الموضوع: باركولي ركبت طقم دانلوب

80,000 KM is tooo much, change them after max 50,000 KM

البريجيستون اللي كانوا راكبين انا غيرتهم علي 80 الف ولو شفتهم حتقولي انت اصلا عايز تغيرهم ليه؟ دول لحد دلوقتي ( علي السطوح بقي) تيوبلس ومفيش ولا رفة في الطارة ولا اي حاجة - بشهادة العفشجي - هو كان في رجه بسيطة عند ال 140 فقط وكان ممكن تروح بالترصيص
بس هو انا كدا صيانه ال 10000 بعملها كل 8000 كيلو
يعني بحب ديما العربية تبقي علي الشعرة في كل شئ لحد لمبة الطفاية مينفعش اسيبها محروقة او فاصلة مثلا
ومتشكر علي اهتمامك وردك

جبتهم من عند مين فى طنطا

المشاركة الأصلية كتبت بواسطة omar3000

جبتهم من عند مين فى طنطا

يا ريت تقولنا فعلا

المشاركة الأصلية كتبت بواسطة shooter123

الحمد لله باركولي ركبت طقم دانلوب النهاردة لعربيتي جبتهم بعد لف وسؤال في طنطا كلها

جبتها ب 375 بعد الفصال
ولقيت بيرجيستون ب 325 بس تايلاندي
ولقيت كوموهو كوري ب 300
ولقيت ميشلان تايلاندي ب 525
ولقيت مش متذكر بالظبط فردة اسمها فينيلي او فانلي تايلاندي ب 410

والنهاية استقريت علي الدانلوب ياباني عشان يبقي زي العربية ( لانسر ) وبكدا ااقبل الكاوتش بعد 80 الف كيلو يحينا ويحيه ربنا

الدانولوب مش يابانى

البرجيستون التايلاندى ب 430 جنية من التوكيل
مش عارف السعر ده مظبوط ولا لا

جبتهم من عند الخواجة اللي ادام مدرسة طنطا الاعدادية في شارع ابن الفارض
وسعر البرجيستون اللي حضررتك قلت عليه ده خياااااااااااالي وانا ممكن ااجبهملك ب 325 جنية للفردة صناعه تايلاندي ومستعد اصورلك الكاوتش وتشوف بنفسك ان مكتوب عليه المقاسات بالاضافة الي بلد الصنع
صنع في اليابان ( اقصد الدانلوب طبعا )

انا لسه مركب بريدجستون ياباني من التوكيل الفرده عامله 580 جنيه جنط 15 اصلي زي الي بتنزل مع العربيه

اللي نازل في اللانسر دانلوب مش برجيستون وروح اي معرض وكأنك بتتفرج علي البومة او الشارك حتلاقي كاوتشهم دانلوب ( عن تجربة )