مساعدة :من خبراء نقل البيانات في السامسونج

السلام عليكم ورحمة الله
واحد حبيبي طلب مني نقل الأسماء من على تليفونه القديم samsung 880 dual sim إلى التليفون الجديد samsung 7722 dual sim
انا طبعا خبرتي ضعيفة في موضوع السامسونج ده لإن إستخدامي نوكيا و ويندوز موبايل

بس عموما نزلت برنامج samsung pc studio وبرنامج kies وبرنامج contacts copier وكلهم خاصين بالسامسونج
النتيجة
samsung pc studio مبيشوفش غير ال880
kies مبيشوفش غير الجديد 7722
contacts copier مبيشوفش اي منهم

عملت sync مع ms outlook بالنبسة للقديم زي الفل ونقل كل حاجة وده بإستخدام ال pc studio
اجي اعمل sync للجديد بإستخدام kies مبيجبش ولا contact
مش عارف واضح ان ال 2 من جيلين مختلفين ونظامين مختلفين

يا ريت لو حد عنده حل عملي مجرب يشاركنا بيه وجزاه الله خيرا

السلام عليكم

حضرتك انا كان معايا موبيلين سامسونج و نقلت الاسماء بالبلوتوث و زى الفل الموضوع اخد 10 دقايق

اقتباس:

---

المشاركة الأصلية كتبت بواسطة alaasaid

السلام عليكم

حضرتك انا كان معايا موبيلين سامسونج و نقلت الاسماء بالبلوتوث و زى الفل الموضوع اخد 10 دقايق

---

وعليكم السلام
انا فعلا حاولت اعمل كده بس ده بيتطلب انك تفضل تعمل accept لكل اسم ولو وقف وده حصل 100 مرة هتعيد من الأول (جربت اكثر من مرة فعلا وبيفصل اثناء النقل ولازم تعمل موافقة على كل إسم على الرغم إني عملت AUTHORIZED DEVICE ) وهيكون عندك تكرار في جميع الأسماء بسبب إعادة إرسال الأسماء اكثر من مرة
جزاكم الله خيرا بس يا ريت لو حد عنده طريقة افضل

حد عنده حل مجرب؟

........ حلك الوحيد مع السامسونج دول انك تجيب 3 sim cards
كل واحدة بتشيل 250 اسم ... شوف بديت منين ونهيت منين وامسحهم
وارجع عيد الحدوتة تانى شوف وقفت عند انهو اسم وامسح من الموبايل و هكذا

اقتباس:

---

المشاركة الأصلية كتبت بواسطة ashouhdy

........ حلك الوحيد مع السامسونج دول انك تجيب 3 sim cards
كل واحدة بتشيل 250 اسم ... شوف بديت منين ونهيت منين وامسحهم
وارجع عيد الحدوتة تانى شوف وقفت عند انهو اسم وامسح من الموبايل و هكذا

---

فعلا ده حل ايضا بنقل ال 1000 إسم على 4 مراحل بإستخدام sim card وممكن تعمل move كمان وفي الحالة ديه مش هتحتاج تفتكر وقفت فين
بس يعيب الحل ده ان لو عندك إسم متسجل علية اكثر من رقم هينقل كل رقم على حدا في إسم منفصل وطبعا لو فيه e-mail address او address او web site او note يبقى مع السلامة..

جزاكم الله خيرا ashouhdy ولو حد عنده حل اخر يا ريت ميبخلش علينا

للاسف مفيش حل تانى ...

اول ما جبت السامسونج كان عندي الأرقام كلها علي الأوتلوك معمولها سينك من الويندوز موبايل

نزلت الأبلكيشن بتاع السامسونج علي الجهاز وسجلت رقمين كده وبعدين عملت منهم باك اب علي الكمبيوتر بالبرنامج وفتحت الملف في النوت باد شوفت الفورمات بتاعه شكله ايه .. وبعدين عملت اكسبورت للأرقام من الأوتلوك وظبطها بنفس الفورمات للسامسونج وعملتلها امبورت علي التليفون بالبرنامج

طبعا انا مش فاكر تفاصيل الكلام ده لأنه داخل علي سنه بس حاول فيها ولو حاجه وقفت معاك نشوفها

حضرتك استعملت pc studio فيرجين كام؟

عموما حضرتك ممكن تحمل أحدث نسخة من الرابط ده وإن شاء الله يشوف الجهازين.

http://mea.samsungmobile.com/ARB/sup...newPCStudio.do

تحياتي.

اقتباس:

---

المشاركة الأصلية كتبت بواسطة pro_samir

اول ما جبت السامسونج كان عندي الأرقام كلها علي الأوتلوك معمولها سينك من الويندوز موبايل

نزلت الأبلكيشن بتاع السامسونج علي الجهاز وسجلت رقمين كده وبعدين عملت منهم باك اب علي الكمبيوتر بالبرنامج وفتحت الملف في النوت باد شوفت الفورمات بتاعه شكله ايه .. وبعدين عملت اكسبورت للأرقام من الأوتلوك وظبطها بنفس الفورمات للسامسونج وعملتلها امبورت علي التليفون بالبرنامج

طبعا انا مش فاكر تفاصيل الكلام ده لأنه داخل علي سنه بس حاول فيها ولو حاجه وقفت معاك نشوفها

---

جزاكم الله خيرا
هل تقصد بالفورمات إمتداد الملف ولا تقصد طريقة ترتيب الأرقام وتزامنها مع ال outlook contact fields?

اقتباس:

---

المشاركة الأصلية كتبت بواسطة MotorX

حضرتك استعملت pc studio فيرجين كام؟

عموما حضرتك ممكن تحمل أحدث نسخة من الرابط ده وإن شاء الله يشوف الجهازين.

http://mea.samsungmobile.com/ARB/sup...newPCStudio.do

تحياتي.

---

اتذكر اني نزلت اخر نسخة بس اجرب ديه كمان
جزاكم الله خيرا وشكرا على المساعدة

اقصد الطريقه اللي الأرقام والأسامي بتتسجل بيها داخل الملف ، هي الفكره لفه شويه بس مكانش قدامي حل تاني

لكن لو عرفت تخلي البرنامج يشوف التليفونين هيكون اسهل بكتير ، او حتي تسطب برنامج للقديم تسحب منه باك اب وبعدين تسطب برنامج للجديد تعمل ريستور .. بشرط نوع الملف الباك اب يكون مشترك بين البرنامجين طبعا

فيه حل بسيط جدا
وبعمله فى اى موبايل مش لازم سامسونج بس
بدخل على البلوتوث واعمل مقارنه مع الموبايل التانى واخليه يوافق تلقائى
وكده هايوصلوا كلهم من غير ما اضغط على حاجة
وتقريبا فيه اوبشن فى الفون بوك اسمه استيراد اللى import ودة بيبحث عن الاسماء وبيجيبها
لو مانفعش هاتضطر تحفظهم يدوى

------------
طريقه تانيه انقلهم على الشريحه وبعد كده انقلهم على الموبايل
------------
الطريقه التالته عن طريق البرنامج اللى بيجيلك فى السى دى بس بصراحه ما استخدمهوش اوى علشان اقدر افيدك فيه
-------------
عموما ان شاء الله تلاقى الحل لو مانفعش معاك حاجة من الحاجات دى