من إسكندرية إلي القصاصين شرق مركز الحسينية محافظة الشرقية .... إيه أفضل مواصلات ?
عرض للطباعة
من إسكندرية إلي القصاصين شرق مركز الحسينية محافظة الشرقية .... إيه أفضل مواصلات ?
السلام عليكم وحمة الله وبركاته
الأخ الفاضل أستاذ عبد الله أحب أقولك أولاً إن القصاصين تبع اسماعيليه مش الشرقيه لكنها بالفعل قريبه جداً من الشرقيه
وكمان أنا هوصف لحضرتك عن طريق الشرقيه لإنى معرفش فى مواصلات من اسكندريه لإسماعيليه ولا لأ
حضرتك إن شاء الله هتركب من الموقف العمومى اللى عندكم فى اسكندريه للزقازيق وهتخليك معاه لغاية الأخر وتاخد تاكسى ب3جنيه بس لغاية الزراعه هتركب من الزراعه لإسماعيليه على طول هينزلك فى القصاصين إن شاء الله وطبعاً ده اريح من إنك تركب من الزقازيق لأبوحماد(مدينه تبع الشرقيه) وبعد كدا للتل الكبير(تبع اسماعيليه) وبعد كدا للقصاصين
وكمان ممكن تاخد القطر من اسكندريه ينزلك فى القصاصين بس هما ميعادين بس مش أكتر وده اللى هو قطر بور سعيد
ومتنساش حضرتك تسأل على مواصلات لإسماعيليه مباشرة من الموقف عندكم لإنى معرفش والله وكمان خلى بالك لإن ممكن لوفى لإسماعيليه على طول ميكونش بيعدى من على القصاصين
وتوصل بالسلامه إن شاء وأتمنى أن أكون أفدتك
جزاك الله كل خير أخى
هى فعلاً أقرب للإسماعيلية و لكنها تبع محافظة الشرقية مركز الحسينية