رجاء لأصحاب الياريس و الكورولا1300

السلام عليكم

أرجو من أعضاء المنتدى الجميل ده أصحاب الياريس و الكورولا 1300سي سي يجاوبوني

عن بعض التساؤلات و المخاوف اللي الناس بتقولها لي

إن ال1300 بعد ما يفوت على العربية مدة أو كام سنة...بتبقى تقيلة في السحب
و تكييفها كفاءته قليلة ( قالوا انها مع الأحمال بمرور الوقت هتضايق الواحد في السحب خصوص
ا لو بيروح مع الأسرة مشاوير بعيدة بيها )

أنا طلبت من أصحاب الكورولا 1300 يقولوا كمان تجربتهم لأن ممكن يكون عدى على
العربية معاهم مدة أكبر...و كمان أصحاب الياريس أكيد رأيهم مهم جدا

معلش يا جماعة عشان لو ربنا أكرمني و اشتريت عربية...كله بأمر الله...بس يعني مش بسهولة الواحد يغيرها قبل 10 سنين على الأقل

أرجو تفيدوني

انا عمى معاة كورولا 2003 و مفيهاش حاجة و زى الفل و العربية على فكرة اوتوماتيك

انا معايا ياريس 1300 أتوماتيك من سنة و عاملة دلوقتى 10.000 كم و الحمدلله سحبها لسه زى ماهو و متغيرش عن لما جبتها

ششششاركى هو تكييف الياريس ضعيف وووولا عندى اانا بس انا جربت التكييف انهارده وانا فى المرور ضعيف جدا مش بيبرد كويس ده عيب عندى ولا كل الياريس كده ؟

هو تكييف الياريس قوى جدا لدرجة إنه ممكن يكون تلاجة

هو ممكن علشان إنتى كنتى راكنة فى الشمس و شغلتى التكييف من غير ما تفتحى الزجاج و تمشى بيها شويه علشان تهوى العربية من اهواء الساخن إللى جواها و مع السرعة و المشى بيها حيبدأ يزيد

أخي فهد..و أخي sharky بجد ألف شكر و جزاكما الله كل خير
على سرعة الاستجابة و الاهتمام ربنا يبارك لكم في عربياتكم و يزيدكم من فضله:)

أنا برده لو جبتهاهتبقى أوتوماتيك إن شاء الله بس هاف أبشن...مع ان الهاف
كمالياتها قليلة قوي...بس الحمد لله

ربنا ييسر الأمور و يوجهني للي فيه الخير

أتمنى أسمع مزيدا من الآراء

اقتباس:

---

المشاركة الأصلية كتبت بواسطة دموع الثلج

ششششاركى هو تكييف الياريس ضعيف وووولا عندى اانا بس انا جربت التكييف انهارده وانا فى المرور ضعيف جدا مش بيبرد كويس ده عيب عندى ولا كل الياريس كده ؟

---

منورة الموضوع يا دموع الثلج...و ألف مبروك على الياريس الجميلة
ويا رب يكون الموضوع بسيط زي ما أخي شاركي بيقول...التكيف ده أهم حاجة

ابقي طمنينا

علي حسب استعمالك مالوش دعوه بال 1300 و ال 1600
لو استعمالك خفيف و رجلك حنينه علي العربيه حتعيش معك
لو مفتري عليها مش حتعمر.
بس دا برضه ما يمنعش ان المواتير الكبيره بتستحمل اكتر.

ألف شكر أخي حازم...دايما حضرتك بتهتم و ترد على تساؤلاتي

معلش الواحد بيقعد محتار فترة كده لحد ما ربنا بيهديه للي فيه الخير

إن شاء الله

بص يا باشا

انا كان معايا كورولا 1300 خليجي قعدت معايا 3 سنين

لا السحب قل ولا اي حاجة من دي خالص ولا المكنة فوتت

ولا التكييف كفائة قلت بس ممكن تحتاج تزود فريون بعد التلات سنين بس انا كنت عملت

حاجة غلط اني مشغلتوش طول الشتا خالص

وتابع مع الصيانة ومتخفش واتوكل علي الله

تويوتا من الشركات الياباني المعمرة....ان لم تكن اعلاهم في حكاية الكفاءة لفترات طويلة...
واحد صاحبي معاه كورولا 2004 ....وعاملة حوالي 70 الف كم...وما شاء الله كانها لسة زيرو في السحب والتكييف...وما عملش فيها اي شيء غير الصيانة الدورية....

اهم شيء انك تهتم بالعربية علشان اي معدة او آلة في الدنيا...ممكن تبوظ وتتبهدل باساءة الاستعمال ...دي سنة كونية في الكون...
يعني لو جبت عربية مصفحة ودخلت بيها في سور خرسانة....اكيد صاجها المصفح هايتكسر والبوية هاتتقشر...وكذلك اي عربية ليها استخدام معين...طول مانت موظفها في دائرة استخداماتها....طول ما هاتكون معاك كويسة....علي حسب سمعة شركتها ....وهو دة ايلي بيفرق من شركة لشركة..

لو هاتجيب ياريس....اختيار موفق ان شاء الله....واحسن قوي انك اختارت الاوتوماتيك....
لاني بعد ما جبت المانيوال ندمت ....البلد بقت خنقة...وزحمة ...ولو رجليك ما وجعتكش...العربية يا ما تبطل يا تحرق علي الموتور....خوفا من الهبوط من اعلي المطب علي العربية ايلي وراك....

الصراحة التكييف مش جامد يعنى هو حلو بس مش تلاجة وكمان بيأثر على السحب
وبالنسبة لكام سنة دى انا لسة امبارح كنت بعمل صيانة ال1000كيلو
بس هى عربية حلوووة اوووى بالنسة للمدينة (ومش وحشة على الطرق السريعة يعنى)
بس انا انصحك بيها لانها عربية كفاءة ونعومة وسحب حلو اوى حتى فى الاوتوماتيك

انا رأيى ان 1300 سيىء فى الاتوماتيك

افضل 1300 مانيوال او 1600 اتوماتيك


ان امعايا 2001 , 1300

هو ايه اللي بيختلف هن الهاف اوبشن و الفول ابشن فى الياريس ؟؟

ايه باقى الكماليات اللى فى الفول ابشن؟

ركبت كورولا 2004 وعداد الكيلو متر مسجل 320000 والعربية بسم الله ماشاء الله زى الفل فى السحب والتكييف تلاجة
تقريبا الفرق بين الياريس الهاف اوبشن والفول اوبشن ان الفول اوبشن 4زجاج كهرباء وسنتر لوك

أولا الياريس عربية بكل المقاييس ممتازة جدا فى كل حاجة سحب و كفائة و نعومة و ثبات مجربة لغاية 145 كم ماشاء الله أنا داخل على سنة والعربية معايا ياريس فول أوبشنز مانيول.كنت قرأت فى المانيول أن استهلاك البنزين هيتحسن مع الوقت و دة كنت فاكر انة كلام بس ولكن فعلا الكلام دة حقيقى أنا حسبت الاستهلاك لقيتة 350-360 كم/20 لتر طوالى.
فرق الفول أوبشنز يبقى كرسى السائق يعلى و يوطى, مرايات كهرباء, سنتر لووك ممتاز فية مميزات كتيرة, مانع سرقة (شفرة على الموتور), الكنبة الخلفية تطوى على مرحلتين, زجاج كهرباء و زجاج السائق تاتش, غلق مركزى للزجاج و الابواب من باب السائق

مش لاقي كلام ازودة على اللي قالوة الاخوة
بس اسال الناس اللي معاها كرولا 1300 من 92 وهيا هاتقوللك العربيات دي معمولة صح ازاي

اقتباس:

---

المشاركة الأصلية كتبت بواسطة onna

هو ايه اللي بيختلف هن الهاف اوبشن و الفول ابشن فى الياريس ؟؟

ايه باقى الكماليات اللى فى الفول ابشن؟

---

الكماليات اللى فى الفول ابشن
هى 4 زجاج كهربائى
سنتر لوك
ايموبلايزر (مفتاح مشفر )
الكنبه الخلفيه قابله للطى
فرش الابواب فيه جزء قطيفه نفس لون الفرش
بس

اقتباس:

---

المشاركة الأصلية كتبت بواسطة محمد ابراهيم 1

الكماليات اللى فى الفول ابشن
هى 4 زجاج كهربائى
سنتر لوك
ايموبلايزر (مفتاح مشفر )
الكنبه الخلفيه قابله للطى
فرش الابواب فيه جزء قطيفه نفس لون الفرش
بس

---

ثانك يووو يا محمد :D

أولا بعتذر جدا عن تأخري في الرد عليكم

و ثانيا ألف ألف لشكر لحضراتكم جميعا...جزاكم الله خيرا كثيرا

ربنا يكرمكم أفدتوني بآراؤكم...و دعواتكم ربنا ييسر لي اللي فيه الخير

الواحد سعيد جدا انه انضم للمنتدى الجميل ده و عرف أعضاء محترمين

زي حضراتكم بتقولوا معلومات رائعة بتختصروا بيها على الواحد كتير قوي بفضل الله

جزيل و خالص الشكر لكل من ::)

mazen86
hero
sa3dawy
cyber007
onna
bassam nagy
aber mohamed
karim_monir
محمد ابراهيم 1