بتعمل إيه لما حد بيضرب كلاكسات على الفاضى !!

**wasta** · 15-12-2010 11:15 AM

ياباى على ده مرض كان زمان بتوع الميكروباصات بس اللى بيضربوا كلاكس دلوقتى معظم الناس إتعديت منهم

أنا ببقى ماشى وألاقى صوت كلاكس مزعج جدا أبص ورايا ملاقيش حاجه منين ياجدعان الصوت ده ألاقيه موتوسيكل وبعيد عنى ومفيش حاجه أمامه أساسا و أبقى ماشى والطريق واقف وألاقى واحد ورايا عمال بيب بيب بيب بيب والطريق واقف
حاجه تشل
إنت لما حد بيزمرلك بدون سبب بتعمل إيه

أنا عن نفسى ببصله بصت إستغراب وقرف اللى هيه تحرجه

أو بعديه منى وبجرى وراه وبديله نفس الزماره اللى هوه كان بيعملها ويبصلى فى المرايا ويضحك أو يعمل عبد الحميد

أو لو بوخ قوى بشتمه وأقوله جاك داق الميه لما تدقر من تحت منك

**mramzy** · 15-12-2010 11:24 AM

بعمل زيك
بس مره اتغظت من سواق تاكس فى شارع الهرم فضل قرفنا من او النفق والطريق واقف وووسعت له وبرضه بيب بيب بيب
جيت جنبه وبقوله لو انت بطلت تضرب كلاكس العربيه هتبطل منك
اتكسف وسكت واول ما بعدت عنه بشويه راح اشتغل تانى
ههههههههههههههههههههههه

**Ahmed Nasser** · 15-12-2010 11:25 AM

مرة والدى ركب ادام جنب سواق اجرة والسواق واخد الطريق كلة كلاكسات على الفاضى
والدى بيقولة لية كدة قالة عشان اصحى ههههههه
شكلة كان لسة قايم من النوم والكلاكسات هى اللى بتفوقةههههههههه

**Amrrr** · 15-12-2010 11:42 AM

باعلي الكاسيت :)

عشان مرة نص نقل جنبي وعمال برضة تيت تيت تيت والطريق اصلا واقف وبوز عربيته جنب ودني بالظبط وهو شغال ولما قلتله في ايه الكلاكسات دي ليه : قاللي : وهما حطوا الكلاكس ليه
قلتله : عشان تنبه بيه حد قدامك !!
قاللي : ماهو في عربية قدامي !!!!! طبعا no comment وحالة ذهول مني !!! قفلت الشباك وعليت الكاسيت ومن ساعتها هو دا التصرف ولو ممكن اعديه باسيبه يعدي

ومرة راكب تاكسي عمال برضة طول ماهو ماشي ولما سألته ليه كدة ؟ ضحك وقاللي اصل انا كنت باسوق ميكروباص اساسا :((((

**Sh_sunsea** · 15-12-2010 01:10 PM

يا جماعة الحل بسيط لو فعلا زهقت منه - بدل كده كده الدنيا زحمة - تعالى قصاده وادي أحلى وأجمل وأروع فلاشر وانزل من العربية واعمل نفسك بتجيب أو بتحط حاجة في الشنطة - وعليها بقى الطريق هايمشي من هنا - وهايقعد هو يتشال ويتحط في مكانه علشان يعديك (خصوصا ان الناس دي بتبقى لازقة في شنطة العربية فمش سهلة انه يعدي) وبعدين تعالى وراه وماتتعبش نفسك انك ترد له الكلاكس - علشان انت طلعت غيظك فيه خلاص

**M.Elgergawy** · 15-12-2010 01:24 PM

أنا مرة كنت ماشي في شارع روض الفرج والدنيا زحمة ودخلة العيد وكان في سواق تاكسي فيرنا ورايا من أول الشارع هات يا كلاكسات لغاية لما قولتله أطير يعني والا اعمل ايه المهم فضل شغاااااال تيت تيت تيت المهم روحت راكن وفتحت الباب ونزلت فتحت الباب بتاعه ورحت ماسكه من القميص كدا من ناحية ( قفاه ) وزعأت جامد إنت عايز إيه خنقتني والله كنت هضربه أنا عايز أقولكوا هو متكلمش ولا كلمه وكان مستغرب جدا وطبعا طووول الطريق بعد كدا قمة الهدوء والجمال يااااااااااااه

**kar!m** · 15-12-2010 02:04 PM

أنا بطلع له ايدى من الشباك (يعنى بالراحة شوية).

**Eng_Mostafa_89** · 15-12-2010 02:45 PM

المشاركة الأصلية كتبت بواسطة kareemz

أنا بطلع له ايدى من الشباك (يعنى بالراحة شوية).

نفس اللى بعملة ولو استمر على كدة
بفتح الباب واخد الفوطة وانزل امسح العربية ولو اتكلم بقولة علشان يبقى انت بتضرب كلاكس بفيدة بدل مهو على الفاضى

**M.Osman** · 15-12-2010 03:07 PM

برفع الإزاز و بعلي الكاسيت و لما الطريق يبدأ يمشي .. اعمل نفسي مش واخد بالي ...عشان يفضل يحرق في دمه كمان

اصل لما يبقى الطريق واقف هعملك اية يعني لما تديني كلاكسات ؟

**cyborg_ift** · 15-12-2010 03:20 PM

ده ممكن تسميه ثقافة الميكروباصات عامل زي العيل اللي مسكوه زماره أو زي الهبله اللي مسكوهه طبله

الموضوع: بتعمل إيه لما حد بيضرب كلاكسات على الفاضى !!

LinkBack

أدوات الموضوع

عرض

بتعمل إيه لما حد بيضرب كلاكسات على الفاضى !! - انشر الموضوع فى :

-

-

-

-

-

المواضيع المتشابهه

كلاكسات أوكتافيا

كلاكسات اوكتافيا

كلاكسات الأوبل

كلاكسات للألنترا

قاهرة.. بدون كلاكسات

الكلمات الدلالية لهذا الموضوع

المفضلات

المفضلات

ضوابط المشاركة