايه وايه الى بطلعه من جيبى قالى لا هو كده روحت للريس بتاعه الى فى ايه قولتله الموضوع راح ندهله قاله ايه الى حصل قاله ادانى 50 وبيقول انه ادانى 100 قالى يمكن حضرتك مخدتش بالك واديته 50 قولتله بقولك انا عارف انا مدديله ايه قالى انا مش عارف اعملك ايه قولتله اندهلى المدير راح ندهله قولتله على الى حصل راح قايل للريس اديله 50 جنيه روحت واخد الفلوس ومشيت سرقه عينى عينك

السلام عليكم و رحمة الله و بركاته

أنا شايف أن أفضل شئ للقضاء على الحيل القدرة بتاع العالم النصابين الزبالة دول هى أن :

الواحد ينزل من العربية و مايفضلش قاعد فى العربية مهما كان الجو بره حر و لا برد و يخلى عينه على العداد بتاع المكنة عشان يتأكد أنه أخد البنزين اللى هو عاوزه , يعنى عاوز ال92 و الراجل حطله فعلا 92 مش 80 و كمان الحساب مظبوط على شاشة المكنة .

الحاجة التانية أنك تعطى الراجل فلوس فى ايده و تقوله حط بكدا , يعنى تديله 50 جنيه و تقوله حط ب 50جنيه و الأفضل أنك ماتبقيش باقى , يعنى تديله ورقة ب50جنيه عشان تحط ب 50 جنيه و لا تاخد منه باقى و لا دياولوا و ده أفضل من أنك تقوله فول و يطلع الحساب 69,85 جنيه و الدوخة دى و تديله ورقة ب 200 جنيه و هو يرجعلك باقى 100 جنيه و أنت تبقى محتار أنت اديته 100 و لا 200 و تخاف تقوله 200 لأنك مش متأكد و تظلم المحطة و تاخد فلوس مش فلوسك و الحوار ده كله.

أنا بعمل كده و بقطع أى فرصة لأى حد ينصب عليا , كل المشكلة اللى ممكن أقابلها كل فترة طويلة لو حطيت بنزين من بنزينة أنا ماعرفهاش, أن ممكن يطلع البنزين بتاع البنزينة عليه ميه كنوع من الغش .

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

أنا شايف أن أفضل شئ للقضاء على الحيل القدرة بتاع العالم النصابين الزبالة دول هى أن :

الواحد ينزل من العربية و مايفضلش قاعد فى العربية مهما كان الجو بره حر و لا برد و يخلى عينه على العداد بتاع المكنة عشان يتأكد أنه أخد البنزين اللى هو عاوزه , يعنى عاوز ال92 و الراجل حطله فعلا 92 مش 80 و كمان الحساب مظبوط على شاشة المكنة .

الحاجة التانية أنك تعطى الراجل فلوس فى ايده و تقوله حط بكدا , يعنى تديله 50 جنيه و تقوله حط ب 50جنيه و الأفضل أنك ماتبقيش باقى , يعنى تديله ورقة ب50جنيه عشان تحط ب 50 جنيه و لا تاخد منه باقى و لا دياولوا و ده أفضل من أنك تقوله فول و يطلع الحساب 69,85 جنيه و الدوخة دى و تديله ورقة ب 200 جنيه و هو يرجعلك باقى 100 جنيه و أنت تبقى محتار أنت اديته 100 و لا 200 و تخاف تقوله 200 لأنك مش متأكد و تظلم المحطة و تاخد فلوس مش فلوسك و الحوار ده كله.

أنا بعمل كده و بقطع أى فرصة لأى حد ينصب عليا , كل المشكلة اللى ممكن أقابلها كل فترة طويلة لو حطيت بنزين من بنزينة أنا ماعرفهاش, أن ممكن يطلع البنزين بتاع البنزينة عليه ميه كنوع من الغش .

---

انا فعلا دلوقتى بقيت بعمل كده الى يتلسع من الشربه

كله يعد صوابعه في اي تعامل من نوع كل سنة وانت طيب
او نوعيات مش راضية عن رزقها وعاوزة تطلع في الاسانسير مش عالسلم
علشان هما فاكرين ان اي حد راكب عربية ان فلوسها جاية بالساهل وانها رفاهية دي اصبحت ضرورة
حتي لو في اي متجر كبير راجع الفاتورة والحساب والحاجات اللي اشتريتها وخصوصا لو شاري حاجات كتير
ايه مواقف كتيرة حصلت بس مش عاوزين نقلب المواجع إييييييييييييييييههههههه

حصل معايا موقف مشابه و عملت بيه موضوع هنا
كان اللي قبلي ممون 5 لتر و البيه اللي بيمون عربيتي ما صفرش العداد و انا لمحته...
و لما قلت له أنكر و قال لي اكيد انت عارف عربيتك هاتشيل بنزين قد ايه
و قد كان
مفروض العربية تشيل بالكتير 23 لتر لقيته بيقول لي 28 لتر

لما لقاني مصر على موقفي و هابدأ اعمل مشاكل جاب ورا و اداني فرق ال5 لتر اللي قلت له عليهم اول مرة

انا لو مكانك كنت هاديله كلمتين وحشين فى حقه
و عموما انا بعمل برضه موضوع انى اديله ورقه مقفوله و اقوله حط بكذا
ما كل واحد عارف هو بيدفع كام فى كميه معينه
و عارف عربيتك محتاجه ايه
يبقى ليه اخلى واحد يحور عليا
هو ياخد الورقه المقفوله و يحط المطلوب و شكرا

أفضل حل إنك تفضل راشق لعداد التفويل بتاع البنزينه لحد ما تخلص وتدفع تحسبا لأي خطأ وتلافيا لأي مشاكل

طرق النصب فى البنزينة فى تطور مستمر ماشاء الله الواحد فعلا لازم يراجع وراهم لتر لتر

مش هجادل معاه وهشوف مديره او صاحب البنزينه حتي عشان يعرف انه مشغل شويه حرميه عشان متحصلش في غيري وعشان ميعملش كل البنزينات طرق السرقه اللي بيبتكروها دي والله حاجه قرف بجد

أنا من رأيي إنك كان المفروض تعمل شوية قلق كده عشان يتربوا لإن موضوع نسيت وماخدتش بالي ده مشكوك فأمره جداااااااا

أحسن حل أنك تمون مب بنزينة موثوق فيها وعينك على العداد من أول الزيرو حتى لما تفول ولو تعمد يفول بكسر الجنية لا تعطى له أى بقشيش أو ممكن تمون بمبلغ ثابت 50 أو 60 جنية وتكون محضرهم جاهزين - ولازم كل واحد يحط عنية فى وسط رأسة وهو بيتعامل مع أى حد فى أى بنزينة حتى فى غيار الزيت

اقتباس:

---

المشاركة الأصلية كتبت بواسطة meero_boy2000

مش هجادل معاه وهشوف مديره او صاحب البنزينه حتي عشان يعرف انه مشغل شويه حرميه عشان متحصلش في غيري وعشان ميعملش كل البنزينات طرق السرقه اللي بيبتكروها دي والله حاجه قرف بجد

---

يا باشا ماهو 95 % من صحاب البنزينات حرامية

أنا لو كنت مكانك كنت هعمل الآتي :-
أولا هو يقصد أقولك ليه طبعا عربية باسات وبفول بنزين 95 يعني صباح الإشتغالات زبون لقطة وهظبطة هو فاكر كدا
ثانيا هو كان عايز منك 120 ج وبعدين قالك 69 يعني الفرق كام 51 ج لو أنا منك كنت دفعتله 18 جنيه بس ويضرب دماغه في الحيط وهو كدا انت حرامي وعايز تنصب عليا فين صاحب البنزينة وكلمتين كدا جامدين :khd:والـ 51 جنيه الفرق كنت شوفت واحد غلبان وإدتهوملوا .

بصراحة مافيش أريح من إمارات مصر عموما .. وخاصة اللى عند كافور على الدائري ... محترمين جدا ومافيش حاجة إسمها يفول بكسر جنيه وتعاملهم راقي الى حد ما .. أنا مابقتش أفول غير من عندهم .. ولو إضطريت أحط من أي بنزينة تانية بحط بقيمة مالية ... يعني بقوله حطلي بعشرة جنيه مثلا .. أو حتى عدد لترات محدد عشان أبقى عارف هو بكام

اقتباس:

---

المشاركة الأصلية كتبت بواسطة n.y.s.m.a

بصراحة مافيش أريح من إمارات مصر عموما .. وخاصة اللى عند كافور على الدائري ... محترمين جدا ومافيش حاجة إسمها يفول بكسر جنيه وتعاملهم راقي الى حد ما .. أنا مابقتش أفول غير من عندهم .. ولو إضطريت أحط من أي بنزينة تانية بحط بقيمة مالية ... يعني بقوله حطلي بعشرة جنيه مثلا .. أو حتى عدد لترات محدد عشان أبقى عارف هو بكام

---

حضرتك كإنك بتتكلم عليه

اقتباس:

---

المشاركة الأصلية كتبت بواسطة yoko

حضرتك كإنك بتتكلم عليه

---

طب دا أنا بعد كده هاخد بالي من أي فيات لينيا بتفول جنبي بقى :Oc_sun1[1]:

السلامو عليكم
اكمل لكم باقى الحكاية ركنت العربية و قلت اشرب قهوة من المحل اللى فى البنزينة و بعدين سألت الموظف عن مدير المحطة لان بصراحة مش مستريح من موقف العامل لانى فكرت لو كان صادق و ايده ظغطت بالغلط على العداد من غير ماياخد باله يبقى كان هايصمم على القرأة الاولى مش بسرعة يقلب العداد و لو كان خد باله يبقى كان يصلحها تانى المهم دخلت لمدير المحطة و اتعرفت عليه و حكيت له الحكاية بالتفصيل و قلت له انا مش عارق قيه سوء نية و الا لا ؟ و انا ببلغك علشان تحطه تحت المنظار الراجل اهتم جدا و انزعج و طلب منى اشاور له على العامل و خرجت ووصلت الى العامل و قلت له هو ده و اخد رقم تليفونى و مشيت
بعد ربع ساعة لقيته بيتصل بيا و بيتأكد من تفاصيل الواقعة و قال لى انا قررت فصل العامل ده ؟؟؟ حاولت ان اخليه يرجع قى كلامه و يعطيله فرصة تانية قالى يا دكتور انت جزاك الله خير و عملت اللى عليك انما القرار ده بتاعنا
المهم كان عندى شوية احساس بالذنب انى اتسببت فى فصل العامل و قد يكون مافيش سوء نية عنده و بعدين ارجع و اقول الواحد لازم يكون ايجابى و اهو كدة انا انقذت واحد او اكتر ممكن ينضحك عليهم بالخدعة دى و قولت اخد رأيكم فى اللى عملته و هابقى احكى لكم فى مرة تانية عن مقلب جامد شربته قبل كدة فى نفس المحطة
و تصبحوا على خير

اقتباس:

---

المشاركة الأصلية كتبت بواسطة alhussiny

السلامو عليكم
اكمل لكم باقى الحكاية ركنت العربية و قلت اشرب قهوة من المحل اللى فى البنزينة و بعدين سألت الموظف عن مدير المحطة لان بصراحة مش مستريح من موقف العامل لانى فكرت لو كان صادق و ايده ظغطت بالغلط على العداد من غير ماياخد باله يبقى كان هايصمم على القرأة الاولى مش بسرعة يقلب العداد و لو كان خد باله يبقى كان يصلحها تانى المهم دخلت لمدير المحطة و اتعرفت عليه و حكيت له الحكاية بالتفصيل و قلت له انا مش عارق قيه سوء نية و الا لا ؟ و انا ببلغك علشان تحطه تحت المنظار الراجل اهتم جدا و انزعج و طلب منى اشاور له على العامل و خرجت ووصلت الى العامل و قلت له هو ده و اخد رقم تليفونى و مشيت
بعد ربع ساعة لقيته بيتصل بيا و بيتأكد من تفاصيل الواقعة و قال لى انا قررت فصل العامل ده ؟؟؟ حاولت ان اخليه يرجع قى كلامه و يعطيله فرصة تانية قالى يا دكتور انت جزاك الله خير و عملت اللى عليك انما القرار ده بتاعنا
المهم كان عندى شوية احساس بالذنب انى اتسببت فى فصل العامل و قد يكون مافيش سوء نية عنده و بعدين ارجع و اقول الواحد لازم يكون ايجابى و اهو كدة انا انقذت واحد او اكتر ممكن ينضحك عليهم بالخدعة دى و قولت اخد رأيكم فى اللى عملته و هابقى احكى لكم فى مرة تانية عن مقلب جامد شربته قبل كدة فى نفس المحطة
و تصبحوا على خير

---

انت عملت الصح , الله ينور عليك ,

عموماً زي ما الناس بتقول ,
لازم تمون من بنزينة انت بتثق فيها ,
تبقى عينك على العداد سواء انت جوه العربية او براها ,
لو بتفول يبقى بعد ما المسدس ما يفصل خلّيه يزود لغاية ما يوصل لرقم محدد ,
أحياناً بقوله فول بمبلغ معين يعني مثلاً 49 علشان هديله ورقة بخمسين ,
لو مش معاك فكة يبقى و انت بتديله الفلوس اكد عليه , مثلاً عايز باقي الـ200 ج كذا و كذا ...
............
............

انا بمون بعدد اللترات
يعنى بقول للعامل حط مثلا 27 لتر بنزين 92 وببيقى مجهز الـ 50 جنية أو 35لتر بــ 65 جنية
وببيقى باصص على العداد وهوا مصفر
وعارف العداد عندى بعد ما امون هيبقى كام
وكدة بريح نفسى