الموضوع: في موضوع شدة السيارة من الألف للياء.... أي ترتيب هو الأفضل؟

تمام جزاك الله كل خير
وبإذن الله مفيش رش حوض ولا حاجة
بس هل الدواخل أقصد الصالون من جوة بيترش ولا لأ؟
وألف شكر يا غالي

كلامك جميل يا باش مهندس بس برده حكاية إعادة البيع برده ممكنة
يعني مش عايز أرش دواخل علشان حكاية البيع لو إضطريت له بعد ذلك وأنت عارف ثقافة الشعب هنا في العربية المرشوشة من الداخل
عموما أنت لفت نظري لحتة أن السروجي هيشيل كل حاجة علشان أجدد الفرش الداخلي وأعمل أرضية جلد
أنا كدة فهمت الموضوع ألف شكر يا باش مهندس
بس ممكن سؤال : هل فيه جلد بيبقى شكله حلو بيتركب على التابلوه علشان التابلوه شكله قديم شوية لأني سمعت عن حاجة زي كدة

المشاركة الأصلية كتبت بواسطة الصيداح

كلامك جميل يا باش مهندس بس برده حكاية إعادة البيع برده ممكنة
يعني مش عايز أرش دواخل علشان حكاية البيع لو إضطريت له بعد ذلك وأنت عارف ثقافة الشعب هنا في العربية المرشوشة من الداخل
عموما أنت لفت نظري لحتة أن السروجي هيشيل كل حاجة علشان أجدد الفرش الداخلي وأعمل أرضية جلد
أنا كدة فهمت الموضوع ألف شكر يا باش مهندس
بس ممكن سؤال : هل فيه جلد بيبقى شكله حلو بيتركب على التابلوه علشان التابلوه شكله قديم شوية لأني سمعت عن حاجة زي كدة

ماترش دواخل نهائيا وشدد على السمكري وهو شغال والبوهيجي ماحدش يلمس دواخل العربية نهائيا حتى مطرح ما البيبان ما بتدخل (الحلق بتاعها ) القوايم من برا وجوا ماتتلمسش ولا يقلك دي تعفيره من البهويه ولا اتخربشت من هنا يبان شغل الصنايعي النظيف
السروجي بيكسي الطابلوه جلد عادي
بس بتفرق من صنايعي للتاني على حسب الحرفنه اهم حاجه لما تنزل دهان العربيه تجيبها كلها على الصاج ماطلصقش وتديها عازل ضد الصدا الاول وماتخدش معجون كتير كل على بعضه والسمكري مايكنش بينه وبين البوهيجي شغل دا من حته ودا من حته بص بالشكل دا هتلاقي كل واحد يطلع القطط الفاطسه في التاني بالذات لو انت بتدور على الشغل المزبوط والبوهيجي تقاوله مصنعيه منفرده وخامات عليك منفرده تشترى من مكان مش تبع البوهيجي (ماتدلوش الشغلانه مونه اجرة) اديله الشغل مصنعيه بس ممكن هو يقلك على الخامات الحلوه في السوق فهمه او اشرط عليه لو مصنعيه حلوه هاتزوده 100 لو لقيت الشغل حلو زي اللي بالك ( حفزه ) هتلاقيه ادالك شغل حلو دي طرق متجربة وبتجيب نتيجه مع اي صنايعي
بالمناسبه اي صنايعي لازم تشوف له شغل قبل مايشتغلك في حاجتك وتشوف درجة الجوده هي اللي انت عاوزها ولا لا؟
عشان في صنايعيه كويسين بس عندهم درجات في الشغل (نظامهم كله على قد فلوسه )
افهم منه الاول دا بكام ودا بكام واعرف انت عايز ايه وفاصل ولا تستقر على السعر اعمله جايزه لو شغل نظيف عشان يظبطلك الفنش زي ما قلت لك 100 هاتزبط الدنيا
ماتسبلوش يوم يعدي الا وانت فوق راسه عشان تفهمه انه لازم ينجز حتى لو رحت 5 دقايق عشان لو لقيته بيعك تلحقه بدل ما يبوز حاجه

المشاركة الأصلية كتبت بواسطة mbx4e

ماترش دواخل نهائيا وشدد على السمكري وهو شغال والبوهيجي ماحدش يلمس دواخل العربية نهائيا حتى مطرح ما البيبان ما بتدخل (الحلق بتاعها ) القوايم من برا وجوا ماتتلمسش ولا يقلك دي تعفيره من البهويه ولا اتخربشت من هنا يبان شغل الصنايعي النظيف
السروجي بيكسي الطابلوه جلد عادي
بس بتفرق من صنايعي للتاني على حسب الحرفنه اهم حاجه لما تنزل دهان العربيه تجيبها كلها على الصاج ماطلصقش وتديها عازل ضد الصدا الاول وماتخدش معجون كتير كل على بعضه والسمكري مايكنش بينه وبين البوهيجي شغل دا من حته ودا من حته بص بالشكل دا هتلاقي كل واحد يطلع القطط الفاطسه في التاني بالذات لو انت بتدور على الشغل المزبوط والبوهيجي تقاوله مصنعيه منفرده وخامات عليك منفرده تشترى من مكان مش تبع البوهيجي (ماتدلوش الشغلانه مونه اجرة) اديله الشغل مصنعيه بس ممكن هو يقلك على الخامات الحلوه في السوق فهمه او اشرط عليه لو مصنعيه حلوه هاتزوده 100 لو لقيت الشغل حلو زي اللي بالك ( حفزه ) هتلاقيه ادالك شغل حلو دي طرق متجربة وبتجيب نتيجه مع اي صنايعي
بالمناسبه اي صنايعي لازم تشوف له شغل قبل مايشتغلك في حاجتك وتشوف درجة الجوده هي اللي انت عاوزها ولا لا؟
عشان في صنايعيه كويسين بس عندهم درجات في الشغل (نظامهم كله على قد فلوسه )
افهم منه الاول دا بكام ودا بكام واعرف انت عايز ايه وفاصل ولا تستقر على السعر اعمله جايزه لو شغل نظيف عشان يظبطلك الفنش زي ما قلت لك 100 هاتزبط الدنيا
ماتسبلوش يوم يعدي الا وانت فوق راسه عشان تفهمه انه لازم ينجز حتى لو رحت 5 دقايق عشان لو لقيته بيعك تلحقه بدل ما يبوز حاجه

تسلم ايدك يا زعيم
ألف شكر على تعبك معايا وبإذن الله هعمل تقرير مصور وانا بشدها
جزاك الله كل الخير على الإفادة

المشاركة الأصلية كتبت بواسطة الصيداح

تسلم ايدك يا زعيم
ألف شكر على تعبك معايا وبإذن الله هعمل تقرير مصور وانا بشدها
جزاك الله كل الخير على الإفادة

مافيش تعب ولا حاجه بس بجد الله يعينك
لانك لو ماكنتش متقاول كويس هتلاقي التكاليف تفتح معاك وبما انها كدا كدا هاتفتح معاك فحاول تبقى حاكمها في اضيق الحدود وبالطبع احسن النتايج

موضوع جميل وخصوصا اني الايام دي ناوي على اعاده تظبيط العربية من تاني و كنت محتار ابدء بايه و دلوقت عرفت الاساسيات
طب لو فى النيه اني اغير كاوتش و مساعدين و (اصلح/اغير ) الكرونه و اعمل شنبر للماتور و اغير شكمان دول ترتيبهم يبقى فين و انهى قبل الاول