تقرير مفصل بالصور عن تركيب سبويلر لنيسان صنى

**doc_semsem** · 15-12-2010 08:21 PM

طيب لو حبيت اروح اشترى واركب يابشوى من شبين ايه رايك؟

**Bishoy.Girgis** · 15-12-2010 08:23 PM

المشاركة الأصلية كتبت بواسطة ahmed.tv

الشغل النظيف فى التركيب امره سهل وفى ناس كويسة فى التركيب كتير فى القاهرة فى الحرفين

المهم سعر الاسبويلر هو اللى مش حتلاقى زيه هنا فى القاهرة ابدا

مفيش غير نبعت لبيشوى حوالات بتمن الاسبويلر يجيب لنا ويشتريه من عنده
ولما نتقابل فى مقابلة نيسان يوزعه على الناس اللى طلبته

ورشه وتركيبه امرهم سهل فى القاهرة

ينهار ابيض يا احمد من عنيا الاثنين و فكرة جميلة جدا و فعلا يا جماعة اللي عايز الاسبويلر انا تحت امره و هقولكم في المقابلة طريقة تركيبه علي الشنطة و توصيل الكهربا عشان لما تيجوا تركبوه عند اي حد تبقوا عارفين الخطوات ايه بالظبط.

**Bishoy.Girgis** · 15-12-2010 08:26 PM

المشاركة الأصلية كتبت بواسطة aiman0173

ما شاء الله يا بيشوي شكل الاسبويلر رائع وبصراحة تقرير جامد قوي زي كل تقاريرك اللي قبل كده أنا بصراحة اللي عجبني اكتر من الاسبويلر إن الخبطة اللي في الاكصدام ما شاء الله مش باينة خالص ربنا يباركلك فيها

تعيش يا استاذ ايمن حضرتك محبتك كبيرة اوي و مجامل .. هو فعلا رغم ان العربية تعبتني اوي اوي في الفترة ديه لأن حضرتك عارف ان الوقوف قدام الصنايعية مشكلة كبيرة و متعبة لكن الحمدلله ربنا كملها علي خير و الشغل طلع نظيف جدا.

**Bishoy.Girgis** · 15-12-2010 08:36 PM

المشاركة الأصلية كتبت بواسطة sonasteel

ماشاء الله لا قوة الا بالله
مبارك عليك يا ا/ بيشوي .......... وماشاء الله شكله جميل وماشي مع العربية بشكل مش ممكن
بس انت رشيته نفس لون العربية ؟؟ ولا هو كان لونه كده؟
بس بايت برده نضافة الصنايعي ماشاء الله .... يعني علم مكان التخريم بماركر اصفر وخرم صح ... مش خرم اخرام وسابها :b4_611:
و مشيه حلو مع الرفرف .. يعني مش مدخله جوة .... شكله فاهم
بجد متشكرين علي تقاريك الجميلة وانت اول واحد بصراحة يجرب الحاجات الجديدة ديه وتقولنا عليها .... :oc_sun1[1]:
طيب الاسبويلر بقي اللي مطابق للمواصفات ده بيبقي غالي؟؟ ... يعني علشان السرعات العاليه
وفعلاهو بيأثر علي العربية في السرعات؟؟
كده مش فاضل انك تركب العدادت الكتسر اوي ديه اللي بتبقي علي قايم العربية الشمال........ انا بشوف ناس عاملها ونفسي اعرف ديه بتاعه ايه :oc_sun1[1]:
الف شكر

الف شكر يا استاذ حسين علي مباركتك و مرورك الكريم
حضرتك الاسبويلر بيبقي واخد فيلر يعني جاهز للرش بس البوهيجي طبعا حط لمساته الاخيرة قبل ما يرشه عشان يكون ناعم و ميعملش مشاكل لما يجيي يرشه لأن الرش الميتاليك بالذات بيبان فيه العيوب بكل سهولة.
حضرتك لما بنتكلم علي اسبويلر بمواصفات يعني بنتكلم لو استيراد في حدود 500 فيما فوق انما لو زيرو يبقي ممكن نتكلم فوق الـ 1000 جنيه بس اوضح لحضرتك ان السرعات العالية اللي بتكلم عليها بتبتدي من 160 او 170 كيلو / الساعة و طبعا هنا في مصر اكتر طريق هتمشي عليه لا يتعدي 120 كيلو / الساعة
و اي خدمة

**Bishoy.Girgis** · 15-12-2010 08:49 PM

المشاركة الأصلية كتبت بواسطة doc_semsem

طيب لو حبيت اروح اشترى واركب يابشوى من شبين ايه رايك؟

يا باشا انت تأمر و هتنورنا طبعا

**abo_anas** · 15-12-2010 09:06 PM

مبروك يااستاذ بيشوى

بس انا لى ملحوظه عوز اخد رايك فيها . ايه رايك بالنسبه لنور الاستوب لو لغيت نور الاستوب اللى داخل الصالون اللى فوق الشنطه. وبكده يبقى الاستوب مع الفرامل هينور الفانوسين + الاسبويلر

انا رايى هيكون اشيك خصوصا ان العربيات اللى بتنزل باسبويلر بيكون فيها نور الاستوب كده.

ايه رايك؟

**ahmedhawas** · 16-12-2010 12:29 AM

بصراحة تقرير جديد ومفيد- وأجمل شيء تصليح الاكصدام بالاحتراف ده
بس هل السبويلر ميضايقكش وانت بتبص في المراية ؟؟

بصراحة انا بحس انه واكل جزء من مساحة الرؤية- زي مساند الرأس بتاعة الكنبة
لكن بصراحة مقابل شكله الجميل وسعره المناسب - فهو يستاهل
خصوصا انه غير شكل العربية تماما

**sedyrohy** · 16-12-2010 12:31 AM

يا ريت يا باشا تقولنا رش الاسبويلر يتكلف كام
بويه+مصنعيه+تلميع+تركيب
الاسبويلر بس علشان انت كاتب اسعار الاسبويلر و الاكصدام

**Bishoy.Girgis** · 16-12-2010 01:38 AM

المشاركة الأصلية كتبت بواسطة salmay

مبروك يااستاذ بيشوى

بس انا لى ملحوظه عوز اخد رايك فيها . ايه رايك بالنسبه لنور الاستوب لو لغيت نور الاستوب اللى داخل الصالون اللى فوق الشنطه. وبكده يبقى الاستوب مع الفرامل هينور الفانوسين + الاسبويلر

انا رايى هيكون اشيك خصوصا ان العربيات اللى بتنزل باسبويلر بيكون فيها نور الاستوب كده.

ايه رايك؟

علي فكرة كلام حضرتك مظبوط 100% و دا اللي انا كنت عايز اعمله بس الكهربائي قالي خليها كده افضل انما ان شاء الله انا ناوي افصل لمبة استوب الصالون فعلا لأن حتي النور في الستوب اوفر اوي
عشان كده ان شاء الله ناوي افصلها و برافو عليك انك لاحظت الحاجه ديه

**Bishoy.Girgis** · 16-12-2010 01:49 AM

المشاركة الأصلية كتبت بواسطة ahmedhawas

بصراحة تقرير جديد ومفيد- وأجمل شيء تصليح الاكصدام بالاحتراف ده
بس هل السبويلر ميضايقكش وانت بتبص في المراية ؟؟

بصراحة انا بحس انه واكل جزء من مساحة الرؤية- زي مساند الرأس بتاعة الكنبة
لكن بصراحة مقابل شكله الجميل وسعره المناسب - فهو يستاهل
خصوصا انه غير شكل العربية تماما

متقلقش خالص يا استاذ احمد الرؤية واضحة و رائعة جدا و مش مؤثرة في اي حاجه خالص

المشاركة الأصلية كتبت بواسطة sedyrohy

يا ريت يا باشا تقولنا رش الاسبويلر يتكلف كام
بويه+مصنعيه+تلميع+تركيب
الاسبويلر بس علشان انت كاتب اسعار الاسبويلر و الاكصدام

معلش حضرتك في حاجه انا عايز انوه عليها سعر الاسبويلر ده عشان انا رايح تبع معرفة لكن دا مش السعر اللي بيتباع بيه لأنه بيعمل في حدود 200 جنيه لكن ممكن نخلي المنتدي يعمل اتفاق مع صاحب المصنع و نعمل خصم يكوم حلو جدا لكل اعضاء المنتدي بعد الاتفاق مباشرة
اما بالنسبة لسعر البوية و الرش دا حضرتك بيختلف حسب البوهيجي اللي هيرش و طبعا نوع البوية يعني كل ما الخامة تكون نضيفة كل ما السعر بيعلي حتي انا اخترت r.m نوع محترم و الجزء اللي اترش في الاكصدام و الاسبويلر اخدوا بوية بـ 100 جنيه و فضل كتير كمان.

الموضوع: تقرير مفصل بالصور عن تركيب سبويلر لنيسان صنى

LinkBack

أدوات الموضوع

عرض

-

-

-

-

-

-

-

المواضيع المتشابهه

بالصور تقرير مفصل تركيب السماعات البيضاوي في النيسان صني

تقرير مفصل بالصور عن تركيب جلد على كبوت و اكصدام التيدا

تقرير هام مفصل وبالصور عن تركيب جهاز ( بي سي ) لنيسان تيدا

تقرير مفصل بالصور عن تركيب سبويلر لنيسان صنى

تقرير مفصل بالصور عن تركيب زينون لنيسان تيدا

الكلمات الدلالية لهذا الموضوع

المفضلات

المفضلات

ضوابط المشاركة