الموضوع: اغير موتور ولا اعمر

فى واحد فى بورسعيد اسمه ياسر راجل محترم وزوق جدا اتعاملت معاه كذا مرة كنت ناوى اشترى من عنده موتور 1600 اسكورت زيتك كامل بالضفيرة + الفتيس + قواعد الموتور + البوار +كمبريسور التكييف + اسكترا باور 5500 جنيه و اتفقت معاه انى ادفع نص المبلغ والباقى بعد شهرين لكن الظروغ عندى غير متاحة حاليا

المشاركة الأصلية كتبت بواسطة abo_zied

انا شايف من وجهة نظرى وزى ما انت عارف ان نظرى ضعيف انك تشترى واحد استيراد و يا حبذا لو هتشتريه من واحد عنده نص كامل ( انك تتطلعه من نص عربية ) و يا ريت تشتريه كامل لان زى ما انا ملاحظ انك لما تشترى حاجة كاملة السعر بيكون قريب من انك تشترى جزء بالاضافة الى انك بتلاقى قطع غيار ممكن تستفيد بيها فى المستقبل و تكون مهمة الصنايعي اختيار افضل موتور + تسقيطه و شوية ظبط لكن لما تخش بقى فى مرة الكلام قبل العمرة زى العسل وتحس ان الصنايعى هيطلع الموتور احسن من الزيرو ولكن نفاجئ بالحجج اصل الخراط منه لله - اصلك يا استاذ انت مستعجل - قطع الغيار مش اصلية وحتى الاصلية مش زى الاول وكنا حاسبين الحسبة على قد كدا معلش هتخرم شوية اصل مش معقول الصرف ده كله هنستخسر فى القطعة دى ويا سلام بقى لو غيرت ايه هيعمل فى العربية ايه و فى النهاية امشي بالموتور شوية وبعدين نبقى نظبط ايه

كلام جميل من معمر سابق
شكرا على التعليق

هو جر ايه ياجو كلنا بنتعلم منك وبنستفاد منك لانك الاستاذ هنا فى قسم فورد

ربنا يوفقك باذن الله فى شراء موتور استيراد اوفر بكتير واضمن من موضوع العمره

وانا لو مكانك

ابيع العربيه واشترى غيرها منها تغير ومنها تجديد

رضا باشا متشكر على الرد
مفيش حد كبير على حد صدقني
و فيه حاجات كتير بتحتاج تسمع فيها النصيحة و لازم يكون فيه مشاركة في القسم علشان كدة بطالب كل واحد انه يشارك
هو لحد دلوقتي كفة الموتور الاستيراد مرجحة عندي علشان التكاليف
موضوع اغير العربية طبعا فيه مشكلة عندي
اولا انا بحب العربية ديه قوي
ثانيا و الاهم طبعا انا مش جاهز ماديا لاي تجديد
ثالثا مبقاش عندي خلق ادور و الف و اشوف عربيات زي زمان و طبعا نظرا لظروف الوقت برده

ينهار ابيض اية الي بيحصل دة اية الي انا شيفو دة جوزيف بيسئل درامي فكري جروب لما بيحتارو في الفورد بيتصلو بجو ملك الفورد.
عموما دي فرصة ان الواحد يقول راي لرئيس قسم الفورد في نايل متورز عن نفسي افضل المتور الاستيراد لانو تقفيل بلدو وعلي التجربة لو فية الهوا هيرجع والبايرة علي بيت ابوها.
انما بقي لو هتعمر اولا متضمنش قطع الغيار الي موجودة في السوق وممكن حاجة مضروبة بعد كدا الخراط وممكن حاجة مش مظبوطة وكلام اي كلام وبعد كدا المشمهندس قطب يلبس البلطو الابيض اقصد الازرق ويدخل المتور العناية المركزة ويبتدي عملية العمرة وهات كذا ولازم اصلي ب10000 جنية لاما انا مش مسئول عن نتيجة العمرا وبعد كدا تلين ووجع قلب وتفضل ملشي علي مهلك وتضيعلك كام يوم في وجع القلب دة.
الافضل استيراد وخلي القديم قطع غيار وياباشا انا تحت امرك في اي مشاوير احنا مننساش وقفتك معانا وربنا يوفقك.

و الله ما قصرت يا تامر
( العربية اللى حلتى بااااااااظت ) ربنا يوفقك يا جو

يعني واضح من الكلام اننا لو عملنا استفتاء شعبي هانلاقي الاغلبية ناحية الموتور الاستيراد و طبعا بنائا على نداء ( شديد اللهجة ) من جيبي مضطر اخاكم لا بطل للموضوع الموتور الاستيراد
بس حاليا جاري البحث عن ايه هيا الطرق القانونية لضمان ملكية الموتور القديم يعني اذاي ممكن احتفظ بملكيتة و اقدر اركبة بعد كدة لو حبيت ؟؟

المشاركة الأصلية كتبت بواسطة ayabooy

يعني واضح من الكلام اننا لو عملنا استفتاء شعبي هانلاقي الاغلبية ناحية الموتور الاستيراد و طبعا بنائا على نداء ( شديد اللهجة ) من جيبي مضطر اخاكم لا بطل للموضوع الموتور الاستيراد
بس حاليا جاري البحث عن ايه هيا

[gdwl]الطرق القانونية لضمان ملكية الموتور القديم يعني اذاي ممكن احتفظ بملكيتة و اقدر اركبة بعد كدة لو حبيت ؟؟[/gdwl]

نقطة جديرة بالبحث ياأستاذ جوزيف وياريت نعرف هتوصل فيها لأيه ومهم جدا تشاركنا معاك اثناء شراء الموتور الجديد ومبروك عليك مقدماً